Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
August 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Монголын Сэтгүүлчдийн Нэгдсэн Эвлэлийн Их хурал болно гэнэ. Ерөнхийлөгчөө сонгоно гэнэ. Бүр ерөнхийлөгчид нэр дэвшигчдийнх нь зураг хөрөг нийгмийн сүлжээн дээр тавигдсан байна. Бодвол бүгдээрээ либерал, хүчирхэг, салбартаа танигдсан эмэгтэйчүүд биз. Монгол зангаараа таньдаг хүнээ хайлаа. Манай Боргилмаа өөдөөс нухацтай ширтэж байна...
Одоо санадаггүй ээ... Хэдэн он ч юм. Лав хоёр мянган оноос хавьгүй өмнө юмдаг. Би залуухан, Монголын радиод дээлтэй хэт шиг цахиж, дэлтэй туг шиг дэрвэлзэж явахад манай редакцид ирж билээ. Гаднаа энгийн ч дотроо “код”-той нь илт. Яваандаа “код” нь танигдлаа. Тэр код нь “сэтгэлгээ” байв. Сэтгүүлч гэдэг үгийн уг язгуур нь “сэтгү” гэсэн үг. Сэтгэх, ухаж төнхөх гэсэн утгатай. Одоогийн ойллого, хэллэгээр бол эрэн сурвалжлах сэтгүүл зүй маягийн юм уу даа. Юмыг ухаж төнхөөд эхлэхээрээ л ухаарч сэтгэдэг эхэлдэг нь жам. Манай Боргилмаа юуны өмнө ухаарч сэтгэдэг сэтгүүлч юм. Энэ нь мэргэжлийн талаасаа хүн бус баримт барьж авдаг, баримтаа машид нягт бодож боловсруулдаг гэсэн үг. Бичлэг нь логиктой. Гэхдээ үйл явдал нуршин тоочдоггүй, гаргалгаа хөврүүлдэг. Гаргалгаа нь борог атлаа дотоод тэсрэлттэй. Буцаад хөвөрдөх аргагүй зангилаатай. Зангилаа нь эзэндээ л тайлагдах шидтэйг би эмэгтэй хүний логик гэж хардаг. Монголын сэтгүүлчдийн дийлэнх нь эмэгтэйчүүд байгааг би амьдрал, нийгмийн үзэгдлийг эмэгтэйлэгээр харж ертөнцийг нинж ёсоор өөрчлөх том боломж гэж үздэг. Энэ боломжийг тээж яваа, ухаалгаар ашиглаж буйгаараа манай Боргилмаа “сэтгэдэг”, “тунгаадаг”сэтгүүлч мөнөөс мөн. Философод “феноменолог” буюу “үзэгдэл зүй” гэж ойлголт байдаг. Анх германы их сэтгэгч, “Ахуй ба цаг хугацаа” гээч агуу их бүтээлийг хүн төрөлхтөнд бэлэглэсэн Мартин Хайдеггер шинжлэх ухааны эргэлтэнд оруулсан үг л дээ. Үйл явдал, баримтын уг шалтгааныг бодгалиас хайлгүй үзэгдлээс эрэх ёстой ажгуу. Хүнээс эрээд эхлэхээрээ л сэтгүүлч зүй ч гуйвдаг, нийгмийн сэтгэлгээ ч гажууддаг. Чухам Монголын орчин үеийн сэтгүүл зүйд үзэгдэл зүйн өөрийн гэсэн шан татсанд Боргилмаагийн сэтгүүлчийн үнэ цэнэ оршино.
Хааяа хот орохоороо ангийнхаа ганц нэг нөхөдтэй уулзана. Яг нарийндаа хөгширнө гэдэг хүүхдээрээ үлдэхийг хэлдэг юм байна гэсэн гунигт бодол үлдэнэ. Царай нь үрчлээтсэн ч үг яриа нь нөгөө л арван жилээрээ. Тэр нь эндээ сайн байснаас үл хэтэрнэ. Өсөж хөгжөөгүй хүн л өтөлж хөгширдөг юм байна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Манай Боргио их өссөн. Цаашид ч өснө. Нэгэнт өсөөд, ургаад сурчихсан юм яаж ч тайрсан дахиад өсдөг л байхгүй юу, ургадаг л байхгүй. Цэцэглэдэг л байхгүй юу. Мэргэжил, боловсрол, олон нийтийн ажлын туршлага, харилцааны соёл, түвшин гээд олон талаараа өссөн. Тэр хүүхдээрээ үлдэлгүй том хүн болж чадсан, сэтгүүлч болж чадсан. Сэтгүүлч бол мэргэжил биш амьдрал хэв маяг юм гэдэг дээр бид хоёр санал нийлнэ гэж яав аа! Тэр сэтгүүлчийг амьдралынхаа хэв маяг болгож чадсаныг би сэтгүүлч болж чадсан гэж хэлээд байгаа юм. Ийм хүчирхэг, дарга дагаж далжигнаагүй, мөнгө хөөж мөлчигнөөгүй амьдралын хэв маяг хүнээс асар их золиос шаарддаг. Ийм золиос төлсөн хүн л тийм амьдралын хэв маягийн эзэн болж чаддаг. Өнөөдөр ямар олон хүн мэргэжлийн битгий хэл хүний энгийн ёс зүйг умартан “Чадаж байгаа юманд арга байхгүй” хэмээн даналзаж байна вэ! Эсрэгээрээ манай Боргиод “Чадахгүй байгаа юманд арга байна” гэсэн дотоод итгэл үнэмшил байдаг. Энэ бол миний хэлээд байгаа нөгөөх дотоод “тэсрэлт” юм. Хулгай хийж үл чадах, худлаа хэлж эс чадах, бялдуучилж үл чадах, долоож эс чадах дотоод их их түлхэцийг амьдралын хэв маяг гээд байгаа юм. Ямартай ч манай Боргио энэ тал дээр ноён нуруу алдаагүй ягхийсэн шагхийсэн, тасхийсэн нясхийсэн чамбай нямбай “чөтгөр” мөнөөс мөн. Энэ нь түүний МСНЭ-ийн ерөнхийлөгчид нэр дэвших хангалттай үндэслэл ч мөн.
Ер нь төрийн мэдлийн мэдээллийн хэрэгслийн дарга дурга хийж байсан, байгаа хүмүүс сэтгүүлчдийн эвлэлийн тэргүүний алба ажлыг давхар хаших нь мэргэжлийн ёс зүй, сэтгүүлчдийн болоод нийгмийн итгэл хүлээх талаасаа тийм ч зохимжтой биш. Боргилмаад ийм хэрэгтэй, хэрэггүй “давхар” хувцас байхгүй нь түүнд итгэх бас нэгэн шалтгаан юм. Өнөөдрийн Монголын өнгө, мөнгө нэвт ханхалсан сэтгүүл зүйг сэтгэгдэл зүй, санхүүгийн хараат зүйгээс салган жам ёсны гольдролд нь оруулах үйл хэргийг өөрийн биеэр үлгэрлэн дагуулах ёс суртахууны эрх түүнд лавтай бий.
Таньдаг “чөтгөр”-өө таньдаг “чөтгөр” нь дэмжинэ. Бусад нэр дэвшигчид, таньдаг “чөтгөрүүд”-ээ ч таньдаг “чөтгөрүүд” нь дэмжих нь лавтай. Яг нарийндаа таньдаг чөтгөрөө ч таньдаг чөтгөр нь гаргаад байдаг юм биш. Цаг үе нь хүнээ гаргадаг юм. Үүгээрээ МСНЭ-ийн ерөнхийлөгчийн сонгууль цаг үеийнхээ бас нэгэн хэмжүүр, шалгуур болж байгаа юм.
