Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
12 настайгаасаа найзласан тэр минь юутай байна, та хэд сайн уу, чиний ажил давгүй юу гэж мэнд мэдээд чи хаана байна? Завтай бол кофе уух уу гэж амралтын өдөр залгав. Амралтын өдөр тэгээд шууд кофе уух уу? гэх нь хэлэх чухал юм байгааг илтгэх тул үг дуугүй л за гэв. Өмнө кофе уух үед цаг нараа нарийн тогтдог тул энэ удаад үнэхээр л чухал яриа болох бололтой. Жижигхэн бас нарийхан болсон тэр минь кофе захиж, амттанд нугасгүй надаас юу авмаар байгааг лавлангаа бүх тооцоог хийгээд ширээнд сууцгаав. Ингэж миний хайртай найз хавдартай болсон “Цочирдом” мэдээг сонссон юм.
Хувийн эмнэлэгт оношлуулсан учраас шууд л ХАВДАР-т үзүүлж магадлъя. Би цаг асууж туслъя гэв. ХАВДАР-аас хүссэн цаг шалавхан бүтэж бид хоёр ажлын нэг өдөрт л үзүүлж, шинжлүүлж амжаад 14 хоног хариу хүлээх болоод салцгаав. 15 хоног ч нүд ирмэхийн зуур өнгөрч шинжилгээний хариу нь ямар гарсныг "Лавлахаас халган" нилээд уджээ. Баасан гарагт найз залгаж ярив. "Би шүдгүй, үсгүй, тэнхээгүй болж амьдармааргүй байна. Миний хүүхдүүд хэтэрхий бага байна" гэж тасралтгүй үглэн уйлна. Ингээд яамаар байгааг лавлатал Хөххот явмаар байна. Би итгэхгүй байна. Би энэ оношийг няцаамаар байна гэв. Чи хань болчих…
Ингээд бид галт тэргээр ХӨХ хотыг зорихоор тогтов.
Галт тэргээр Замын-Үүд хүртэл купе 81'000-92'000 төгрөг /нэг ор/
БНХАУ-д интернэт төвөгтэй асуудал байдаг тул Глобалсим-ээс 35 мянгаар 7 хоногийн 10gb дата сим авав. Галт тэрэгний буудлын билет бичдэг хэсгийн 2 давхарт байна лээ. Ингээд WECHAT-аа шалгаж, Alipay руу дансаа холбоод бүх юм бэлэн.
16:40 мин-аас хөдлөн маргааш 08:00 хүртэл галт тэргээр зорчих бид хоёр шавайгаа ханатал буу халав. Найзтайгаа ингэж ярилгүй ямар ч удаав, бид их холдож ээ гэх бодол дарна. Цагаан хэрэглэл тус бүр 15 мянгаар авч ор зэхэв.
Зорчигчид галттэрэгт архидах нь бага болсон ч хэт хуучирсан вагон ойр ойрхон хүчтэй угзчих, ариун цэврийн өрөө, аяга цай, халуун ус гуйж уух зэрэгт тэвчээрийн шандас шалгана. Нэгэнт найздаа хань болно гэсэн тул олон зүйлд гоншигнолгүй тэвчих. Гэхдээ үнэхээр “ФААК” байсан шүү УБТЗ-аа танай үйлчилгээ.
Ингээд маргааш нь Замын-Үүдэд бууж аяга халуун кофе олж авцгаагаад 100, 100 юань өгч Эрээний аялалд гарав.
Манай тал, Хятадын тал хоёр үнэхээр л алга хөрвүүлэх мэт анги. Монголчууд бид өөрийн улсдаа хайнга, салан задгай, тоомжиргүй, нүд хууран хандах ч хүний нутагт “ГӨЛӨГ” цаашаа явцгаах нь даанч харуусам. Ингээд Эрээнд хөл тавьсан даруй хүргэж ирсэн жолооч маань ӨвөрМонгол залууд бид хоёрын ачааг өгөөд 200, 200 юань төлөөд Хөххот орно гэдгийг сануулав. Бид ч аяга хоол олж идээд хөдлөе гэж тохироод гуанз хайхаар явлаа. Эрээнд хоол 20-30 юань. Гэдэс гарсан бид машиндаа сууж Хөххотын зүг жолоо сунгав.
Урдаа 1, голдоо 2, ардаа 3 нийт 6 зорчигчтой 400 км газарт 5 цаг явснаар ХӨХХОТ-д очно. Зам сайн тул нойр авах сайхан боломж. Замдаа 1 сав ус ууж 30 мин сэрүүн байснаас бусад цагт тувт унтсаар зорьсон газраа ирэв. Хятадад замын хяналт чанга тул хурдыг (80 км/цагаас хэтрүүлбэл 1500 юань буюу төгрөгөөр 750 мянга орчим төгрөгөөр торгоно) хэтрүүлэн давхих боломж бараг байхгүй аж. Шил толь шиг ийм замд давхиасай гэх Монгол зан минь цоролзох ч хууль нь гууль биш хууль нь хууль улсад яваагаа санан санаа амар унтахаас ч яалтай.
Хөххотын "Сайхан" дүүрэгт байрлах үл мэдэх нэгэн эмнэлгийн гадаа оройн 16 цагийн үед буув. Тосч авсан хүн маань "М" эмч. 60 орчим насны ч овор бага, хөнгөн шингэн сайх эр 25 жил улсын эмнэлэгт эмчээр ажиллаад одоо хувьд гарчээ.
Умайн хүзүүний хорт хавдартай гэсэн оношоо няцаахаар очсон найзад маань 00:00 цагаас хойш юм ууж идэлгүй өглөө 09:00 цагт энд бэлэн байгаарай. Хажуу аркаар ороод буудал байгаа. Нэг өрөө, хоёр ортой хоногийн 170 юань гэж хэлээд биднийг явуулав.
Өвчин зовлон, яах ийх тухай товч яриад гол зовиур, Улаанбаатарт ямар онош гарсан тухай асуугаад паспорт дээрх нэрийг үсэглэн бичиж авав. Үүдэнд нь дугаарлах хүн цөөн биш. Төд удалгүй яриа дуусч маргааш шинжилгээ өгөхөө мэдсэн бид хоёр буудалдаа орлоо. Хуучин оюутны байр байсан барилгыг буудал болгон тохижуулсан аж. Үүдээр нь ороод л тан болон төөнүүрийн үнэр хамар сэтлэнэ. Арай хурц, бас тааламжгүй. Гэвч ийш тийш явахгүй бас үнэхээр хямд тул дуугүй л өрөөндөө орцгоов.
Хүлээлтээс давсан цэвэрхэн жижиг өрөө. Ер нь ямар ч газар цэвэрхэн байна гэдэг тохь тух аж. Өглөөнөөс хойш тувт суугаа эсвэл босоо явсан “бие минь” буудлын оронд тэнийн унаад амсхийлээ.
Жоол хэвтэж аваад шүршүүрт орон гарч хоол эргүүлэхээр гарцгаав. Хөххотод банкны карт бараг уншихгүй. Ихэнхдээ alipay-аар төлбөр төлнө. Ер нь бүх гүйлгээ цахим шахуу. Бэлэн юань авч явж болох ч хариулт өгөхөд хэцүү тул дурамжхан үйлчилнэ. Бас хариулт алга гээд мэр сэр хэрэггүй шахуу юм шахна. Монголчуудад таарч тохирохгүй хоол гэж бараг үгүй. Юу л бол юу идэж, ууж болно. Жимс, тараг арвин сонголт их нь нэн сайхан.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Ингээд божийтол хооллосон бид хоёр 5 км гаран алхаж хоолоо шингээн, ойр зуурыг ажиглан ярилцсаар ирэв. Улаанбаатар шиг гар өргөөд таксинд сууж болно. Өмнө Монголоор бага сага ойлгодог байсан Хөххотынхон огт ойлголцохгүй болж. Location эсвэл буудлын түлхүүрээ үзүүлээд яваад байх боломжтой. Монголоос худалдан авсан интернеттэй тул ChatGPT болон Googlemap-тай байхад учиртай. Сайхан тэнэж болмоор.
Жижигхэн ч гэлээ жигтэйхэн цэвэрхэн гол нь зөөлөн сайхан ортой өрөөндөө ирж унтацгаав. Өрөөнд хөргөгч, шкаф байхгүй нь тиймхэн. Бусдаар ОК ДОК.
Өглөө 8:00 цагт босч аяга ус уучихаад үс зүсээ зэхэв. Өөр нэг найзын Японоос авчирсан нэрж уудаг кофегоо өчигдөр авсан жимс, боов зэргээр хачирлан цайлав. Ойр хавьд кофешопгүй тул кофе авч гарсан нь ёстой оножээ. Харин найз маань уснаас өөр юм амандаа хүргэсэнгүй.
Өнөөдөр шинжилгээний өдөр. 09:00 цагт "М" эмч хэдийнэ ирсэн байлаа. Гэхдээ өдөрт багадаа 10 орчим Монгол хүн үзүүлдэг тул манай багийн бусад гишүүдийг хүлээн азнав. Ингээд 10:00 цаг өнгөрөөж Өвөрмонголын Ардын эмнэлэгт 5 минут алхаснаар манай баг эмнэлэгтээ хүрэх нь тэр. "М" эмч бүгдийнх нь паспортоор цаг захиалдаг бололтой. Бид сууж "М" эмч дугаарлана. Шинжилгээнүүд бичүүлэхийг хүлээж хагас цаг холхино. Шинжилгээ бичсэн урт урт цаасны доор ибаримтынх шиг QR код байх. Үүнийгээ дээд давхрын хүлээн авагчид өгөхөд код уншуулаад юу юуны шинжилгээ өгөхийг хараад цусны дээж авах хуруу шил, шээсээ тосож авах жижиг бортго, бортгоноосоо шээсээ юүлж авах том амтай дахин нэг хуруу шил өгнө.
Бичиг дээр шинжилгээ өгөх дугаар, хэддүгээр цонх дээр хүлээхийг заасан байх нь амар. Хүний хөдөлгөөн хаа газрын эмнэлгийн адил их. Ингээд найз ариун цэврийн өрөө орж шээсээ аваад түүнийгээ шээсний шинжилгээний цонхонд тушаав. Цус өгөх дугаар хэдийнэ болжээ. Тэр их хүн яачихав гэтэл 10 орчим цонхонд шинжилгээ авдаг тул юу юугүй л дугаар болчих нь тэр.
Найз шинжилгээ өгөхөөр суулаа… бослоо. Шинжилгээ өгсөн судсаа дарсаар найз маань ёо ямар хурдан юм бэ. Миний судас олддоггүй, баараггүй хоёр гурав хатгадаг бас гараараа шахаж өгдөг. Энд чинь суп сап гээд л авчихдаг байна шд гэсээр анхны сэтгэгдлээ хуваалцав. "М" эмч шинжилгээ өгч болсон бол миний өрөөнд очоод хүлээж бай. Би өмнөх өдөр шинжилгээ өгсөн хүмүүсээ үзүүлнэ гээд үлдэв.
Буцаад 5 мин алхан түүний эмнэлэгт очиход юм идэж, ууж болохгүй. MRI, Эхо харна гээд хүлээлгэв. Глобалсим маань сүлжээ сайн тул би утас дээрээ кино үзэж, найз мөн л утсаараа ямар нэг юм үзэн цаг гаран болсны дараа "М" эмч ирж өөрийнх нь эмнэлэгт үзүүлэх шинжилгээг өгүүлж, зураг авахуулав. Өдрийн 13 цаг өнгөрч байхад за явж юм идчихээд ир. Одоо хариу гартал хүлээнэ гэв.
Өглөө өгсөн шинжилгээнүүдийн хариу 15 цагийн үед гарч нэмж эход харна, эхо сэжигтэй бол дуран үзнэ. Дуран үзээд элдэв ургацаг байвал тэр дор нь авчихна гэв. Эхо-д харахын өмнө жижиг аягаар гурван удаа цай уулгаад найзыг аваад явав. Цай уулаа төд удалгүй эход харлаа. Манайд бол давсагтаа шээстэй юу, ус авч уугаад шээстэй болоод үзүүл гэж хангинах нь их тул энэ мэт үйлчлүүлэгчдээ ээлтэй, хүнд төвөггүй жижигхэн халамж нь үнэхээр амар. За ингээд бараг 2 цаг хүлээв. Гараад явчихаж болохгүй тул суудал дээрээ унтлаа, хоорондоо жоол хуучиллаа, ямар сэтгэгдэлтэй байгаагаа хуваалцлаа… ер нь жоохон залхлаа.
Ашгүй хариунууд гарсан ороод ир гэв. Маргааш нэг сайн докторт дахиж үзүүлнэ. Цусны шинжилгээ дахин авах нь. Энэ гарсан хариунуудад хавдар алга. Гэхдээ маргааш илүү нарийн үзүүлнэ. Өглөө 9 цагт уулзая гэв. Эхний өдрийн тооцоогоо хийлээ. Нийт 1729 юань
Улаанбаатараас танилууд ирсэн, хоол идэхээр явна гэсэн "М" эмчид дайгдан массажны газар очиж 100, 100 юанаар хуян, гар, хөлний массаж хийлгэв. Хөлний массаж хийхдээ эврийг нь цэвэрлээд хумс авчихдаг аж. Ёстой догь. Ингээд гарч аяга хоол идэж аваад нилээн алхаж Хөххотоор зугаалаад өрөөндөө орж тухласнаар өдөр дуусав.
Өглөө 9 цагт цуглан үзүүлэхээр ирсэн хүмүүстэй хамт дахин эмнэлэгтээ очлоо. "М" эмч шинэ хүмүүсийн шинжилгээг өгүүлнэ. Бид хоёр ч мөн Монголчууддаа зөвлөн туслав. Энэ тоо нь ингэсэн үг, одоо ингэ гэх мэтээр ер нь л дориун сайн туслах хийв.
Бараг бүх Монголчууд эндэхийн эмч, сувилагч, шинжилгээ авч байгаа хүмүүсийг хурдан шуурхай,мэргэшсэн байгааг шагшина. Манайд бол тэ гэж ирээд эх орныхоо эрүүл мэндийн салбарыг шүүмжлэх гэх.
Түүнийг нь сонсмооргүй, сонсоод улам тухгүй болж санаа алдана. Миний эх орон тийм ч лойчихсон биш, эмч нар маань ч дорд биш, Хятад бараа хуурамч, хулхи байдаг шд гэх хар багын бодол цухас хийж за хэлбэр нь “лаг” байлаа гээд агуулга нь “лаг” гэсэн үг биш гэж бодон хэдэн эмч, эмнэлгээ өмөөрөх сэтгэл эрхгүй төрнө.
Шинжилгээ өгсөн хүмүүсийг эмч өрөөнд очиж бай гэчихээд найзыг дагуулан нөгөө сайн гэх докторт үзүүлэхээр явав. Овоо их дугаартай аж. Энд хүлээж бай, цаг орчим хүлээнэ гэв. Ингээд дотуур үзлэгээр доогуур эход харна гэв. Дахин нэг удаа цусны шинжилгээ өглөө. Доогуур үзлэг, цусны давтан шинжилгээ нийлээд 1600 юань. Доогуур эхогоор дуран хийх шаардлагагүй. Эхогоор бүх юм тодорхой байна гэв.
Ингээд цусаар ч, дотуур үзлэгээр ч, доогуур эхогоор ч, MRI-аар ч хавдаргүй гэж оношлолоо. Эхо тусдаа 1780 юань болов. Шинжилгээг үндэслэн эм, бэлдмэл, лаа авлаа. 800 юань.
Би итгэдэггүй "ШОК", найз бөөн баяр. Би мэдэж байсан юмаа гэсээр бид буцах бэлтгэлээ зэхэв.
(1 юань=531 төгрөг)
Үргэлжлэл бий . . .
ҮГ.МН Ө.Дэлгэрцэцэг
