Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Сөрөг хүчний удирдагч Мариа Корина Мачадо эх орондоо 2026 оны эцэс гэхэд буцаж очно гэж найдаж байгаагаа илэрхийлээд, АНУ-ыг Венесуэл улсад нэн яаралтай сонгууль явуулахыг уриаллаа.
Өнгөрсөн ням гарагийн орой Нобелийн Энх тайвны шагналт Мариа Мачадо Ройтерс агентлагт ярилцлага өгсөн байна. Тэрээр ярилцлагандаа “Ойрын хугацаанд Венесуэлд буцаж очно гэдэгтээ бүрэн итгэлтэй байгаагаа” хэлж, тус улс ардчилсан сонгууль явуулахгүй удах тусам иргэдийн дунд эмх замбараагүй байдал үүсэх эрсдэл нэмэгдэнэ гэж анхааруулсан байна.
Мөн тэрээр
Венесуэлийн ард түмний айдас, хүлээлт, шаардлагыг хангах үйл явц бол шударга сонгуулийн зүг чиглэсэн бодит алхмуудыг эхлүүлэх явдал юм.
гэжээ.
2026 оны нэгдүгээр сард АНУ Венесуэлийн Ерөнхийлөгч Николас Мадурог баривчилсан нь сөрөг хүчнийхэнд Мариа Мачадо улс орныг удирдах гол дүр болно гэсэн хүлээлтийг үүсгэсэн.
Гэсэн хэдий ч АНУ-ын ерөнхийлөгч Дональд Трамп Мачадод ойрын хугацаанд улс орноо удирдах хангалттай дэмжлэг байхгүй гэж үзэн, Мадурогийн хуучин орлогч байсан Делси Родригесийг түр удирдагчаар томилсон юм.
Мариа Мачадо 2025 оны 12-р сард Нобелийн шагналаа гардан авахын тулд Венесуэлийг орхисон бөгөөд энэ нь түүний эсрэг авсан 10 жилийн хугацаатай хилийн хоригийг зөрчсөн үйлдэл болсон.
Тэр 2024 оны маргаантай сонгуулийн дараа нэг жил гаруй хугацаанд нуугдан амьдарч байсан гэдэг.
2024 оны сонгуулиар Николас Мадуро сөрөг хүчний нэр дэвшигч Эдмундо Гонсалесийг ялсан гэж зарласан нь улс орон даяар өргөн хэмжээний эсэргүүцлийн жагсаалд хүргэсэн. Инженер мэргэжилтэй Мариа Мачадо сонгуульд нэр дэвших эрхээ тухайн үед хасуулаад байжээ.
Делси Родригес АНУ-ын Засаг захиргаанаас тодорхой хэмжээний сайшаал хүртсэн ч Мариа Мачадо үүнийг Дональд Трамп Делсиг урт хугацаанд эрх мэдэлд байлгах сонирхолтой гэсэн дохио биш гэж няцаасан байна.
Тэрээр
Миний ойлгосноор Ерөнхийлөгч Дональд Трамп Делси Родригесийг зөвхөн өөрийн өгсөн үүрэг даалгаварыг дагаж байгааг нь магтаж байгаа юм.
гэжээ.
Мөн тэрээр Родригесийн Засгийн газрын талаар:
Тэд хэзээ ч одоогийнх шиг сул дорой байгаагүй. Тэд нөхцөл байдал өөрчлөгдсөнийг ойлгож эхэлж байна. Энэ бол огт өөр үе.
хэмээн онцолжээ.
Мариа Мачадогийн хэлж байгаагаар, Мадурог баривчилсны дараа Венесуэлийн ард түмэн улс төр, эдийн засгийн томоохон өөрчлөлтийг хүлээж байгаа. Хэрвээ энэ хүлээлтийг хурдан биелүүлэхгүй бол “эмх замбараагүй байдал” үүсэх эрсдэлтэй аж.
Тэр энэ байдлыг дараах байдлаар зүйрлэсэн:
Энэ бол асар их эрч хүчтэй давалгаалан, ширүүсэж байгаа үерийг хааж байгаа аварга том далантай адил.
гэсэн байна.
Мөн тэрээр:
Манай багийн гол зорилго бол энэ бүх энергийг тайван, иргэний замаар зөвхөн нэг зорилгын төлөө чиглүүлэх явдал байх болно. Тэр нь сонгуулийн үйл явц байх юм. Хэрэв хүмүүс энэ бүх үйл явцын эцсийн зорилго нь сонгууль биш юм байна гэж үзвэл энэ их хүч хяналтаас гарч болзошгүй.
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
🎓 Компанийн нийгмийн хариуцлагын бодлого, орон нутгийн боловсролыг дэмжих хөтөлбөрийн хүрээнд хэрэгжүүлдэг “Цалинтай оюутан” хөтөлбөрийн энэ жилийн бүртгэл эхэллээ.
гэж анхааруулжээ.
Түүний хэлснээр сонгууль зохион байгуулахын өмнө дараах ажлуудыг хийх шаардлагатай аж.
-Сонгогчдын бүртгэлийг шинэчлэх
-Өмнө нь санал өгөх эрхгүй болсон хүмүүсийг бүртгэлд нэмж хамруулах
-Шинэ сонгуулийн хороог томилох зэрэг аж. Эдгээрийг хэрэгжүүлэхэд ойролцоогоор 8–9 сарын хугацаа шаардлагатай гэж тэр үзэж байна.
Мариа Мачадо АНУ болон Дональд Трампыг шууд шүүмжлэхээс зайлсхийсэн ч дараах байдлаар үнэлсэн.
Хэрвээ АНУ-ын засаг захиргаа болон Ерөнхийлөгч Дональд Трамп Николас Мадурог баривчлах шийдвэр гаргаагүй бол бид өнөөдрийн энэ ахиц дэвшилд хүрэхгүй байх байсан.
Гэсэн хэдий ч тэрээр:
Венесуэлийн ард түмний шаардлага, шахалтыг би ойлгож байна. Тиймээс бид ардчилсан сонгууль хийж, төрийн эрхийг шилжүүлэх үйл явцыг илүү хурдтай урагшлуулах ёстой.
гэж нэмж хэлжээ.
Мадрид хотод байх хугацаандаа Мариа Мачадо цөллөгт амьдарч буй венесуэлчүүдэд зориулсан жагсаалд оролцож, мянга мянган хүний өмнө тэд удахгүй эх орондоо буцаж чадна гэж мэдэгдсэн. 2014 оноос хойш Венесуэлийн хүн амын ойролцоогоор дөрөвний нэг нь төрийн буруу удирдлагын улмаас болж эх орноо орхин
-Латин Америкийн орнууд
-Карибын бүс нутгийн орнууд
-Испани улс
-АНУ
руу дүрэвсэн.
Мариа Мачадо Испанийн баруун жигүүрийн сөрөг хүчний удирдагчидтай уулзсан боловч Ерөнхий сайд Педро Санчезтай уулзахаас татгалзжээ.
Тэр уулзаагүй шалтгаанаа:
Манай улсын аймшигтай нөхцөл байдал, хүн төрөлхтний эсрэг гэмт хэрэг, төрийн терроризмын талаар хамгийн хүчтэй дуу хоолой болж Испани улс дуугарна гэж бид найдаж байсан. Харамсалтай нь тийм зүйл болоогүй.
гэсэн хэдий ч:
Аз болоход Европт өөр дуу хоолойнууд байна. Би энэ долоо хоногт заримтай нь уулзсан. Европт бид барууны үнэт зүйлсийг дэмжих, Венесуэлд олон зуун жил оршин тогтнох институцуудыг дахин байгуулахад хамтрагчидтай байгаадаа баяртай байна гэжээ.
Тэрээр Венесуэлийг орхисноос хойш ихэвчлэн АНУ-д амьдарч байгаа бөгөөд гурван насанд хүрсэн хүүхдүүдтэйгээ дахин уулзсандаа баяртай байгаагаа илэрхийлсэн.
Ээж хүний хувьд миний гаргасан шийдвэрүүдээс болж гэр бүл, түүн дундаа хүүхдүүд минь ямар их хохирол амссаныг бодоход өөрийгөө буруутай мэт мэдэрдэг. Гэвч би өөрийгөө зоригжуулан. Би үүнийг тэдний төлөө, бүх залуу венесуэлчүүдийн төлөө, бүр төрөөгүй ирээдүйн хүүхдүүдийн төлөө хийж байна. Тэд бахархах эх оронтой, эрх чөлөөтэй иргэд болж амьдрах ёстой.
гэж хэлжээ.
Тэрээр парламентын гишүүн болсныхоо дараа аюулгүй байдлын үүднээс хүүхдүүдээ гадаадад амьдруулсан юм.
Ярилцлагын төгсгөлд тэрээр:
Би эх орондоо амьдрах хүсэлтэй. Би ард түмэнтэйгээ хамт байх ёстойгоо мэдэрдэг. Би буцах өдрөө хоног тоолон хүлээж байна гэжээ
