Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Хөрөнгө оруулагчид ба АНУ-ын хувьцааны хайр-үзэн ядалтын харилцаа: "Энэ бол төвөгтэй харилцаа. Хөрөнгө оруулалтад мөнхийн үзэн ядалт, мөнхийн хайр гэж үгүй билээ"
Өнөөдөр АНУ-ын хөрөнгийн зах зээл нээгдэхэд хөрөнгө оруулагчид хүлээлтийн байдалд байна. Уолл Стритийн гол гурван индексийн фьючерс бага зэрэг буурч, Холбооны Нөөцийн Банкны сүүлийн бодлогын уулзалтын тэмдэглэл хүлээгдэж байгаа юм. Үүний зэрэгцээ дэлхийн хувьцааны зах зээл бага зэрэг буурсан ч дээд амжилтын ойролцоо хэвээр байна. АНУ-ын Ерөнхийлөгч Дональд Трамп "Тарифын рулет" тоглох дуртай хэвээр байгаа хэдий ч энэ байдал өөрчлөгдөөгүй өнөөдөртэй золголоо.
Ерөнхийлөгч Трамп Хятадаас орж ирэх бүх импортод 10%-ийн тариф тогтоогоод зогсохгүй, Мексик болон Канадын эрчим хүчнээс бусад бараанд 25%-ийн татвар ногдуулах талаар ярьж байна. Мөн эмийн бүтээгдэхүүн, хагас дамжуулагчид 25%-иас дээш татвар ногдуулах төлөвтэй байгаа. Машины салбар дөрөвдүгээр сарын 2-нд дараагийн бай болно.
Энэ бодлого нь "Шагнал ба шийтгэл" хосолсон арга барилтай боловч дэлхийн эдийн засагт хэрхэн нөлөөлөх нь тодорхойгүй хэвээр байгаа юм. Санхүүгийн зах зээлд Трампын мэдэгдлүүдэд хүмүүс дассан нь түүний анхны бүрэн эрхийн хугацааны үед ажиглагдаж байсан үзэгдэлтэй төстэй болохоор тэр биз.
Эдийн засгийн томоохон үйл явдал
Өнөөдөр Холбооны Нөөцийн Банкны нэгдүгээр сарын хурлын тэмдэглэлүүд гарах бөгөөд ялангуяа Холбооны Нөөцийн Банкны тэргүүн Жером Пауэллын сүүлийн хатуу байр суурь, хэрэглээний үнийн сүүлийн өгөгдөлтэй уялдуулан хүлээлт өндөртэй байгаа. Сүүлчийн хурлаар бодлогын хүүг 4.25% - 4.5% түвшинд хадгалахаар шийдвэрлэсэн.
Үүний зэрэгцээ АНУ, Оросын хооронд Украины асуудлаарх таатай бус яриа өрнөж байна. Украины болон Европын орнуудыг энэ хэлэлцээнд оруулаагүй нь олон нийтийн анхаарлыг татаж байгаа. Трамп Мар-а-Лагогоос байр сууриа илэрхийлж, Оросын талыг баримталсан мэдэгдэл хийжээ. Европын удирдагчид Украиныг дэмжих байр сууриа бататгаж, энэ нь Европын батлан хамгаалахын хувьцааг өсгөж, засгийн газрын урт хугацааны зээлийн хүүг нэмэгдүүлсэн.
Хөрөнгийн зах зээлд өрнөж буй өөрчлөлтүүд
Европын хувьцаанууд өчигдөр өсөлтөө үргэлжлүүлж, Euro Stoxx 50 индекс 0.25%-иар өсөж, оны эхнээс хойш нийт 13%-ийн өсөлт үзүүлээд байна. Харин АНУ-ын зах зээлд Dow Jones 0.02% багахан өссөн бол S&P 500 болон Nasdaq арай илүү өсөлт үзүүлсэн.
Томоохон технологийн компаниудын хувьцаа уналттай байсан бөгөөд “Meta”, “Amazon”, “Alphabet”, “Tesla”, “Broadcom” зэрэг компаниуд бага зэргийн бууралттай байв. Гэсэн хэдий ч хиймэл оюун ухааны хамааралтай компаниуд болох “Super Micro Computer”, “Palantir” зэрэг компанийн хувьцаа өссөн. “Intel” компани “Broadcom” болон “TSMC”-ийн сонирхлыг татаж буй цуурхал нь хагас дамжуулагчийн салбарт чухал өөрчлөлт дагуулах төлөвтэй байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Хөрөнгө оруулагчдын хандлага
Банк оф Америкийн хөрөнгө оруулалтын менежерүүдийн судалгаагаар хөрөнгө оруулагчид хувьцаанд маш их анхаарал хандуулж, бэлэн мөнгөний нөөцөө 3.5%-д хүртэл бууруулсан байна. Энэ нь сүүлийн 15 жилийн хамгийн доод түвшин юм.
Түүнчлэн хөрөнгө оруулагчдын 52% нь зөөлөн эдийн засгийн бууралт болно гэж үзэж байгаа бол 36% нь огт уналт болохгүй гэж таамаглаж байна. 77% нь Холбооны Нөөцийн Банк энэ жил бодлогын хүүг бууруулна гэж таамаглаж байгаа бөгөөд 51% нь хоёр удаагийн хүүгийн бууралт болно гэж үзэж байгаагаа мэдэгдсэн.
Гэсэн хэдий ч 89% нь АНУ-ын хувьцаануудыг хэт өндөр үнэлэгдсэн гэж үзэж байгаа боловч "Гайхамшигт долоон" (Apple, Microsoft, Alphabet, Amazon, Nvidia, Meta, Tesla) технологийн хувьцаануудыг бусад хөрөнгө оруулалтын хэрэгслүүдээс илүүд үзэж байна. Европын хувьцаанууд “Nasdaq” болон Хонгконгийн “Hang Seng” индексээс илүү амжилт үзүүлнэ гэсэн хүлээлттэй байгаа юм.
Азийн зах зээлийн хөдөлгөөн
Өнөө өглөө Япон, Тайвань, Австрали, Хонконгийн зах зээл 0.2%-0.7% хүртэл уналттай байгаа бол БНХАУ болон Энэтхэгийн зах зээл өсөлттэй байна. Өмнөд Солонгосын “KOSPI” индекс 1.7%-иар өсөж, хагас дамжуулагчийн салбарын өсөлтөөрөө ялгарч байгаа.
Эдийн засгийн гол үзүүлэлтүүд
Ам.долларын индекс: 107.010
Алт (унц): 2,931.25 ам.доллар
Түүхий нефть (BRENT): 76.06 ам.доллар
АНУ-ын 10 жилийн бондын хүү: 4.55%
Биткойн: 95,736.8 ам.доллар
Компаниудийн мэдээ
Citigroup: Гүйцэтгэх захирал Жейн Фрейзерийн жилийн цалин 34.5 сая ам.доллар болж нэмэгдсэн.
Analog Devices: I улирлын орлого хүлээлтээс давсан ч ашгийн үзүүлэлт буурсан. 8%-ийн ногдол ашиг нэмэгдүүлж, 10 тэрбум ам.долларын хувьцаа буцаан худалдан авах төлөвлөгөө гаргав.
Intel: “Silver Lake” компани “Intel”-ийн “Altera” нэгжийг 9 тэрбум ам.доллараар худалдан авах хэлэлцээр хийж байгаа талаар мэдээлэл гарснаар хувьцааны үнэ өссөн.
Arista Networks: Хиймэл оюун ухааны технологийн өсөлтөөс шалтгаалан орлого, ашгийн өсөлт үзүүлж, I улирлын орлогын таамгаа өсгөлөө.
Alphabet (Google): Италийн татварын маргаанд 326-340 сая евро төлөхөөр тохиролцов.
Хөрөнгө оруулагчдын зөвлөмжүүд
Illinois Tool Works: Deutsche Bank-аас "зарж болохгүй" үнэлгээ авсан. Үнэ 231 ам.доллараас 257 ам.доллар хүртэл өснө гэж тооцоолжээ.
Amazon: “KB Securities” компани "худалдан авах" үнэлгээг хэвээр үлдээж, үнийг 209 ам.доллараас 273 ам.доллар болгож нэмэгдүүлэв.
Twilio: Daiwa Securities компани "онцгой сайн" үнэлгээг өгч, үнийг 97 ам.доллараас 141 ам.доллар болгож өсгөсөн байна.
