Ерөнхийлөгч Дональд Трамп "Газын дайн дууслаа, Израиль барьцаалагдсан иргэдээ суллагдахыг хүлээж байна"

НИЙТЭЛСЭН:

2025-10-13 11:22

Товч агуулга:

АНУ-ын Ерөниийлөгч Дональд Трамп Газын мөргөлдөөн дуусаж, бүс нутаг сэргэнэ гэж үзэж байна.
Израилийн барьцаалагдсан хүмүүс, Палестины хоригдлууд даваа гарагт суллагдана.
Трамп Израилийн Кнессетэд үг хэлж, Египетэд энхийн дээд хэмжээний уулзалтад оролцоно.

АНУ-ын Ерөнхийлөгч Дональд Трамп ням гарагт “Газын дайн дууслаа, Ойрхи Дорнод удахгүй хэвийн болно” гэж мэдэгдлээ. Тэрбээр Израиль руу нисч байхдаа энэ үгийг хэлсэн бөгөөд Израиль улс Хамас бүлэглэлийн барьцаалсан израильчуудыг суллахыг хүлээж байгаа ба дэлхийн удирдагчид энх тайвны дараагийн алхмуудыг хэлэлцэхээр цуглаж байна.

“Дайн дууссан. Та бүхэн ойлгож байгаа байх ” хэмээн Трамп Вашингтноос Израиль руу нисч явахдаа Air Force One онгоцонд сэтгүүлчдэд хэлжээ.

Түүнээс бүс нутгийн ирээдүйн талаар асуухад тэр “Бүх зүйл хэвийн болно гэж бодож байна” гэж хариулжээ.

Гал зогсох үйл явц ба хүлээлт

Израиль, Хамасын хооронд байгуулсан гал зогсоох гэрээ ням гарагт гурав дахь өдрөө хүчинтэй хэвээр байв. Барьцаалагдсан Израильчууд болон Палестины хоригдлуудыг даваа гарагт суллахаар төлөвлөсөн бөгөөд Трамп Израилийн парламент болох Кнессетэд үг хэлэхээр бэлтгэж байна.

Мянга мянган палестинчууд сүүлийн хоёр сарын турш Израилийн дайралтад өртсөн Газын зурвасын хойд хэсэг — Газа хот руу буцаж эхэлжээ. Тэд гал зогсож, дайн дуусах эхлэл тавигдсан гэж найдаж байна.

Израилийн Ерөнхий сайд Биньямин Нетаньяху телевизийн мэдэгдэлдээ:

“Маргааш шинэ замын эхлэл — бүтээх, эдгээх, зүрх сэтгэлээ нэгтгэх зам байх болно” гэжээ.

Газар нутгийн иргэдийн дунд ч ийм өөдрөг уур амьсгал түгэж байна.

“Хүмүүсийн дунд баяр хөөр их байна,” гэж Газа хотын оршин суугч Абду Абу Сеада хэлээд, “Гэхдээ хоёр жил үргэлжилсэн дайнаас болж бид бүгд ядарсан” гэж нэмжээ.

Израилийн Засгийн газрын хэвлэлийн төлөөлөгч Шош Бедросиан мэдэгдэхдээ:

Амьд байгаа 20 барьцаалагдагчийг даваа гарагийн өглөө хамтад нь суллана гэжээ.
Хэрэв суллах үйл явц хуваарьт цагаасаа өмнө болбол Израиль тэднийг хүлээн авахад бэлэн гэжээ.
Дараа нь нас барсан 28 барьцаалагдагчийн цогцсыг шилжүүлэн өгнө гэж мэдэгдэв.

ТРАМП КНЕССЕТЭД ҮГ ХЭЛНЭ

Гал зогсоох гэрээний дагуу, Хамас бүлэглэл даваа гарагийн үд дунд (09:00 GMT Улаанбаатарын цагаар 17:00 цаг) гэхэд үлдсэн бүх барьцаалагдагчдыг суллах ёстой. Эдгээр хүмүүсийг 2023 оны 10-р сарын 7-нд Хамасын дайчид Израильд гэнэтийн довтолгоо хийх үеэр барьцаалсан билээ — энэ үйл явдал л Газын дайныг эхлүүлсэн юм.

Израилийн барьцаалагдсан иргэдийн асуудал хариуцсан зохицуулагч Гал Хиршийн хэлснээр, олдоогүй цогцсуудыг илрүүлэх тусгай баг байгуулагдах аж.

Трамп даваа гарагт Израильд ирж Кнессетэд үг хэлсний дараа Египетийн Шарм-эль-Шейх хотод болох “Газын дайн дуусгах” сэдэвтэй дэлхийн удирдагчдын дээд хэмжээний уулзалтад оролцоно.

Палестины автономит засаг захиргааны Ерөнхийлөгч Махмуд Аббас ч уг уулзалтад оролцоно гэж Axios мэдээлжээ.

Трампын тусгай төлөөлөгч Стив Уиткофф болон Жаред Кушнер нар бямба гарагт Тель-Авивт болсон цуглаанд оролцож, барьцаалагдсан хүмүүсийг суллуулахыг шаардан үг хэлжээ. Олон израильчууд үүнийг “дайныг дуусгах сүүлийн цуглаан” байх гэж найдсан байна.

АНУ, Египет, Катар, Турк зэрэг орнууд хамтран Израиль, Хамасын хоорондын анхан шатны гэрээг зуучилсан ба энэ нь гал зогсоох болон барьцаалагдсан иргэд, хоригдлуудыг харилцан солилцох агуулгатай юм.

“Бид энэ мөчийг хоёр жил хүлээлээ. Энэ мөчид гэр бүлүүд, барьцаалагдсан хүмүүсийн төлөө бүгд баярлаж байна. Эцэст нь бид тэднийг харна,” гэж Тель-Авивын жагсагч Далия Йосеф хэлээд Трампад талархлаа илэрхийлжээ.

ГАЗЫН ХОЙДОД ЭРГЭН ИРСЭН ИРГЭД СҮЙРЛЭЭС ХОТОО ЭРГЭН БОСГОХ БОЛНО

Израилийн Шоронгийн албанаас зарим Палестины хоригдлуудыг суллахаас өмнө бусад байгууламж руу шилжүүлсэн гэж мэдээлэв.

Израилийн Хууль зүйн яам 250 палестин хоригдлын нэрсийг нийтэлжээ. Тэдгээрийн дотор аллага болон бусад хүнд гэмт хэрэгт ял шийтгэгдсэн хүмүүс орсон байна. Харин Хамасын удирдагчид, Марван Баргути, Ахмед Саадат зэрэг нэр бүхий бусад фракцын голлох зүтгэлтнүүд энэ жагсаалтад ороогүй байна.

Хамасын талаас энэ нь тохиролцоог зогсоох шалтгаан болохгүй гэж мэдэгдсэн ч, суллагдах хоригдлын нэрсийн талаар Израилийн зуучлагчидтай хэлэлцэж байгаа гэлээ.

Израиль мөн 2023 оны 10-р сарын 7-ноос хойш Газад баривчлагдсан 1,700 палестин иргэнийг, түүнчлэн 22 хүүхдийг, мөн амь үрэгдсэн 360 дайчдын цогцсыг буцаах аж.

Израилийн Батлан хамгаалахын сайд Израиль Кац мэдэгдэхдээ:

“Барьцаалагдсан хүмүүсийг буцааж авсны дараа Израилийн арми Хамасын барьсан газрын доорх хонгилоудыг устгана” гэжээ.

Газын хойд хэсэгт буцаж ирсэн палестинчууд асар их сүйрэл харжээ. Аврагчид тус бүс нутагт дэлбэрээгүй сум, бөмбөг байж магадгүйг анхааруулсан байна.

Газын тусламжийн байгууллагуудтай хамтран ажилладаг Амжад Аль Шавагийн хэлснээр, түр орон байрны 300,000 майхан шаардлагатай байгаа бөгөөд 1.5 сая орчим хүн орон гэргүй болоод байна.

“Бид харсан сүйрэлдээ итгэж чадахгүй байна,” гэж 37 настай Рами Мухаммад-Али хүүгийн хамт Дейр Аль Балах хотоос Газа хот руу 15 км алхсаны дараа утсаар ярьжээ.
“Газа хот руу буцаж ирсэндээ баяртай байгаа ч, сүйрлийг хараад сэтгэл маш эмзэг байна. Зам дагуу хүний цогцос, яс тараасан байхыг харлаа” гэж тэр хэлжээ.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07