Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Хоёр улсын удирдагчдын уулзалт 2 цаг гаруй үргэлжилжээ.
АНУ-ын Ерөнхийлөгч Дональд Трамп Бээжинд болсон өндөр ач холбогдолтой дээд хэмжээний уулзалтын үеэр БНХАУ-ын дарга Ши Жиньпинээс Тайванийн асуудлаар хатуу анхааруулга хүлээн авлаа. Хятадын төрийн мэдээллийн агентлаг “Синьхуа”-гийн мэдээлснээр, Тайванийн асуудлыг “Зохисгүйгээр шийдвэл” хоёр улс “Мөргөлдөөнд хүрч болзошгүй” гэж Ши мэдэгдсэн байна.
Ерөнхийлөгч Дональд Трампын энэхүү айлчлал нь Ирантай холбоотой дайн улам ойртож, АНУ-ын эдийн засагт сөрөг нөлөө үзүүлж эхэлсэн эмзэг үед болж байгаа юм. Хятад улс бол Ираны нефтийн хамгийн том худалдан авагчдын нэг.
Хятадын хувьд хамгийн эмзэг асуудлын нэг нь Тайвань бөгөөд АНУ энэ асуудалд ямар байр суурь баримтлах нь олон арван жилийн турш нарийн тэнцвэр шаардсан асуудал байсаар ирсэн.
Синьхуа агентлагийн мэдээлснээр, Ши Жиньпин Тайванийн асуудлыг “Хятад-Америкийн харилцаан дахь хамгийн чухал асуудал” хэмээн онцолжээ.
Тэрээр:
Хэрэв энэ асуудлыг буруу зохицуулбал хоёр улс мөргөлдөх, бүр цаашлаад зэвсэгт зөрчилдөөнд хүрэх ч эрсдэлтэй. Ингэснээр Хятад-АНУ-ын харилцаа бүхэлдээ маш аюултай нөхцөл байдалд орно.
гэж мэдэгдсэн байна.
Гэсэн ч Ши, хэрэв Тайванийн асуудлыг “Зөв зохистой” шийдвэрлэвэл хоёр орны харилцаа ерөнхийдөө тогтвортой хэвээр байж чадна гэж нэмж хэлжээ.
Ёслол төгөлдөр угтах ажиллагааны дараа Трамп, Ши хоёр олон өдөр үргэлжлэх дээд хэмжээний уулзалтын эхний өдөр нүүр тулан уулзсан бөгөөд Ерөнхийлөгч Дональд Трамп дэлхийн хамгийн том хоёр эдийн засгийн харилцааг улам гүнзгийрүүлэхийг зорьж байгаагаа илэрхийлсэн байна.
Цагаан ордны нэгэн албан тушаалтны мэдээлснээр, Трамп болон Ши нарын “уулзалт эерэг” болсон ч АНУ-ын албан ёсны мэдэгдэлд Тайванийн талаар дурдсангүй. Харин үүнээс өмнө Ши Тайванийн асуудал дээр алдвал “мөргөлдөөн” үүсэж болзошгүйг анхааруулсан юм.
Мөн Ираны асуудлыг хэлэлцсэн бөгөөд хоёр тал Хормузын хоолой нээлттэй хэвээр байх ёстой гэдэг дээр санал нэгджээ. Энэ нь Хятадын өмнө нь баримталж ирсэн байр суурь юм.
Мэдэгдэлд:
Эрчим хүчний чөлөөт урсгалыг хангахын тулд Хормузын хоолой нээлттэй байх ёстой гэдэг дээр хоёр тал санал нэгдсэн. Дарга Ши мөн тус хоолойг цэрэгжүүлэх болон ашигласны төлбөр авах аливаа оролдлогыг Хятад эсэргүүцэж байгааг тодорхой илэрхийлсэн. Түүнчлэн ирээдүйд Хормузын хоолойноос хараат байдлаа бууруулахын тулд Америкийн нефтийг илүү ихээр худалдан авах сонирхолтой байгаагаа хэлсэн. Мөн хоёр улс Иран хэзээ ч цөмийн зэвсэгтэй болж болохгүй гэдэг дээр санал нэгдсэн.
гэжээ.
Уулзалтаар хөрөнгө оруулалт, эдийн засгийн хамтын ажиллагаа, фентанилын асуудал болон Хятадын зүгээс Америкийн хөдөө аж ахуйн бүтээгдэхүүний худалдан авалтыг нэмэгдүүлэх талаар мөн ярилцсан байна.
Бээжин дэх Ардын их хурлын ордонд болсон хоёр удирдагчийн уулзалт ойролцоогоор 2 цаг 15 минут үргэлжилсэн гэж Трампыг дагалдан яваа сэтгүүлчид мэдээлжээ.
Уулзалтын эхэнд Трамп Ши Жиньпинийг “Агуу удирдагч” хэмээн магтаж, хоёрын харилцааг сайшаасан байна.
Тэрээр:
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Хятадыг ийм түвшинд хүргэсэн таны хийсэн ажилд миний бие маш их хүндэтгэлтэй ханддаг. Та бол агуу удирдагч. Би үүнийг хүн бүрт хэлдэг. Зарим хүн намайг ингэж хэлэхэд дургүй байдаг ч энэ бол үнэн учраас би хэлдэг. Би үргэлж үнэнийг хэлдэг.
гэжээ.
Мөн:
Бид гайхалтай харилцаатай байсан. Бид сайн ойлголцдог. Хэцүү асуудал гарсан үед ч бид шийдэж чаддаг байсан. Би тан руу залгана, та над руу залгана. Хүмүүс мэддэггүй ч бидэнд асуудал тулгарах бүрт маш хурдан шийддэг байсан. Цаашид ч бид хамтдаа гайхалтай ирээдүйг бүтээнэ.
гэж хэлсэн байна.
Харин Ши Жиньпин нээлтийн үгэндээ:
Хятад болон АНУ хамтын ажиллагаанаас ашиг хүртэж, сөргөлдөөнөөс хохирдог.
гэж онцлоод,
Бид өрсөлдөгч биш, түншүүд байх ёстой. Бид бие биенийхээ амжилтыг дэмжиж, хамтдаа хөгжин цэцэглэх ёстой. Мөн шинэ эрин үед их гүрнүүд хэрхэн зөв харилцах замыг олох хэрэгтэй
гэжээ.
АНУ-ын Төрийн нарийн бичгийн дарга Марко Рубио уулзалтын өмнө Fox News-д өгсөн ярилцлагадаа, АНУ Хятадыг Ираны асуудлыг шийдвэрлэхэд илүү идэвхтэй оролцохыг ятгана гэж мэдэгдсэн байна.
Тэрээр:
Энэ асуудлыг шийдэх нь Хятадын өөрийнх нь ашиг сонирхолд нийцнэ. Ираныг Персийн буланд одоо хийж буй үйл ажиллагаагаа зогсооход илүү идэвхтэй нөлөө үзүүлэхийг бид Хятадаас хүсэж байна.
гэжээ.
Мөн:
Ираныг дэмжих аливаа дэмжлэг нь манай хоёр улсын харилцаанд сөргөөр нөлөөлнө гэдгийг бид тодорхой хэлсэн. Энэ асуудал ярианы үеэр зайлшгүй хөндөгдөнө.
хэмээн онцолсон байна.
Уулзалтын дараа Трамп, Ши хоёр төрийн хүндэтгэлийн зоогт оролцохоор төлөвлөгдсөн гэж Цагаан ордон мэдээлжээ.
Трамп мягмар гарагт Цагаан ордноос хөдөлж байхдаа:
Бидэнд ярилцах зүйл маш их байна.
гэж сэтгүүлчдэд хэлсэн байна.
Энэ удаагийн дээд хэмжээний уулзалт нь АНУ-Израилийн Ирантай хийж буй дайны үр дагавар дэлхий даяар мэдрэгдэж, АНУ-ын дотоод эдийн засгийн асуудал хурцаар тавигдсан үед эхэлж байгаа юм.
Трамп мөн Ираны талаар:
Бид Ираныг бүрэн хяналтдаа байлгаж байгаа. Бид тохиролцоонд хүрнэ, эсвэл тэд бүрэн сүйрнэ. Аль ч тохиолдолд бид ялна.
гэж мэдэгдсэн байна.
Тэрээр Ши Жиньпинтэй Хятадын эдийн засгийг “илүү нээлттэй болгох” асуудлыг хэлэлцэнэ гэж сошиал сүлжээндээ бичжээ.
АНУ-ын төлөөлөгчдийн бүрэлдэхүүнд Төрийн нарийн бичиг Марк Рубио Ши Жиньпин Тайванийн асуудлыг “Буруу зохицуулбал” АНУ, Хятад “Мөргөлдөнө” гэж Трампад анхааруулсан гэж Батлах хамгаалахын сайд Пит Хегсет, АНУ-аас Хятадад суугаа Элчин сайд Давид Пурде болон Худалдааны төлөөлөгч Жамисон Креер багтжээ.
Мөн Элон Маск, Tим Куук, Женсен Хунг зэрэг бизнесийн томоохон удирдлагууд Ерөнхийлөгч Дональд Трампыг дагалдан ирсэн байна.
Трамп тэдний талаар:
Дэлхийн шилдэг 30 компанийн тэргүүнүүдийг урьсан. Бүгд зөвшөөрсөн. Би хоёр, гурав дахь хүн биш, зөвхөн хамгийн дээд удирдлагуудыг хүссэн. Тэд өнөөдөр танд болон Хятадад хүндэтгэл үзүүлэхээр энд ирсэн.
гэж хэлжээ.
Харин Хятадын Гадаад хэргийн яамны төлөөлөгч Гуо Жянкун, энэ удаагийн уулзалт нь “Хятад-АНУ-ын харилцаанд стратегийн чиглэл өгөх орлуулшгүй ач холбогдолтой” гэж мэдэгдсэн байна.
