Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
АНУ “Роснефть”, “Лукойл” компаниудад хориг тавилаа
Орос улс стратегийн цөмийн зэвсгийн сургуулилт хийсэн гэж мэдэгдэв
АНУ: “Путин–Трамп”-ын дээд хэмжээний уулзалт түр хойшлогдсон
Лхагва гарагт АНУ ОХУ-ын томоохон нефтийн компаниуд болох “Роснефть” болон “Лукойл”-д хориг тавьж, Украинд хийж буй дайныг зогсоох талаар Москва “Үнэн сэтгэлээсээ хандсангүй” гэж буруутгалаа. Энэ үед ОХУ (цаашид Орос улс) цөмийн зэвсэг оролцуулсан томоохон хэмжээний сургуулилт явуулсан байна.
Шинэ хориг арга хэмжээг АНУ-ын Ерөнхийлөгч Дональд Трамп ба Оросын Ерөнхийлөгч Владимир Путин нарын дээд хэмжээний уулзалтын төлөвлөгөө нурсаных нь дараа зарлалаа. Дональд Трамп сэтгүүлчдэд “Надад уулзалт хийх нь тохиромжгүй санагдсан учраас цуцалсан” гэж мэдэгдсэн.
АНУ-ын Сангийн яам мэдэгдэхдээ, “Роснефть” болон “Лукойл” нь Оросын дайны санхүүжилтийг дэмжиж байгаа тул хориг тавьсан гэжээ. Энэ алхам нь Цагаан ордны "бодлогын чиглэл"-д томоохон эргэлт гарсныг илтгэж байна. Трамп өмнө нь Москваг дарамтлахын оронд энхийн хэлэлцээг урамшуулах арга зам хайж байсан юм.
АНУ-ын Сангийн сайд Скотт Бессент “Одоо аллага зогсож, нэн даруй гал зогсоох ёстой цаг ирлээ” гэж мэдэгдэв. Түүний үгийн дараа дэлхийн зах зээл дээр нефтийн үнэ баррель тутамд 2 ам.доллараар өссөн.
Трамп сар орчмын туршид Конгрессын шахалтад орж байсан ч эрчим хүчний хориг тавихыг хойшлуулж байв. Тэрээр Путинтай энхийн хэлэлцээрт хүрнэ гэж найдаж байсан ч одоо “цаг нь болсон” гэж хэлжээ.
Трамп Украинд “Томагавк” төрлийн алсын тусгалт пуужин өгөхөөс татгалзсан хэвээр байгаа. Тэрээр НАТО-гийн Ерөнхий нарийн бичгийн дарга Марк Рюттэ-тэй уулзах үеэр “Украинчууд эдгээр пуужинг эзэмшихэд дор хаяж зургаан сар хэрэгтэй” гэж тайлбарласан.
Ирэх долоо хоногт БНСУ-д болох Трамп–Ши Жиньпин-ийн уулзалтын өмнө Трамп “Путинд нөлөөлж, дайн зогсоох тал дээр Ши илүү идэвхтэй үүрэг гүйцэтгэнэ гэж найдаж байна” гэжээ.
ОХУ-ын Батлан хамгаалах яам Путинд ерөнхий штабын дарга Валерий Герасимов илтгэл өгч буй бичлэгийг олон нийтэд дэлгэлээ. Сургуулилт нь газрын, шумбагч онгоцны болон агаарын цохилтын системүүдийг хамарсан бөгөөд АНУ-д хүрэх чадвартай тив алгасах баллистик пуужингууд оролцсон байна.
Ту-22М3 стратегийн бөмбөгдөгч онгоцууд Балтын тэнгис дээгүүр нисч, янз бүрийн үе шатанд НАТО-ийн сөнөөгч онгоцнуудаар дагалдуулжээ.
Путин урьд нь ч Украин болон өрнөдийн холбоотнуудад цөмийн хүчээ сануулж байсан бөгөөд энэ удаагийн сургуулилт ч бас анхааруулгын утгатай гэж ажиглагчид дүгнэж байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
НАТО мөн энэ сард өөрийн цөмийн тулаанаас сэргийлэх сургуулилтаа хийж байгаа юм.
Европын холбоо Украины дайны улмаас Орост чиглэсэн 19 дэх багц хориг-оо баталлаа. Үүнд Оросын шингэрүүлсэн байгалийн хийг импортлохыг хориглох заалт багтжээ.
“The Wall Street Journal” -ийн мэдээлснээр АНУ барууны холбоотнуудын нийлүүлсэн зарим алсын тусгалт пуужинг Украин дотроо ашиглах хязгаарлалтыг цуцалсан гэнэ. Харин Трамп энэ мэдээллийг няцааж, “ийм шийдвэр гараагүй” гэж мэдэгджээ.
Өөр нэгэн мэдээгээр, Швед улс Украины талд “Gripen” сөнөөгч онгоц нийлүүлэх тухай харилцан ойлголцлын баримт бичигт гарын үсэг зурсан байна.
Украины Ерөнхийлөгч Володимир Зеленский Шведийн “Сааб” компанид зочлох үеэрээ “ирэх жилээс эхний онгоцоо авч ашиглана, цаашдаа 100 ширхэгийг авах зорилготой” гэж мэдэгджээ.
ОХУ ба Украины талууд шөнөжин харилцан пуужингаар цохилт өгч, АНУ тэргүүтэй энхийн оролдлого тодорхойгүй байдалд орлоо.
Дональд Трамп, Путин нар өнгөрсөн долоо хоногт утсаар ярилцаж, удахгүй Унгарт уулзалт хийхээр тохиролцсон байсан. Гэвч даваа гарагт хоёр орны ГХ-ны сайд нар ярилцсаны дараа Цагаан ордон “ойрын хугацаанд уулзах төлөвлөгөөгүй” гэж мэдэгдэв.
Трамп “Би цаг дэмий үрэх уулзалт хийхийг хүсэхгүй байна” гэж хэлсэн бол Кремль “Путин ч бас тийм уулзалт хүсэхгүй байна” гэж мэдэгджээ.
АНУ-ын Төрийн нарийн бичгийн дарга Марко Рубио “АНУ Москватай уулзах хүсэлтэй хэвээр байна” гэж мэдэгдсэн бол Кремлийн хэвлэлийн төлөөлөгч Дмитрий Песков “уулзалтын бэлтгэл үргэлжилж байгаа, огноо хараахан тогтоогдоогүй” гэж мэдэгдсэн.
Энэхүү саатлын дараа Орос улс өмнөх энхийн нөхцлөө дахин дэвшүүлжээ — үүнд Украины өмнөд зүгт Донбасс мужийг бүрэн Орост шилжүүлэх шаардлага орсон байна. Энэ нь Трампын “хоёр тал одоогийн фронтын шугам дээр гал зогсох ёстой” гэсэн санааг няцаасан юм.
Трамп хоёр дахь бүрэн эрхийн хугацаандаа Европ дахь хамгийн том дайныг зогсоохыг зорьж байгаа ч, Зеленскийд шүүмжлэлтэй, Путинд бухимдалтай ханддаг хэвээр байна.
“Путин–Трамп”-ын уулзалт хойшлогдсоны дараа Европын батлан хамгаалахын компаниудын хувьцааны ханш өсөв.
Европын холбооны удирдагчид пүрэв гарагт царцсан Оросын хөрөнгийг ашиглан Украинд 163 тэрбум долларын зээл олгох санал-ыг хэлэлцэнэ. Москва энэ төлөвлөгөөг “Дэлхий дахинд хулгай” гэж нэрлэж, хариу арга хэмжээ авна гэж сүрдүүлжээ.
