Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
August 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Apple Inc. компани санах ой болон хадгалах төхөөрөмжийн чипний үнэ өссөнтэй холбоотой зардлаа нөхөхийн тулд бүтээгдэхүүнийхээ үнийг нэмэгдүүлэхээр төлөвлөж байгаагаа тус компанийн гүйцэтгэх захирал Тим Кук The Wall Street Journal-д өгсөн ярилцлагадаа мэдэгджээ.
Хиймэл оюун ухаан (AI)-д суурилсан дата төвүүдийн эрэлт эрс өссөнөөр хэрэглээний цахим бараа үйлдвэрлэгч компаниуд хязгаарлагдмал болсон чухал бүрэлдэхүүн хэсгүүдийн нийлүүлэлтийн төлөө ширүүн өрсөлдөж эхэлсэн бөгөөд үүний улмаас үнэ огцом өсөөд байна.
Энэ сарын эхээр автомашин үйлдвэрлэгчид, жижиглэн худалдааны компаниуд, электроникийн салбарын компаниуд болон бусад байгууллагууд өсөн нэмэгдэж буй санах ойн чипний эрэлт нь АНУ дахь өргөн хэрэглээний барааны үнийг мэдэгдэхүйц өсгөж, нийлүүлэлтийн сүлжээнд доголдол үүсгэж болзошгүй талаар анхааруулж байсан юм.
Тим Кук
Харамсалтай нь үнийн өсөлтөөс зайлсхийх боломжгүй боллоо. Бидэнд дамжин ирж буй асар их үнийн өсөлтийн нөлөөг багасгахын тулд бүх боломжоо дайчилж, хэрэглэгчдээ хамгаалахыг хичээсэн. Гэвч одоогийн нөхцөл байдал цаашид тогтвортой байхаа больсон.
гэжээ.
Ирэх есдүгээр сард компанийн удирдлагыг Жон Тернуст шилжүүлэхээр төлөвлөж буй Тим Кук үнийн өсөлт хэзээнээс хэрэгжих, хэдэн хувиар нэмэгдэх, мөн ямар бүтээгдэхүүнүүдэд нөлөөлөх талаар тодорхой мэдээлэл өгөөгүй байна.
Мэдээллээр бол Apple компани энэ оны есдүгээр сард анхны эвхэгддэг iPhone загвараа iPhone 18 Pro болон iPhone 18 Pro Max загваруудын хамт танилцуулахаар төлөвлөж байгаа аж.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Тим Кукын хэлснээр компанийн хувьд санах ой болон хадгалах төхөөрөмжийн өртөг хоёулаа томоохон асуудал болоод байгаа бөгөөд ялангуяа DRAM-ийн зах зээлд эрэлтийн "шок" үүсчээ.
Кук хэлэхдээ:
Хэрэглэгчид төхөөрөмж худалдан авах эрэлттэй хэвээр байгаа энэ үед нийлүүлэлт багасч, санах ой үйлдвэрлэгчид асар өндөр үнийн өсөлтийг хэрэглэгчид шилжүүлж байна. Хэрэглээний бүтээгдэхүүнүүдэд зориулсан санах ойн үнэ болон нийлүүлэлт боломжийн түвшинд хүргэх шаардлагатай. Асуудлын гол нь энэ.
гэжээ.
Мөн тэрээр БНХАУ дотоодын санах ой болон хадгалах төхөөрөмж үйлдвэрлэгч тэргүүлэх компаниудтай болсон ч АНУ-ын үндэсний аюулгүй байдлын дүрэм журмын дагуу тус улсын компаниуд тэдэнтэй хамтран ажиллахын тулд тусгай зөвшөөрөл авах шаардлагатай байгааг дурджээ.
Энэ хязгаарлалтыг зөөлрүүлэх хэрэгтэй эсэх талаар асуухад Кук:
Бүх хувилбаруудыг хэлэлцэх ёстой. Бид нийлүүлэлтийн бүх эх үүсвэрийг авч үзэх хэрэгтэй гэж бодож байна.
гэж хариулсан.
Мөн Apple компани санах ойн нийлүүлэлтийг нэмэгдүүлэхэд өөрийн их хэмжээний мөнгөн нөөцийг ашиглахад бэлэн байгаагаа илэрхийлсэн ч дэлгэрэнгүй мэдээлэл өгөөгүй байна.
Кук:
Бид асуудлыг шийдвэрлэхэд хувь нэмрээ оруулахын тулд компанийн санхүүгийн чадавхаа ашиглахад бэлэн байна. Илүү их үйлдвэрлэлийн хүчин чадал зайлшгүй шаардлагатай.
гэжээ.
Гэхдээ тэрээр Apple өөрийн мөнгөн хөрөнгө болон чип боловсруулах туршлагаа ашиглан санах ой болон хадгалах төхөөрөмжийн үйлдвэр байгуулах төлөвлөгөөгүй гэдгийг тодруулсан байна.
