Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
August 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
AI ба театрын боломж, эрсдэлийн талаар Пётр Мировски: "Хиймэл оюун ухаан үг бүтээж чадна, харин агуулгыг нь бүтээж чаддаггүй" хэмээн хэлж байна.
Польш гаралтай компьютерийн эрдэмтэн, жүжигчин Пётр Мировски бол театрын импровизаци болон хиймэл оюун ухааны (AI) судалгааг нэгтгэн ажилладаг ховор уран бүтээлчдийн нэг юм.
Тэрээр жүжигчид, үзэгчид болон хэлний мэргэжилтнүүд (language models) хэрхэн хамтарч болохыг олон жилийн турш туршиж, хэдэн зуун амьд тоглолт хийж, энэ чиглэлээр эрдэм шинжилгээний судалгаа хүртэл хэвлүүлжээ.
Одоо тэрээр Лондоны Голдсмитсийн их сургуульд зочин судлаачаар ажиллаж байна. Пётр Мировски энэ сард болох Эдинбургийн Фринж фестиваль-д хамгийн сүүлийн бүтээл болох "Improbotics Presents: Artificial Reality" (Improbotics-ын толилуулж буй 'Хиймэл бодит байдал ҮГ.МН) жүжгээ толилуулахаар бэлтгэж байна. Энэхүү өндөр технологид суурилсан хошин жүжигт робот хүн жүжигчидтэй хамтран тайзан дээр тоглох юм.
Ройтерс агентлагт өгсөн ярилцлагадаа тэрээр AI театрт ямар боломж, эрсдэл авчирч байгаа, мөн технологийн хөгжил яагаад хүний үнэ цэнийг улам тодруулж байгааг тайлбарлажээ.
-Та эхлээд жүжигчин байсан уу, эсвэл эрдэмтэн байсан уу?
Би Францад компьютерийн шинжлэх ухаанаар суралцаж байхдаа импровизацийн инээдмийн жүжиг тоглож эхэлсэн.
Импровизаци: гэдэг нь урьдчилан бэлтгэсэн зохиол, төлөвлөгөөгүйгээр тухайн мөчид шууд сэтгэн бүтээж гүйцэтгэх гэсэн утгатай. ҮГ.МН
Дараа нь АНУ-д байхдаа ч энэ сонирхлоо үргэлжлүүлсэн. Харин 13 гаруй жилийн өмнө Их Британид ирээд London School of Dramatic Art-д (Лондонгийн урлагийн сургуульд) хагас цагаар суралцсан.
-Жүжиглэх урлагийг AI-тай холбох санаа хэрхэн төрсөн бэ?
Хүмүүсийн хувьд тайзан дээр огт бэлтгэлгүйгээр шууд, санаанд орсон хамгийн эхний зүйлээ хэлэх маш хэцүү байдаг. Хүүхдүүд үүнийг амархан хийдэг бол насанд хүрэгчид "энэ тэнэг сонсогдох болов уу", "ингэж хэлж болохгүй" гэж өөрийгөө байнга хянадаг. Тэр үед би дараагийн үгийг таамагладаг статистик загварууд дээр ажиллаж байсан. Өнөөдөр бид үүнийг хэлний загвар гэж нэрлэдэг. Эдгээр машинууд огт эргэлзэлгүйгээр дараагийн үгээ хэлдэг байсан. Тэгээд би машин хүмүүсээс илүү амархан хийж байгаа энэ чадварыг тайзан дээр туршиж үзэхээр шийдсэн юм. Тухайн үед бэлэн хэлний загвар бараг байгаагүй учраас өөрөө шинээр бүтээж, киноны хадмал орчуулга болон киноны харилцан яриагаар сургаад Лондонгийн жижиг театрын тайзан дээр авч гарсан.
-Improbotics театрыг хэрхэн байгуулсан бэ?
Би Канадын Альбертагийн их сургуульд робот техникийн докторын зэрэг хамгаалж байсан Кори Мэтьюсон-той танилцсан. Тэр ч бас яг ижил санаатай байсан юм. Би түүнд маш урт имэйл бичсэн бөгөөд хэдхэн хоногийн дараа бид Лондонд уулзсан. Ингээд хамтран ажиллаж, Improbotics театрын хамт олныг бүрдүүлсэн дээ.
-Танай шинэ жүжиг AI-ийн талаар юу өгүүлэх вэ?
AI-ийн шинэлэг мэдрэмж аажмаар алдагдаж, хүмүүс залхаж эхэлж байгааг бид анзаарсан. Тиймээс бид "Improbotics Presents: Artificial Reality" нэртэй шинэ жүжиг тууривсан юм. Энэ нь реалити шоуг элэглэсэн бүтээл бөгөөд оролцогчдыг үзэгчид нэг нэгээр нь хасаж, оронд нь AI хувилбар эсвэл AI алдартан гарч ирдэг. Бид хүний импровизацийн бүтээлч чадвар болон машины этгээд сэтгэлгээг хослуулан өнөөгийн хачирхалтай цаг үеийг хошин өнгөөр дүрслэхээр зорьсон. Энэ жүжиг капитализм болон хүмүүс өөрсдийгөө AI-аар орлуулах хүсэлтэй болсныг шүүмжилсэн элэглэл юм.
-Танай баг хэдэн хүнтэй вэ?
Бид аль болох олон хүнийг бүтээлдээ оролцуулахыг зориуд зорьдог. Одоогоор манай баг 11 хүнтэй. Түүнчлэн AI-г ажиллуулах нэг хүнийг бүтэн цагаар ажиллуулдаг. Өөрөөр хэлбэл AI нэмэгдэх тусам бид хүнээ нэмдэг.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
-Танай жүжиг AI-г дэмждэг үү, эсвэл эсэргүүцдэг үү?
Аль нь ч биш. Өнөөдөр хүмүүсийг AI-г эсэргүүцэгч уран бүтээлчид, AI-г сохроор дэмжигч технологичид гэж хоёр туйлд хуваах хандлага бий. Гэтэл бодит байдал илүү нарийн. Уран бүтээлчид шинэ хэрэгсэл ашиглах дуртай. Харин технологийн хөгжил өөрөө ч бүтээлч сэтгэлгээг шаарддаг.
Миний бодлоор AI бол уран бүтээлчийг орлох зүйл биш. Харин өмнө нь хийж чаддаггүй байсан зүйлээ хийх боломж олгодог хэрэгсэл юм.
-Юу заавал хүнийхээрээ үлдэх ёстой вэ?
Бидний бодлоор үзэгчид жинхэнэ хүний мэдрэмжийг хүсдэг. AI үг бүтээж чадна. Гэхдээ энэ нь агуулгыг нь бүтээж чадна гэсэн үг биш. Манай жүжгийн зохиолын үндсэн бүтцийг дөрвөн мэргэжлийн жүжигчин, инээдмийн жүжигчин болон дизайнер хамтран бичсэн. Бид зохиолын бүтцийг бичихдээ AI ашиглаагүй.
-AI аюул мөн үү?
AI хэрхэн ашиглагдаж байгаад би маш их санаа зовдог. Гэхдээ зөв ашиглаж чадвал энэ технологийг хүний төлөө ажиллуулж болно гэж бид итгэдэг. Манай хамтлагийн ихэнх нь мэргэжлийн жүжигчид. Бид бүгд хамтран бүтээлээ зохиож, үзэгчдэд сонирхолтой, өөрсдөдөө ч хөгжилтэй тоглолт хийхийг зорьдог. Ингэснээр хүмүүс өөрсдийн бүтээлдээ эзэн нь хэвээр үлддэг. AI-ийн хөгжил бол хүн төрөлхтний олон мянган жилийн хөдөлмөр, соёл иргэншлийн үр дүн. Гэхдээ нөгөө талаас AI зөвхөн үг бүтээдэг болохоос утга учрыг бүтээдэггүйг бид улам их ойлгож эхэлж байна. Ингэснээр бид бичихийн жинхэнэ үнэ цэнэ зөвхөн үгэнд биш гэдгийг илүү сайн ойлгож байна.
-AI уур амьсгалын өөрчлөлтөд нөлөөлж байна уу?
Манай багийн олон хүн AI-ийн эрчим хүчний хэрэглээ, уур амьсгалын өөрчлөлт, хүний сэтгэх чадвар, нийгмийн туйлшрал, бүтээлч салбарын ажлын байр зэрэгт үзүүлэх нөлөөнд ихээхэн санаа зовдог. Өнөөгийн хэмжээнд AI бүх салбарт өргөн хэрэглэгдэх нь эрчим хүчний хэрэглээг асар их өсгөж, уур амьсгалын өөрчлөлтийн эрсдэлийг нэмэгдүүлж болзошгүй. Тиймээс хүмүүс AI-г зөвхөн шаардлагатай үед, зорилготой ашиглах хэрэгтэй.
Харин театрын хэмжээний жижиг хэрэглээ дэлхийн хэмжээнд бараг мэдэгдэхүйц нөлөө үзүүлэхгүй.
Гэхдээ театр хүмүүсийг AI-г хэрхэн ашиглах, эрх мэдэл болон зах зээлийн хүч AI-ийн өргөн хэрэглээг хэрхэн өдөөж байгааг хэлэлцэх боломжийг олгодог.
-Үзэгчид хэрхэн хүлээж авдаг вэ?
2023 оны Эдинбургийн Фринж фестивалийн үеэр бид судалгаа хийсэн. Үр дүнгээс харахад үзэгчид жүжгийг үзсэний дараа AI-г хүний бүтээлч байдлыг дэмжих хэрэгсэл гэж илүү эерэгээр хардаг болсон. Харин AI-г өөрөө бие даан өгүүлэмж бүтээдэг зохиолч байх ёстой гэсэн ойлголтыг илүү бага дэмждэг болсон. Энэ нь технологийн хүний хувьд биднийг урамшуулж, уран бүтээлчийн хувьд тайвшруулсан үр дүн байсан.
-AI-аас айх айдсыг хэрхэн багасгах вэ?
Бидний хүргэхийг хүсдэг гол санаа бол AI-г хэрэгсэл болгох уу, эсвэл хүнийг орлох зүйл болгох уу гэдэг нь түүнийг ашиглаж байгаа хүмүүсээс шалтгаална. Энэ бол зөвхөн хөгжүүлэгчдийн бус, нийт нийгмийн хамтын хариуцлага юм. Бид масс үйлдвэрлэлээр бий болсон, хиймэл зүйлээс илүү хөдөлмөр, хувь хүний онцлогийг үнэлдэг байх ёстой. Хүмүүс хамтдаа нэг орон зайд сууж, амьд тоглолтыг үзэхийн үнэ цэнийг улам их ойлгож эхэлж байна. Эдинбургийн Фринж фестивальд 4'000 гаруй жүжиг тоглогддог бөгөөд олонх нь ижил сэдвийг хөнддөг ч хүмүүс тодорхой нэг жүжигчний өөрийн түүхийг, түүний бодит тэмцэл, баяр баяслыг үзэхийн тулд театрт очсоор байдаг. Тиймээс энэ шинэ AI-ийн эрин үед жинхэнэ зохиолч, жинхэнэ хүний түүх дахин хүчтэй үнэ цэнтэй болохыг бид харах болно гэж найдаж байна.
