Унци алтны үнэ 2008 оноос хойш анх удаа хамгийн өндөр өсөлт үзүүллээ

НИЙТЭЛСЭН:

2025-10-17 17:30

Гол агуулга:

Хятадын зүгээс ховор металлд тавьсан экспортын хяналттай холбоотой дэлхийн үймээн самууныг АНУ өдөөсөн гэж буруутгав.
Алт энэ долоо хоногт 8.1%-иар өсөв.
Мөнгө (silver) унц нь $54.47 болж, түүхэн дээд үнэд хүрлээ.
SPDR Gold Trust-ийн алтны нөөц 2022 оны 7-р сараас хойших хамгийн өндөр түвшинд хүрэв.

Алтны үнэ унц нь 4'300 ам.доллар давж, 2008 оны 12-р сараас хойших хамгийн хүчтэй өссөн долоо хоногийг өнгөрөөж байна. Геополитикийн болон эдийн засгийн тодорхойгүй байдал, мөн АНУ-ын Холбооны Нөөцийн Банк бодлогын хүүгээ бууруулах хүлээлт нь хөрөнгө оруулагчдыг “аюулгүй хөрөнгө” болох алт руу түлхэв.

Өнөөдрийн байдлаар (Улаанбаатарын цагаар 17:30) спот алт 0.2%-иар өсч $4,335.87, харин өмнө нь $4,378.69 хүрч шинэ дээд амжилт тогтоосон байна. АНУ-ын 12-р сарын алтны фьючерс 1%-иар өсч $4'348.90 болжээ.

Алт энэ долоо хоногт ойролцоогоор 8.1%-ийн өсөлттэй яваа бөгөөд өмнө нь 2008 оны 9-р сард Lehman Brothers дампуурснаар бий болсон дэлхийн санхүүгийн хямралын үеийн огцом өсөлттэй дүйцэх үзүүлэлттэй байна.

Шинжээчдийн байр суурь:

Alexander Zumpfe, Германы Heraeus Metals компанийн үнэт металлын худалдаачин:

“Хүү бууруулах хүлээлт, геополитикийн эрсдэл, банкны салбарын үлдэгдэл асуудлууд бүгд алтны ханшийг дэмжиж байна. Гэхдээ богино хугацаанд техникийн ‘хэт худалдан авалт’-аас шалтгаалан түр амсхийлт гарах магадлалтай.”

Техникийн үзүүлэлт болох Relative Strength Index (RSI) 88-д хүрсэн нь алт “Хэт худалдан авсан” түвшинд байгааг харуулж байна.

Бусад үнэт металлууд:

Мөнгө (Silver) — 0.5%-иар буурч $53.96, өмнө нь $54.47 хүрч дээд амжилт тогтоосон. Энэ долоо хоногийн өсөлт 7.3% байна.
Платинум — 3.3%-иар буурч $1,656.90.
Палладий — 2.9%-иар буурч $1,566.30.

Санхүүгийн зах зээлийн нөхцөл:

АНУ-ын бүс нутгийн банкуудын хувьцаа огцом унасан нь дэлхийн хөрөнгийн зах зээлийг доргиож, хөрөнгө оруулагчдыг алт руу хандуулахад хүргэв.

АНУ-ын Холбооны Нөөцийн Банк (ФРС)-ны гишүүн Кристофер Уоллер хүү 0.25 пунктээр бууруулахыг дэмжиж буйгаа илэрхийлсэн бөгөөд зах зээл 10-р сарын 29–30-ны хуралдаанд нэг удаа, 12-р сард дахин нэг удаа хүү буурах хүлээлттэй байна.

БНХАУ ба ховор металл:

БНХАУ, АНУ-ыг “Ховор металлд экспортын хяналт тавьсан үр дагавартаа бусдыг буруутгаж байна” хэмээн шүүмжилж, экспортын хязгаарлалтаа цуцлахыг татгалзжээ.

Алтны ханшийн өсөлтийн гол шалтгаан:

Алт нь тодорхойгүй байдал, инфляц, бага хүүгийн орчинд хамгийн их ашиг хүртдэг хөрөнгө юм. Энэ жил алт 66% өссөн ба үүнд дараах хүчин зүйлүүд нөлөөлсөн:

Геополитикийн хурцадмал байдал
АНУ-ын хүү бууруулах бодлого
Төв банкуудын худалдан авалт
“Доллараас ангижрах” (de-dollarisation) чиг хандлага
Хөрөнгө оруулалтын сан (ETF)-уудын их хэмжээний урсгал

Societe Generale-ийн үнэт металлын судалгааны дарга Michael Haigh:

“ETF-ийн асар их урсгал л үнээ өсгөж байна гэж би итгэдэг.”

Дэлхийн хамгийн том алтанд суурилсан хөрөнгө оруулалтын сан болох SPDR Gold Trust-ийн нөөц 2022 оны 7-р сараас хойших хамгийн өндөр буюу 1'034.62 тонн болж өсжээ.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07