Зүүн Өмнөд Азийн Орнуудын Холбоо БНХАУ-тай худалдааны гэрээгээ шинэчиллээ

НИЙТЭЛСЭН:

2025-10-28 13:30

Зүүн өмнөд Азийн Орнуудын Холбоо (АСЕАН) ба БНХАУ өнөөдөр чөлөөт худалдааны гэрээнийхээ шинэчилсэн хувилбарт гарын үсэг зурлаа. Энэхүү шинэ “3.0” гэрээнд дижитал болон ногоон эдийн засаг зэрэг шинэ салбаруудыг хамруулсан гэж БНХАУ-ын Худалдааны яам мэдэгдэв.

АСЕАН нь одоогоор Хятадын хамгийн том худалдааны түнш бөгөөд хоёр талын худалдааны эргэлт өнгөрсөн онд 771 тэрбум ам.долларт хүрсэн байна.

Хятад улс АНУ-ын ерөнхийлөгч Дональд Трампын засаг захиргаанаас дэлхий даяарх улс орнуудад ногдуулсан өндөр импортын татварын дарамтыг сөрөн зогсохын тулд, нийт ДНБ нь 3.8 их наяд ам.доллар бүхий АСЕАН бүс нутагийн улсуудтайгаа хамтын ажиллагаагаа эрчимжүүлэхийг зорьж байгаа аж.

Хятадын Худалдааны яамны мэдэгдэлд “Шинэчлэгдсэн энэхүү гэрээ нь хоёр талын олон талт худалдаа, чөлөөт эдийн засгийг дэмжихийн төлөөх чухал амлалтыг бүрэн тусгасан” гэжээ.

Хятад улс эдийн засгаа улам нээлттэй болгохын төлөө ажиллаж байгаа гэж мэдэгдэж байгаа ч, бусад томоохон гүрнүүд тус улсын ховор метал ба стратегийн эрдэс баялгийн экспортод тавьсан хязгаарлалт нь “нээлттэй бодлоготой” зөрчилдөж байна хэмээн шүүмжилж байгаа юм.

ЗАХ ЗЭЭЛИЙН ХАНДАЛТЫГ САЙЖРУУЛНА

“АСЕАН–Хятадын чөлөөт худалдааны бүсийн 3.0 хувилбар” хэмээх шинэ гэрээ нь Малайзад болсон АСЕАН-Хятадын дээд хэмжээний уулзалтын үеэр батлагдсан юм. Тус уулзалтад АНУ-ын Ерөнхийлөгч Дональд Трамп ням гарагт оролцсон бөгөөд энэ нь Азийн орнуудад хийх айлчлалынх нь эхлэл байв.

Гэрээний шинэчилсэн хувилбартай холбоотой хэлэлцээ 2022 оны 11-р сард эхэлж, 2025 оны 5-р сард дууссан. Энэ үеэр Трампын татварын бодлого ид өрнөж байв.
Анхны АСЕАН–Хятадын чөлөөт худалдааны гэрээ 2010 онд хүчин төгөлдөр болсон юм.

Хятад улс уг гэрээ нь хөдөө аж ахуй, дижитал эдийн засаг, эмийн үйлдвэрлэл зэрэг салбарт зах зээлийн нэвтрэлтийг нэмэгдүүлэх замыг нээж өгнө гэж өмнө нь мэдэгдэж байсан.

Хятад ба АСЕАН хоёр хоёулаа дэлхийн хамгийн том худалдааны холбоо болох Бүс нутгийн иж бүрэн эдийн засгийн түншлэл (RCEP)-ийн гишүүн бөгөөд энэ нь дэлхийн хүн амын гуравны нэгийг, дэлхийн ДНБ-ний 30%-ийг хамардаг. Малайз энэ долоо хоногт 5 жилийн дараах анхны RCEP дээд хэмжээний уулзалтыг зохион байгуулсан.

Зарим шинжээчид АСЕАН–Хятадын хамтын ажиллагааг АНУ-ын татварын дарамтад бүс нутгийн “буфер” болох боломжтой гэж үзэж байгаа ч, АСЕАН доторх өрсөлдөөнтэй ашиг сонирхлуудын улмаас тус гэрээ нь бусад бүс нутгийн худалдааны хэлэлцээрүүдээс сул заалттай гэж дүгнэжээ.

ХУДАЛДААНЫ ДАЙНЫ ЗАВСАРЫН ЗАМ

АНУ-д Доналд Трамп ерөнхийлөгчийн хувиар ажиллаж эхэлснээс хойш Хятад улстай худалдааны дайн улам хурцадсан бөгөөд Трампын засаг захиргаа Хятадын бараанд өндөр татвар ногдуулсан юм.

Бээжин эдгээр тарифыг “хамгаалалтын бодлого” гэж нэрлэж, үүний зэрэгцээ өөрийн ховор метал, соронз зэрэг стратегийн түүхий эдийн экспортын урсгалыг хянах бодлогоо өргөжүүлж байна. Хятад улс дэлхийн газрын хово элементүүдийн 90%-иас илүүг боловсруулдаг.

АНУ ба Хятад хоёр энэ долоо хоногийн амралтын өдрүүдэд Куала Лумпурт уулзаж, түр “худалдааны зогсолт” (truce)-ийн талаар тохиролцсон байна. Тэдний төлөөлөгчид хэлэлцээ хийж, Трамп болон Хятад улсын дарга Ши Жиньпин нар энэ долоо хоногийн сүүлээр Сөүлд уулзахдаа эцсийн шийдвэр гаргах тохиролцоонд хүрчээ.

Трамп Малайзаас даваа гарагийн өглөө явсан. Өдгөө Хятад улс бүс нутгийн эдийн засгийн хамтын ажиллагааг нэмэгдүүлэх уриалгыг эрчимжүүлж байгаа юм.

“Дэлхий дахин хүчтэй нь сулыг дардаг зэрлэг хууль руу буцаж болохгүй,” гэж Хятадын Ерөнхий сайд Ли Цянь даваа гарагт болсон Зүүн Азийн Дээд Хэмжээний уулзалтад хэлсэн байна.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07