Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Монголын Сэтгүүлчдийн Нэгдсэн Эвлэлийн XIX их хурал 2026 оны 06 дугаар сарын 21 өдөр хуралдах гэж байна. Уг хурлаар МСНЭ-ийн дүрмийн дагуу өмнөх Ерөнхийлөгчийн болон Удирдах зөвлөл, бага хурлын бүрэн эрхийн хугацаа дуусаж, Шинэ ерөнхийлөгч, Удирдах зөвлөл, бага хурлын гишүүдээ сонгоно.
МСНЭ-ийн Ерөнхийлөгчид нэр дэвших хүсэлтээ сэтгүүлч З.Боргилмаа, Э.Дагиймаа, Л.Нинжжамц нар нь 2026 оны 06 дугаар сарын 17 өдөр МСНЭ-ийн ажлын албанд өгчээ.
МСНЭ-ийн Ерөнхийлөгчид нэр дэвшигч З.Боргилмаа: "БИ СЭТГҮҮЛЧ
Сэтгүүлчийн өмнө хэний ч хаалга нээгддэг. Яагаад гэвэл үг хүчтэй, үнэн хүчтэй учраас тэр юм. Харин хэний хаалгыг татаж орох вэ, тэр хаалганы дотор үлдэх үү, гадна үлдэх үү гэдэг сайн сэтгүүлчийн өмнө хэзээ нэг өдөр тулж ирдэг сорилт юм. Энэ сорилт мэргэжлийн үнэ цэнээ авч үлдэх эсэхийг шийддэг. Би мэргэжлийн үнэ цэнээ авч үлдэж чадсан гэдэгтээ өөртөө итгэдэг. Улстөрд үйлчилсэнгүй. Улстөрчтэй найзалсангүй.
Хараат бус сэтгүүл зүй 1998 оны Хэвлэлийн эрх чөлөөний тухай хуулиар баталгаажиж, ДАРГЫГ ДАГАЖ СУРВАЛЖИЛДАГ БУС ДАРГЫГ, ЭРХ МЭДЛИЙГ СӨРДӨГ, ХЯНАДАГ чөлөөт сэтгүүл зүй мөн чанараараа хөгжиж ирсэн юм. Төрөөс, төсвөөс санхүүждэг, агуулгаа хянуулдаг сэтгүүл зүйд төгсгөл ирсэн гэж итгэж явсан ах, эгч, ахмадуудын маань нүдэн дээр сэтгүүл зүй улс төр, эрх мэдлээс хараат болж, эргээд даргыг дагаж сурвалжилдаг хэв загвар руу санхүүжилтээрээ дамжуулан зугуухан шилжиж байна.
Үнэнийг мэдэх, үгээ хэлэх, үзэл бодлоо илэрхийлэх эрх, эрх чөлөөгөө алдах нь худалд сүнсээ худалдахтай адил хүний тэнгэрлэг бөгөөд эрхэмсэг оршихуйг үгүй хийдэг хий үзэгдэл юм.
Би 1998 онд Хэвлэл мэдээллийн эрх чөлөөний тухай хуулийг парламентаар баталж байхад сурвалжилж байлаа. Хожим энэ хуулийг шинэчлэн найруулах хоёр ч ажлын хэсэгт багтан ажиллаж үзлээ. Болсонгүй. Эрүүгийн хуульд нэмэлт, өөрчлөлт оруулах хоёр ч ажлын хэсэгт ажиллаж, хамгийн сүүлд /2026.06.17/ мэдээлэлтэй тэмцэх замаар эрх мэдэлтний нэр төрийг хамгаалах тор болж байсан Эрүүгийн хуулийн заалтыг хүчингүй болгох тэмцэлд сэтгүүлчидтэйгээ хамт гар бие оролцон үр дүнд хүрчээ.
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Би Монголын сэтгүүлчдийн нэгдсэн эвлэлийн Ерөнхийлөгчид нэр дэвших хүсэлтээ өнөөдөр илэрхийллээ.
Хэвлэлийн эрх, эрх чөлөө, сэтгүүлзүйн мэргэжлийн эрх ашгийг хамгаалах үүргийг өөртөө хүлээсэн МСНЭ хэмээх дал гаруй жилийн түүхтэй энэ байгууллагын эрхэм үйлс, зорилгод би сүүлийн долоон жилээ зориулжээ. Сэтгүүлчдийнхээ дунд, жаргал зовлонд нь ойрхон явсан энэ цаг хугацаа надад их зүйлийг сургаж, ойлгуулсан байна. Цаашид хийхээр бодсон, зорьсон зүйлс, чин хүсэл тэмүүлэл маань дээрх шийдвэрийг гаргахад намайг зоригжуулан дуудсаны учир энэ юм.
Улс төр сэтгүүл зүйг санхүүжүүлэгч, ивээн тэтгэгч болж, тэр эх үүсвэрийнхээ нэгээхэн хэсгээр нийгэмдээ үнэнийг, гэрэл гэгээг түгээхээр гүйж явдаг сэтгүүлчдээрээ бахархдаг. Хэн нэгэн авьяас бүхий хүний билэг оюун дээр оршин тогтнодог сэтгүүл зүйд хүний нөөцийн зардал нь өндөр байдаг. Тэрхүү зардал дээрээ давхар, давхар өндөр татвар үүрчихээд "болно доо" гэж бодож явдаг хэвлэл мэдээлэл эрхлэгчдийнхээ итгэл сэтгэлд урамшдаг.
Надад төр засгийн гэрээ зуучилдаг нэр нөлөө байхгүй. Надад харин сэтгүүлчдэдээ өгөх ЭРХ, ЭРХ ЧӨЛӨӨ байж магадгүй. Гэхдээ тэр тэмцлээр л олддог үнэ цэн юм. Тэнд туг нь болж дарцаглая гэж шийдлээ.
Сэтгүүлчдэдээ, энэхүү өрсөлдөөнд нэр дэвшиж буй бүсгүйчүүддээ амжилт хүсье" гэлээ.
Ажлын туршлага:
1997-1999 он. Монголын үндэсний радиод Хүүхэд залуучуудын нэвтрүүлгийн редакцид сурвалжлагч, Улстөрийн мэдээллийн албанд парламентын тоймч.
1999-2000 он. Mongolia This Week англи хэлээрх анхны сайт, долоо хоног тутмын сонинд сурвалжлагч.
2001-2004 он. Өнөөдөр сонинд сурвалжлагч, тоймч,
2004-2013 он. Ардын эрх сонин, News.mn, News agency агентлагт албаны дарга, тоймч.
2009 оноос Шилдэг нийтлэлчийн baabar.mn клубын нийтлэлч.
2013-2015 он. Монгол Улсын Гадаад харилцааны яам. Сайдын хэвлэлийн төлөөлөгч.
2016-2018 он. Өглөөний сонины Ерөнхий эрхлэгч.
2019-2020 он. МСНЭ-ийн Хууль, мэргэжлийн ёс зүй хариуцсан дэд ерөнхийлөгч, 2020-2022 он. МСНЭ-ийн Ерөнхийлөгчийн үүрэг гүйцэтгэгч.
2022 оноос МСНЭ-ийн Хууль, мэргэжлийн ёс зүй хариуцсан дэд ерөнхийлөгчөөр ажиллаж байна.
