Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Азийн зах зээл дээр мягмар гарагт нефтийн үнэ өсөв. Учир нь АНУ ба Ираны хооронд үүссэн мухардмал байдал ойрын хугацаанд сайжрах шинжгүй хэвээр байна. Өнгөрсөн шөнө гарсан олон мэдээллээс үзэхэд, АНУ-ын Ерөнхийлөгч Дональд Трамп Ираны Хормузын хоолойг дахин нээх саналд сэтгэл хангалуун бус байгаа аж. Үүний улмаас дэлхийн нефтийн тээвэрт чухал үүрэгтэй энэ хоолой ойрын хугацаанд үндсэндээ хаалттай хэвээр үлдэж байна.
Brent төрлийн нефтийн фьючерс үнэ 1%-иар өсөж баррель нь 109.34 ам.долларт хүрсэн бол, WT Iтөрлийн нефть 0.9%-иар өсөж 97.28 ам.долларт хүрчээ (Улаанбаатарын цагаар өглөөний 10:45 цагийн байдлаар).
Эдгээр хоёр төрлийн нефтийн үнэ өмнөх арилжааны өдөр аль аль нь 2–3%-иар огцом өсөөд байсан юм.
Долоо хоногийн эхээр гарсан мэдээллүүдэд дурдсанаар, Тегеран Хормузын хоолойг дахин нээж, мөргөлдөөнийг зогсоох шинэ санал гаргасан бөгөөд уг саналыг Вашингтон судалж эхэлсэн байна.
Гэвч Уоллстрийт жорнэл болон Ройтерс агентлагуудын мэдээлснээр Ерөнхийлөгч Дональд Трамп болон түүний баг энэ саналыг эргэлзээтэй хүлээж авчээ. Учир нь уг саналд Ираны цөмийн хөтөлбөрийн асуудлаарх хэлэлцээг хойшлуулах заалт орсон байна.
Ираны цөмийн баяжуулалтыг зогсоох, цөмийн зэвсэг хөгжүүлэхээс сэргийлэх нь Вашингтоны гол зорилгууд хэвээр байгаа бөгөөд хэлэлцээг хойшлуулах асуудал Трампын хувьд гол маргаантай цэг болсон гэж Уолстрийт Жорнэл мэдээлжээ.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Энэ цаг хугацаанд Хормузын хоолой ихэвчлэн хаалттай хэвээр байгаа бөгөөд АНУ мөн Иранд тэнгисийн бүслэлт (naval blockade) тогтоосон хэвээр байна. Үүний улмаас тус хоолойгоор дамжих нефтийн урсгал эрс багасч, нийлүүлэлт хумигдана гэсэн болгоомжлол зах зээл дээр давамгайлж, нефтийн үнийг өсгөж байгаа юм.
Пакистаны зуучлалаар хийхээр төлөвлөж байсан АНУ-Ираны нэмэлт хэлэлцээ өнгөрсөн амралтын өдрүүдэд үндсэндээ бүтэлгүйтсэн. Цаашдын хэлэлцээний хувь заяа тодорхойгүй хэвээр байна. Энэ нөхцөл байдал даваа гарагт нефтийн үнийг огцом өсгөсөн гол шалтгаан болжээ.
АНУ-Израилийн Ираны эсрэг дайн удахгүй 60 хоногийн босгыг давах гэж байгаа ч Вашингтон, Тегераны харилцаанд ахиц дэвшил бараг гарсангүй.
Хэдийгээр тодорхойгүй хугацааны гал зогсоох хэлэлцээр одоогоор мөрдөгдөж байгаа ч талууд нүүр тулсан хэлэлцээ хийх оролдлогуудаас ихэвчлэн зайлсхийсээр байгаа юм.
Ираны асуудлаас гадна энэ долоо хоногт Япон болон АНУ-ын төв банкуудын хурал анхаарал татаж байгаа бөгөөд нефтийн үнэ өсөх нь ойрын саруудад эрчим хүчнээс үүдэлтэй инфляцын дарамтыг нэмэгдүүлж болзошгүй талаар анхааруулга гарч магадгүй байна.
АНУ: Ираны нефтийн салбар “нуран унах” магадлалтай
АНУ-ын Сангийн сайд Скотт Бессант
Тэнгисийн бүслэлтийн улмаас Ираны нефтийн салбар олборлолтоо бууруулж эхэлсэн бөгөөд “тун удахгүй бүрэн нуран унах” төлөвтэй байна гэжээ.
Тэрээр мөн нийгмийн сүлжээндээ нийтэлсэн мэдэгдэлдээ, бүслэлтийн улмаас Иран бүх экспортын үйл ажиллагаагаа зогсоосон тул ойрын хугацаанд шатахууны хомсдолд орж магадгүй гэж анхааруулсан байна.
Экспорт тасалдсанаас үүдэн Иран улсын нефтийн агуулахын багтаамжаа хурдан дүүргэж, хадгалах зайгүй болж байгаа бөгөөд энэ нь олборлолтоо албадан бууруулах нөхцөл байдалд хүргэж байгаа аж.
