Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Даваа гарагт АНУ-ын Ерөнхийлөгч Дональд Трамп Иранд хийхээр төлөвлөж байсан цохилтоо түр хойшлуулсан нь Тегеран Вашингтонд энхийн шинэ санал хүргүүлсэнтэй холбоотой аж. Ерөнхийлөгч Дональд Трамп Ираны цөмийн хөтөлбөрийг хязгаарлах хэлэлцээр хийх “Маш том боломж” байна гэж мэдэгдлээ.
Иран АНУ-д шинэ энхийн санал илгээсний дараа Дональд Трамп АНУ-ын армид доорхи зааварыг өгсөн гэжээ:
Бид маргааш хийхээр төлөвлөсөн Ираны эсрэг довтолгоог хийхгүй. Гэхдээ хүлээн зөвшөөрөхүйц хэлэлцээр байгуулагдахгүй тохиолдолд маш богино хугацаанд бүрэн хэмжээний томоохон цохилт өгөхөд бэлэн байхыг мөн үүрэгдсэн.
гэжээ.
Ийм довтолгооны талаар өмнө нь олон нийтэд зарлаж байгаагүй бөгөөд Ройтерс агентлаг уг дайралтад хийх бодит бэлтгэл хийгдсээн эсэхийг баталж чадаагүй байна. Хэрэв дайралт болсон бол энэ нь хоёрдугаар сарын сүүлээр Трампын эхлүүлсэн дайныг дахин хурцатгах алхам болох байжээ.
Дональд Трамп өмнө нь ч Ирантай тохиролцоонд хүрч, Хормузын хоолойг дахин нээх хүсэлтэй байгаагаа илэрхийлж байсан. Хэрэв тохиролцоонд хүрэхгүй бол Иранд хүчтэй цохилт өгнө гэж анхааруулж байв.
Тэрээр мөн Катар, Саудын Араб болон Арабын Нэгдсэн Эмиратын удирдагчид түүнээс довтолгоогоо түр азнахыг хүссэн гэж мэдэгдсэн. Учир нь “АНУ төдийгүй Ойрхи Дорнод болон бусад улс орнуудад хүлээн зөвшөөрөгдөх тохиролцоо байгуулагдана” гэж үзэж байгаа аж.
Хэрэв Иран цөмийн зэвсэгтэй болохоос сэргийлэх тохиролцоонд хүрч чадвал АНУ сэтгэл хангалуун байна. Хэрэв бид тэднийг бөмбөгдөхгүйгээр асуудлыг шийдэж чадвал би маш баяртай байх болно.
гэжээ.
Ираны Гадаад Хэргийн Яамны хэвлэлийн төлөөлөгч Эсмаил Багаеи Тегераны байр суурийг “Пакистанаар дамжуулан Америкийн талд хүргэсэн” гэж баталсан ч дэлгэрэнгүй мэдээлэл өгөөгүй байна.
Пакистан улс өнгөрсөн сард болсон энхийн яриа хэлэлцээний үеэс хойш талуудын хооронд зуучлагчийн үүрэг гүйцэтгэж байгаа бөгөөд тус улсын нэгэн эх сурвалж хамгийн сүүлийн саналыг Вашингтонд хүргүүлснээ баталжээ. Гэвч хэлэлцээ амаргүй байгаа аж.
“Талууд зорилгоо байнга өөрчилж байна. Бидэнд тийм ч их хугацаа үлдээгүй” гэж хэлсэн байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Трампын мэдэгдлийн дараа Ираны төрийн хэвлэлүүд АНУ болон түүний холбоотнуудад “стратегийн алдаа” гаргахгүй байхыг анхааруулж, Ираны зэвсэгт хүчин өмнөхөөсөө илүү бэлэн, хүчирхэг болсон гэж мэдэгджээ.
Ираны цэргийн дээд командлал болох Khatam al-Anbiya “Шинэ халдлага гарвал шууд өгөх хариу бэлэн” гэж мэдэгдсэн байна.
Тус байгууллагын командлагч Али Абдоллахи:
Аливаа шинэ түрэмгийлэл, довтолгоонд хурдан, шийдэмгий, хүчтэй бөгөөд өргөн хүрээнд хариу өгнө
гэжээ.
Ираны өндөр албан тушаалтны мэдээлснээр шинэ санал нь өмнөх долоо хоногт Трампын “хог” хэмээн няцаасан саналаас төдийлөн ялгаагүй аж.
Саналын гол агуулга нь:
-Дайныг зогсоох
-Хормузын хоолойг дахин нээх
-Далайн тээврийн хориг арга хэмжээг сулруулах
-Ираны царцаасан хөрөнгийг суллах
-Олон улсын хяналт дор Ираны энхийн зориулалттай цөмийн үйл ажиллагааг үргэлжлүүлэх гэсэн асуудлуудад төвлөрч байгаа аж.
Ираны эх сурвалжийн мэдээлснээр АНУ Ираны гадаад дахь царцаасан олон арван тэрбум долларын хөрөнгийн дөрөвний нэгийг суллахаар зөвшөөрсөн байна. Харин Иран бүх хөрөнгөө бүрэн суллуулахыг хүсэж байгаа аж.
Мөн АНУ Ираны зарим энхийн зориулалттай цөмийн ажиллагааг Олон Улсын Атомын Энергийн Ангентлагийн хяналт дор үргэлжлүүлэх асуудал дээр илүү уян хатан байр суурьтай болсон гэжээ.
Гэхдээ АНУ эдгээр мэдээллийг албан ёсоор батлаагүй байна.
Ираны Тасним Мэдээлийн Агентлаг АНУ хэлэлцээ үргэлжилж байх хугацаанд Ираны газрын тосны хоригийг цуцлахыг зөвшөөрсөн гэж мэдээлсэн ч АНУ-ын нэрээ нууцалсан албан тушаалтан үүнийг худал гэж няцаажээ.
АНУ-Израилийн агаарын цохилтын дараа зургаан долоо хоног үргэлжилсэн дайны дараах эмзэг гал зогсоох хэлэлцээр хүчин төгөлдөр хэвээр байгаа ч бүс нутгийн хурцадмал байдал арилаагүй байна.
Саудын Араб улс ням гарагт Иракийн агаарын орон зайгаас орж ирсэн гурван дроныг устгасан гэж мэдэгдсэн бөгөөд Пакистаны Гадаад хэргийн яам уг халдлагыг буруушаажээ.
Мөн нийтлэлд Хормузын хоолойн газрын зураг багтсан бөгөөд энэ нь дэлхийн нефтийн нийлүүлэлтийн хамгийн чухал тээврийн замуудын нэг юм.
