📰Онцгой мэдээ: Японы шинэ Ерөнхий сайд инфляцийн эсрэг томоохон эдийн засгийн урамшууллын багц бэлтгэж байна

НИЙТЭЛСЭН:

2025-10-22 20:30

"Японы шинэ Ерөнхий сайд Санаэ Такаичи өрхийн амьжиргаанд дарамт учруулж буй инфляцийн эсрэг арга хэмжээ авах зорилгоор өмнөх жилийн 92 тэрбум ам.доллароос давсан хэмжээний эдийн засгийн урамшууллын багц боловсруулах бэлтгэл хийж байна" гэж Засгийн газрын эх сурвалжууд өнөөдөр мэдэгдлээ.

Энэхүү 13.9 их наяд иений (ойролцоогоор 92.19 тэрбум ам.доллар) урамшууллын багц нь өнгөрсөн мягмар гарагт албан ёсоор ажилдаа орсон Такаичигийн анхны томоохон эдийн засгийн санаачилга юм. Тэрбээр үүнийг “хариуцлагатай, идэвхтэй төсвийн бодлого” гэж нэрлэж, томоохон хэмжээний төрийн зардлыг дэмжигч хандлагаа харууллаа.

Эх сурвалжийн мэдээлснээр уг багц гурван үндсэн тулгуур дээр төвлөрнө:

Инфляцийн эсрэг арга хэмжээ,
Өсөлттэй салбаруудад хөрөнгө оруулах
Үндэсний аюулгүй байдал.

Эдгээр асуудал одоогоор нууцын зэрэглэлтэй байгаа учраас эх сурвалжууд нэрээ нууцалсан ажээ

Мэдээ нийтлэгдсэний дараа Японы Никкей индекс (.N225) уналтаа нөхөн өсөж, иений ханшийн өглөөний өсөлт саарсан байна.

Хөрөнгө оруулагчид Такаичигийн зардлын төлөвлөгөөг анхааралтай ажиглаж байгаа бөгөөд Япон нь дэлхийн хамгийн их өртэй эдийн засгийн нэг юм.

🛢 Инфляцийн эсрэг гол арга хэмжээнүүд:

Засгийн газар түр хугацаанд нэмэгдүүлсэн шатахууны татварыг цуцлах шийдвэрийг түргэн хэрэгжүүлэхээр төлөвлөж байна.
Орон нутгийн санхүүгийн дэмжлэгийг өргөтгөж, цалин нэмэгдүүлдэг, татварын хөнгөлөлтөд хамрагдаж чаддаггүй жижиг, дунд үйлдвэрүүдийг түлхүү дэмжинэ.
Мөн хиймэл оюун ухаан, хагас дамжуулагчийн үйлдвэрлэл зэрэг өсөлттэй, стратегийн салбарт хөрөнгө оруулалт хийхээр тусгажээ.

💴 Төсвийн хэмжээг тодорхой болгож байгаа ч:

Эх сурвалжуудын хэлснээр багцын эцсийн дүн одоогоор эцэслэгдээгүй байгаа бөгөөд ирэх сард зарлагдах бололтой.

Шинэ Сангийн сайд Сацүки Катаяма лхагва гарагийн хэвлэлийн хурлын үеэр:

“Нэмэлт төсвийн тодотголын талаар ярих нь арай эрт байна. Гэхдээ бүх шаардлагатай арга хэмжээг хамрахуйц цар хүрээтэй байх ёстой,”
гэсэн байна.

Тэрбээр энэ багцыг санхүүжүүлэхийн тулд энэ санхүүгийн жил (ирэх оны 3 сар хүртэл) дотор багтаан нэмэлт төсөв боловсруулж, ойрын хугацаанд дээд тэнхим-ын ээлжит бус чуулганд өргөн барих төлөвлөгөөтэй байгааг онцолсон.

Хэрэв нэмэлт зарцуулалт анхны төсөөллөөс давбал, өрийн бичиг (бонд) гаргах шаардлага үүсэж, эдийн засгийн өсөлт ба төсвийн сахилга батын тэнцвэрийг хадгалах асуудал дахин сөхөгдөх магадлалтай.

💬 Эдийн засагчдын дүгнэлт:

Оксфордын Эдийн засгийн хүрээлэнгийн Японы эдийн засгийн хэлтсийн дарга Шигэто Нагай хэлэхдээ:

“Энэ төлөвлөгөө нь Такаичигийн намын удирдлагын сонгуулийн үеэр танилцуулсан бодлогын жагсаалттай нийцэж байна. Энэ нь өмнөх засгийн газруудаас ялгарах зүйл бага. Тэд мөн л инфляцийн өсөлтөөс олсон нэмэлт татварыг эмзэг өрхүүдийг дэмжихэд ашиглаж ирсэн,”
гэжээ.

👩‍💼 Төрийн түүхэнд анхны эмэгтэй Ерөнхий сайд

Санаэ Такаичи 2025 оны 10 дугаар сарын 21-нд парламентын санал хураалтаар Японы анхны эмэгтэй Ерөнхий сайд болсон.

Түүний сонгогдсон мэдээ иений ханш болон бондын өгөөжийг бууруулсан, учир нь хөрөнгө оруулагчид Төв банкны бодлогын хүүгийн өсөлт удааширна гэж үзсэн байна.

Тэрбээр нас барсан Ерөнхий сайд Шинзо Абэгийн “Абэномикс” бодлогын үнэнч дэмжигч бөгөөд төрийн зардлыг нэмэгдүүлж, татварыг бууруулахыг уриалж, мөн Төв банканд Засгийн газрын нөлөөг дахин бэхжүүлэх байр суурьтай байдаг.

Такаичи мягмар гарагт болсон хэвлэлийн хурлын үеэр хэлэхдээ:

“Мөнгөний бодлого бол эдийн засгийн өргөн бодлогын нэг хэсэг бөгөөд эцсийн хариуцлагыг Засгийн газар хүлээнэ. Гэхдээ тодорхой арга хэрэгслийг хэрэгжүүлэх нь Японы Төв банкны шийдвэр байх ёстой,” гэж мэдэгдсэн.

💱 1 ам.доллар = 150.78 иен

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07