Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Netflix компани шинжээчдийн хүлээлтээс давсан санхүүгийн үзүүлэлт үзүүлж, түүхэнд байгаагүй их орлого олж, амжилттай ажилласан ч үүсгэн байгуулагч Рид Хастингс Төлөөлөн Удирдах Зөвлөлийн даргаас огцрохоо мэдэгдсэнтэй холбоотойгоор хувьцааных нь ханш буурчээ.
Netflix 2026 оны нэгдүгээр улиралд 12.2 тэрбум ам.долларын орлоготой ажилласан нь өмнөх оны мөн үеэс 16 хувиар өссөн үзүүлэлт юм.
Мөн нэгж хувьцаанд ногдох ашиг (EPS) 1.23 ам.доллар болсон нь зах зээлийн таамаг болон компанийн өөрийн төлөвлөгөөнөөс давсан гүйцэтгэл байлаа. Тухайлбал, шинжээчид 12.1 тэрбум ам.долларын орлого олж, нэгж хувьцаанд 0.76 ам.долларын ашиг олно хэмээн тооцож байсан аж.
Компани энэхүү үр дүнг хүлээлтээс давсан захиалгын орлоготой холбон тайлбарлаж байна.
Харин компанийн төлөвлөгөөгөөр хоёрдугаар улиралд 12.5 тэрбум ам.долларын борлуулалт хийж, нэгж хувьцаанд 0.78 ам.долларын ашиг олно гэж төсөөлсөн нь Уолл Стритийн 12.6 тэрбум ам.долларын орлого олж, 0.84 ам.долларын EPS хийнэ гэсэн таамгаас доогуур үзүүлэлт юм.
Нэгдүгээр улирлын орлогын тайлангаа танилцуулах үеэр Netflix компани үүсгэн байгуулагч, ТУЗ-ийн дарга Рид Хастингс (Түүний хөрөнгө нь 5.8 тэрбум ам.доллар гэж үнэлэгддэг) 6-р сард албан тушаалаасаа бууж, буяны үйл ажиллагаа болон бусад ажлууддаа анхаарахаар болсныг мэдэгдсэн байна.
Энэхүү мэдэгдлийн дараа Netflix-ийн нэгж хувьцааны ханш (after-hours- арилжаа хаагдсаны дараа) 9 хувиар унасан ч он гарснаас хойш 18 хувиар өссөн юм.
Netflix компани орлогын хувьд 2025 онд дээд амжилт тогтоосон. 2025 онд орлого нь 45.2 тэрбум ам.долларт хүрч, өмнөх оноос 16 хувиар өссөн бол цэвэр ашиг нь бараг 11 тэрбум ам.доллар болж, 2024 оноос 26 хувиар өссөн байна.
2025 онд Netflix контент (шууд дамжуулалт)-д илүүтэй анхаарч, WWE-ийн (тоглолт, шоу, нэвтрүүлэгийг дамжуулах, түгээх, ашиглах албан ёсны зөвшөөрөл ҮГ.МН) онцгой стриминг эрхийг 10 жилийн хугацаатайгаар эхлүүлсэн. Мөн NFL-ийн (Америкийн мэргэжлийн хөлбөмбөг ҮГ.МН) зул сарын өдрийн хоёр тоглолтыг дамжуулах онцгой эрхийг авсан, эдгээр тоглолтууд нь түүхэн дэх хамгийн их үзэлттэй NFL стриминг болсон. (Нэг тоглолт ойролцоогоор 30 сая үзэгчтэй байсан ҮГ.МН)
Үндсэн контентууд ч үзэгчдийг татсан. Үүнд Squid Game цувралын 3-р бүлэг, Stranger Things цувралын 5-р бүлэг гэх мэт, мөн кинонуудаас “KPop Demon Hunters” онцгой амжилт гаргаж, 2025 оны 6-р сард нээлтээ хийснээс хойш 500 гаруй сая үзэлттэй болж, платформын түүхэн дэх хамгийн их үзэлттэй киногоор шалгарчээ.
2026 оны эхний улиралд Netflix контентын хүрээгээ өргөжүүлж, MLB Opening Night тоглолтыг онцгой эрхтэйгээр дамжуулсан. Харин 3-р сард БНСУ-ын алдарт К-поп хамтлаг BTS-ийн Сөүл дэх тоглолтыг шууд дамжуулсан юм.
🎓 Компанийн нийгмийн хариуцлагын бодлого, орон нутгийн боловсролыг дэмжих хөтөлбөрийн хүрээнд хэрэгжүүлдэг “Цалинтай оюутан” хөтөлбөрийн энэ жилийн бүртгэл эхэллээ.
Мөн үндсэн контентуудаас Bridgerton цувралын 4-р бүлэг нээлтээ хийснээс хойш долоо хоногийн дотор 40 сая үзэлттэй байна. Бен Аффлик болон Мэйт Дэймонд нарын тоглосон “The Rip” триллер төрлийн кино 3 хоногийн дотор 41.6 сая үзэлттэй болжээ.
2026 оны 3-р сар хүртэл Netflix захиалгын үнээ жил гаруйн хугацаанд хоёр удаа нэмэгдүүлсэн. Standard багцын үнийг 1 ам.доллараар нэмэгдүүлж 8.99 ам.доллар болгосон бол зар сурталчилгаагүй Standard болон Premium багцуудыг тус бүр 2 ам.доллараар нэмэгдүүлж 19.99 болон 26.99 ам.доллар болгожээ. Шинжээчдийн үзэж байгаагаар энэхүү үнийн өсөлт 2026 онд ойролцоогоор 1.5 тэрбум ам.долларын нэмэлт орлогыг бий болгох аж.
Netflix компани 2025 оны 12-р сард Warner Bros. Discovery компанийг 82.7 тэрбум ам.доллараар худалдан авах санал гаргасан. Гэвч уг хэлцэл зарлагдсанаас хэдхэн хоногийн дараа Paramount Skydance компани Warner Bros. Discovery-д бүхлээр нь бэлэн мөнгөөр худалдан авах дайсагнасан санал тавьж, улмаар Warner Bros-ийнх ТУЗ-ийнхөн хоёрдугаар сарын сүүлчээр 110.9 тэрбум ам.долларын нэмэгдүүлсэн саналыг нь хүлээн зөвшөөрсөн байна.
Хэдийгээр Netflix уг хэлцлийг алдсан ч хөрөнгө оруулагчид үүнийг боломж гэж үзэн хувьцааг нь худалдан авсан. Түүн дундаа тэрбумтнуудын удирддаг хедж сангууд болох Кен Гриффиний Citadel болон Филлиппе Лэйффонтийн Coatue сангууд Netflix-ийн хувьцаанаас олон сая ширхэгийг худалдан авч, ханшийг нь өсгөж өгчээ.
Мөн Paramount Skydance Netflix-д 2.8 тэрбум ам.долларын “Гэрээ цуцлах төлбөр” төлөх шаардлагатай болсон бөгөөд шинжээчид энэ мөнгийг зөв ашиглавал Netflix-д өрсөлдөх давуу тал бий болгож чадна гэж үзэж байна.
2026 оны 3-р сард Netflix Бен Аффликийн үүсгэн байгуулсан хиймэл оюун ухаанд суурилсан кино үйлдвэрлэлийн стартап InterPositive компанийг ойролцоогоор 600 сая ам.доллараар худалдан авсан.
Netflix-ийн хувьцаа энэ онд 18 хувиар өссөн бөгөөд 2-р сарын доод түвшнээсээ 40 гаруй хувиар өсөөд байна.
Хоёрдугаар улиралд хөрөнгө оруулагчид дараах асуудлуудад анхаарал хандуулна:
-Үнийн өсөлтийн дараа хэрэглэгчид хадгалагдах эсэх.
-Warner Bros.-ийн хэлцэл бүтэлгүйтсэний дараах худалдан авалтын бодлого.
-Netflix-ийн зар сурталчилгааны орлогын өсөлт
-Контентод хийсэн хөрөнгө оруулалт үр өгөөжөө өгч байгаа эсэх.
-Ронда Роси болон Жина Карано нарын хооронд болох MMA тулааныг анх удаа онцгой эрхтэй дамжуулна.
-“BEEF” цувралын 2-р бүлэг
-“Stranger Things: Tales From '85”
-“Sweet Magnolias” цувралын 5-р бүлэг
-Avatar: The Last Airbender цувралын 2-р бүлэг гэх мэт контент, кинонууд гарахаа хүлээж байна.
