Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Баасан гарагт АНУ-ын Төлөөлөгчдийн танхимын Байнгын хяналтын хорооны Ардчилсан намын гишүүд Жеффри Эпштейний эдлэнгээс гарсан зургуудыг олон нийтэд дэлгэлээ. Гэхдээ Байнгын Хяналтын хорооноос зарим хэсгийг нь далдалсан (редакц хийсэн) байдлаар харуулсан аж.
Ардчилсан намын гишүүд Эпштейний эдлэнгээс гарсан зургуудыг нийтэлсэн бөгөөд тэдгээрт АНУ-ын Ерөнхийлөгч Дональд Трамп, Ерөнхийлөгч асан Билл Клинтон, Стив Бэннон, тэрбумтан Билл Гейтс, Ричард Брэнсон болон бусад нөлөө бүхий хүмүүсийн зураг багтсан байна.
Эдгээр хүмүүсийн олонх нь өмнө нь Эпштейнтэй холбогдож байсан ч шинэ зурагнууд эдгээр харилцааны цар хүрээний талаар шинэ ойлголт өгөхөөр байгаа аж.
Хамтад нь аваад үзвэл нийт 19 зураг байгаа бөгөөд хорооны мэдээлснээр эдгээр зураг Эпштейний эдлэнгээс гарчээ. Энэ нь асар нөлөө бүхий улс төр, бизнесийн хүрээний хүмүүстэй Жеффри Эпштейн өнгөрсөн хугацаанд холбоотой байсныг дахин бататгаж байна.
📷 Трамптай холбоотой зарим зураг дараах байдалтай:
Трампын нүүрийг элэглэн дүрсэлсэн зурагтай “Novelty condom” буюу хошин утгатай тусгай бэлгэвчтэй таваг.
Тавган дээр: “Trump condom – $4.50” гэсэн бичиг.
Бэлгэвч бүр дээр Трампын зураг болон “I’m HUUUUGE!” гэсэн үгтэй.
Трамп зургаан эмэгтэйтэй хамт авахуулсан зураг. Эмэгтэйчүүдийн нүүрийг Байнгын Хяналтын Хороо редакцласан.
Бусад зургууд:
АНУ-ын Ерөнхийлөгчийн зөвлөх асан Стив Бэннон болон Эпштейн хамтдаа толинд тусгалаараа зураг авахуулсан.
Ерөнхийлөгч асан Билл Клинтон Эпштейн, Жислэйн Максвелл болон өөр нэг хосын хамт
Технологийн тэрбумтан Билл Гейтс хуучин Йоркын ханхүү гэгдэж байсан Эндрютэй (Саяхан цол хэргэмээ хураалгасан. Энэ хүн Оюутолгойн гэрээг лоббидоход ихээхэн үүрэг гүйцэтгэсэн гэдэг нь УИХ-ын түр сонсгол дээр ил болсон) хамт
Харвардын ерөнхийлөгч, Сангийн сайд асан Ларри Саммерс
Хуульч Алан Дершовиц нар байгаа юм.
Хорооноос бүтнээр нь гаргасан зургуудын нэг хэсэг: Эпштейн ба Бэннон. Ширээн дээр нэгэн бүсгүйн хэвтсэн зураг бүхий жааз харагдах бөгөөд Ардчилсан гишүүд уг зургийн тодорхой хэсгийг редакцалсан.
🔍 Эдгээр зургуудын аль нь ч гэмт хэрэг, бэлгийн хүчирхийллийн шинжтэй зүйл агуулдаггүй бөгөөд насанд хүрээгүй охидыг дүрсэлсэн гэж үзэх үндэсгүй. Зургууд яг хэзээ, хаана, хэнээр авхуулагдсан нь тодорхойгүй байгаа юм.
Бүгд Найрамдах намын удирддаг хороо эдгээр зургуудыг Эпштейний эдлэнгээс гарган авч, үргэлжилж буй мөрдөн шалгалтын материал болгон ашиглахаар болжээ. Хороо одоогоор Эпштейний эдлэнгээс авсан арван гаруй мянган баримт бичиг, имэйл, мэдээллүүдийг нийтэлсэн.
Байнгын Хяналтын Хороо хүссэн тохиолдолд 1990 оны 1 сарын 1-нээс 2019 оны 8 сарын 10 хүртэлх хугацаанд Эпштейний эзэмшиж, түрээслэж, үйл ажиллагаа явуулж байсан бүхий л газарт авсан видео, зургийг шалгаж болох аж.
Мөн зарим баримт нь хамааралгүй байж болох ч хаана авсан нь тодорхойгүй тул редакц хийлгүй шууд багтаасан.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Хийсэн редакц нь зөвхөн нүцгэн байдал бүхий хэсгүүдийг хамаарсан.
Байнгын хяналтын хорооны Ардчилсан намын ахлагч, төлөөлөгч Гарсиа “Эдлэнгээс ирсэн хамгийн сүүлийн багц материалд 95'000 гаруй зураг багтсан бөгөөд тэдгээрт Эпштейнтэй цагийг өнгөрөөж байсан баячууд, нөлөө бүхий эрхмүүдийн зураг, мөн мянга мянган эмэгтэйчүүдийн зураг багтаж байгаа” гэж мэдэгдэв.
Тэрбээр:
“Цагаан ордны бүхнээс нууж байгаа хөшигний цаад түүхийг ил болгох цаг нь болсон. Эпштейн болон түүний хүчирхэг найз нөхдийн талаар үнэнг илчлэх хүртэл бид амрахгүй. Хууль зүйн яам бүх материалыг одоо ил болгох ёстой.”
Харин Бүгд Найрамдах намын тал:
Ардчилсан намын гишүүд санаатайгаар зөвхөн зарим зургийг сонгон гаргаж байна.
Тодорхой хэсгийг редакцлаж байна.
Трампын талаар худал дүр зураг бий болгож байна гэж мэдэгджээ.
“95'000 зураг ирсэн байхад тэд ердөө хэдэн ширхгийг л гаргасан. Ардчилсан намын гишүүдийн Трампын эсрэг явуулж буй ажиллагаа бүрэн нурсан. Баримтуудад Трамп ямар нэг буруу зүйл хийсэн гэсэн нотолгоо байхгүй” гэж тэд мэдэгдэв.
CNN Бэннон, Клинтон, Гейтс, Аллен, Брэнсон, Саммерс, Дершовиц болон Маунтбаттен-Виндзорын (Ханхүү Эндрю) төлөөлөгчдөд тодруулга авах хүсэлт илгээжээ.
Билл Клинтон Эпштейнтэй холбоотойгоор хууль сахиулах байгууллагаас ямар нэгэн гэмт хэрэгт сэжиглэгдэж байгаагүй. Түүний өмгөөлөгчид 2019 онд холбоотой хэргүүд ил болохоос өмнө холбоогоо тасалсан гэж олон удаа мэдэгдсэн.
Билл Гейтсийн өмгөөлөгч мөн адил Эпштейн түүнд хэзээ ч ажиллаж байгаагүй гэж давтан мэдэгдэж ирсэн.
Гейтс 2021 онд CNN–д:
“Түүнтэй уулзсан нь асар том алдаа байсан. Түүнд итгэл үзүүлж, нэр хүндээ холбосон нь буруу байсан.” гэж ярьсан.
📁 Холбоотой мэдээ
“Жеффри Эпштейний эрх мэдлийн сүлжээ: Ил болсон шинэ имэйлүүд” (CNN)
Трамп Эпштейнийн холбоо өмнө нь ч ил байсан. Тэд Манхэттен ба Палм Бичийн нэгэн тойрогт нийгмийн хүрээллийн танилууд байжээ. Гэхдээ Трамп ямар нэг гэмт хэрэгт холбоотой гэж буруутгагдаагүй.
Саяхан гаргасан имэйлүүдэд Эпштейн Трампын талаар:
Тэр Виржиниа Жуффретэй “олон цагийг хамт өнгөрөөдөг” гэжээ
“Трамп охидын талаар бүгдийг мэддэг байсан” гэж
бичсэн байдаг.
Трамп болон Цагаан ордон үүнийг “худал” хэмээн мэдэгдэж, “Эдгээр имэйл ямар ч буруу зүйлийг нотлоогүй” гэж тайлбарлаж байгаа.
Эпштейний олон мянган имэйлээс CNN-ийн хийсэн дүгнэлт:
Эпштейн жилээс жилд Трампын талаар байнга дурдаж,
Заримдаа түүний зан байдалд шинжилгээ хийж
Заримдаа цуурхал ярьж
Заримдаа зүгээр л өөрийгөө Трампыг сайн мэддэг хүн мэтээр харуулах гэж оролддог байжээ.
Эпштейнтэй холбоотой гэх шалтгаанаар асуудалд орсон боловч гэмт хэрэгт буруутгагдаагүй бусад хүмүүс ч бий.
Жишээлбэл:
Сангийн сайд асан Ларри Саммерс Харвард дахь ажилдаа завсарлага аваад, Open AI-ийн ТУЗ-өөс огцорсон. Тэр “Үнэхээр ичиж байна” гэж мэдэгдсэн.
Оюутолгойн гэрээг лоббидсон Эндрю Маунтбаттен-Виндзор хааны бүх цол хэргэмээ хураалгасан. Мөн тэрээр бүх буруутгалыг үгүйсгэдэг.
