Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Өнгөрсөн Есдүгээр сард эхэлсэн АНУ-ын түүхэнд байгаагүй урт хугацааны “Засгийн Газрын Түр Зогсолт” тодорхой богино хугацааны хууль гаргасны хүчинд түр зогслоо. Түр зогсолтыг зогсоож чадсан Ардчилсан Намын гишүүдэд Бүгд Найрамдах намынхан болон Ерөнхийлөгч Дональд Трамп алга ташин баяр хүргэж байна. Ямартаа ч УИХ дахь МАН хоёр хуваагдаад гишүүн Хассуурийн Ганхуяг Ардчилсан Намыг ногоон лааз өргөж ямар товч дээр дарахыг зааж, зааварласны хүчинд 2026 оны Улсын Төсвийг цагт нь баталж чадах болов уу гэж найдаж байна. Ингээд та бүхэнд Сенат дахь Бүгд Найрамдах намын аврал болсон Ардчилсан намын 8 гишүүнийг танилцуулъяа.
Ням гарагийн орой Сенатын Ардчилсан намын 8 гишүүн Төлөөлөгчдийн танхимаас баталсан түр төсвийн хуулийн төсөлд дэмжлэг үзүүлж, засгийн газрын 40 хоног үргэлжилсэн түр зогсолтыг дуусгах чиглэлд том алхам хийлээ.
Сенат энэхүү хуулийн төслийг 60:40-ийн саналын харьцаатайгаар дэмжин баталсан бөгөөд уг хууль нь цэргийн барилга байгууламж, ахмад дайчдын тусламж үйлчилгээ, Хөдөө аж ахуйн Яам, хууль тогтоох байгууллагын зардлыг 9-р сарын 30 хүртэл буюу бүтэн жилээр нь баталсан бол, бусад төрийн байгууллагын санхүүжилтийг 1-р сарын 30 хүртэл хангах хоёр шатлалтай хуулийн хэлэлцүүлгийн суурь болох юм.
Ингэснээр Төлөөлөгчдийн танхим энэ долоо хоногт Вашингтонд буцан ирж уг хуулийг баталж, Ерөнхийлөгч Дональд Трампын гарын үсэг зурах боломжийг нээхийг зорьж байна.
Пенсильванийн шинэхэн сенатор Феттерман бол Сенатын төсвийн түр хуулийн төслийг хүлээн авахгүй гэсэн байр суурийг хамгийн хүчтэй шүүмжилж ирсэн нэгэн.
Тэрээр Эрүүл мэндийн даатгалын нэмэлт хөнгөлөлтийг сунгахыг дэмждэг ч Ардчилсан нам бодитой нөлөө үзүүлэх ямар ч хөзөргүй байгааг анхааруулж байв.
Мөн хүнсний тусламжийн SNAP хөтөлбөрийн хугацаа дууссанаас болж 42 сая америк хүн өлсгөлөнд өртөх эрсдэлтэй байгааг онцлон санаа зовниж байсан юм.
Бие даагч гишүүн Кинг нь Ардчилсан намын бүлэгт нэгддэг бөгөөд эрүүл мэндийн даатгалын хөнгөлөлтийг сунгахыг дэмждэг ч засгийн газрын зогсолт нь Трампт хэт их эрх мэдэл өгөх аюултай гэж анхааруулсан.
Тэрээр хэлэхдээ:
“Эрүүл мэндийн даатгалын хямрал ноцтой хэдий ч хаалт өөрөө, мөн Трамп болон түүний хүрээлэгчдэд олгогдох нэмэлт эрх мэдэл бол илүү том аюул юм. Манай улсын хамгийн ноцтой сорилт бол авторитар дэглэм рүү хальтрах аюул түргэсэж буй явдал.”
Кортес Масто өнгөрсөн 9-р сард Төлөөлөгчдийн танхимаас баталсан түр төсвийн хуульд дэмжлэг үзүүлж, түр зогсолт эхэлснээс хойш байнга засгийн газрын түр зогсолтыг зогсоох талд санал өгч иржээ.
Тэр хэлэхдээ:
“Невадагийн айл өрхүүдэд хохирол учруулж, энэ хариуцлагагүй засаг захиргаанд илүү эрх мэдэл өгч болох ийм үнэтэй зогсоолтыг би дэмжихгүй.”
Масто зогсолт үргэлжилбэл Невадагийн олон мянган цэрэг, холбооны ажилтан, хууль сахиулагч, сувилагчид цалингүй ажиллах болно, мөн аялал жуулчлалын салбар долоо хоног бүр 1 тэрбум ам.долларын алдагдал хүлээнэ гэж анхааруулсан.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Розен эрүүл мэндийн даатгалын өсөлттэй холбоотой “хямрал”-ыг шийдвэрлэхийн төлөө хатуу байр суурь баримталж ирсэн.
Тэрээр Сенатын олонхийн удирдагч Жон Тюн (R–South Dakota)-ий эрүүл мэндийн хөнгөлөлтийн тухай хуулийг 12-р сард хэлэлцэх амлалт өгсөн нь Ардчилсан намын хувьд том дэвшил гэж үзэв.
“Бидний шахалтаар гаргуулж чадсан гол буулт бол Ардчилсан намын боловсруулсан хуулийн төслийг хэлэлцэх санал юм. Би энэ асуудлын эцэс хүртэл тултал тэмцэнэ,” гэж тэр мэдэгджээ.
Сенатын Ардчилсан намын №2 удирдагч, олон жилийн туршлагатай Дурбин өнгөрсөн сард холбооны ажилчдын үйлдвэрчний эвлэл (AFGE)-ийн уриалгыг сонсож, “цэвэр” түр төсвийн хуулийг батлахыг дэмжих байр суурь илэрхийлсэн.
Тэрээр хэлэхдээ:
“40 хоногийн турш — АНУ-ын түүхэн дэх хамгийн урт зошсолтын үед — холбооны ажилчид цалингүй ажилласан. Үүнд манай нислэгийн удирдагчид багтсан, тэд өдөрт 10 цаг, долоо хоногт 6 өдөр ажиллаж агаарын аюулгүй байдлыг сахиж байна. Энэ бол хүний амь насны үнэ цэнтэй холбоотой ажил,” гэжээ.
Тэр 2026 онд дахин нэр дэвшихгүй гэдгээ мэдэгдсэн.
Шахин нь Сенатын төсвийн байнгын хорооны ахмад гишүүн бөгөөд засгийн газрыг зогсолтыг зогсоох хэлэлцээрийг гардан удирдсан.
Тэрээр Ангус Кингийн хамт 12 Ардчилсан сенаторыг оролцуулсан хэлэлцээний бүлэг байгуулж, зогсолтоос гарах “гарц” боловсруулсан байна.
“Энэхүү тохиролцоо нь бүгд Найрамдахчууд бүх шатны эрх мэдлийг барьж буй энэ үед Ардчилсан намд Сенатын индэр дээр гол хууль тогтоох асуудлаа хэлэлцэх боломж олгож байна. Энэ бол олон сая америк хүнд эрүүл мэндийн даатгалыг илүү хүртээмжтэй болгох чухал алхам юм,” гэж тэр мэдэгдэв.
Шахинтай нэг муж улсаас сонгогдсон Хассан сүүлийн хэдэн долоо хоногт хамтран ажиллаж, эрүүл мэндийн даатгалын татварын хөнгөлөлтийг сунгах хоёр талын хэлэлцээг эхлүүлэхэд гол үүрэг гүйцэтгэсэн.
“Америкчууд тусламжийн гараа хүлээж байхад Вашингтоны хямрал тэдний амьдралыг улам хүндрүүлж байна,” гэж тэр хэлэв.
Хассан энэ тохиролцоо нь хүнсний тусламжийн SNAP хөтөлбөрийг 9-р сарын 30 хүртэл санхүүжүүлж, хууль сахиулагчид, нислэгийн удирдагчид болон холбооны ажилчид цалингаа авах боломжийг хангана гэж онцолсон.
Кэйн нь Виржиниад орших 140,000 гаруй холбооны ажилтныг төлөөлдөг бөгөөд тэдний ажлын байр, цалинг хамгаалахад анхаарлаа төвлөрүүлжээ.
Тэрээр хуулийн төсөлд “Трампын засаг захиргааны буруу халалтаас холбооны ажилчдыг хамгаалах заалт” оруулахад амжилт олсон байна.
“Энэхүү хууль нь холбооны ажилчдыг үндэслэлгүй ажлаас халахаас хамгаалж, ажлаас халах үеэд шударга бусаар халагдсан хүмүүсийг буцаан ажилд нь оруулж, тэдэнд нөхөн төлбөр олгоно. Энэ бол холбооны ажилчид төдийгүй төрийн үйлчилгээний төлөө ажилладаг бүх америкчуудад чухал алхам юм,” гэж тэр мэдэгдэв.
🟦 Эдгээр найман сенатор — Феттерман, Кинг, Кортес Масто, Розен, Дурбин, Шахин, Хассан, Кэйн — нь өөр өөр шалтгаанаар, гэхдээ нийтлэг зорилгоор буюу “Засгийн газрын хамгийн урт зогсолтыг зогсоож, ард иргэдийн амьжиргааг хамгаалах” үүднээс Төлөөлөгчдийн танхимын түр төсвийн хуульд дэмжлэг үзүүлсэн байна.
