"Gen Z" үеийнхний тэмцэл Мадагаскарын Ерөнхийлөгчийг эх орноосоо цугтахад хүргэлээ

НИЙТЭЛСЭН:

2025-10-14 11:45

Даваа гарагт Мадагаскарын Ерөнхийлөгч Андри Раджоэлина тус улсаас оргон зайлсан тухай сөрөг хүчний удирдагч, цэргийн эх сурвалж болон гадаадын дипломат төлөөлөгч нар мэдээллээ. Энэ нь дэлхий даяар өрнөж буй “Z үеийн” залуусын хөдөлгөөн хоёр дахь удаагаа засгийн газрыг түлхэн унагаж буй тохиолдол болж байна.

Парламентын сөрөг хүчний тэргүүн Ситени Рандрианасолониайко “Ерөнхийлөгч Раджоэлина Ням гарагт орон нутгийн цэргийн ангиуд босогчдын талд орсны дараа эх орноос цугатсан” гэж Reuters агентлагт мэдэгджээ.

“Би эх орноо сүйтгүүлэхийг зөвшөөрөхгүй”

Даваа гарагийн орой тэрээр Facebook-ээр дамжуулан ард түмэнд хандан “Өөрийн амийг хамгаалахын тулд аюулгүй газар очсон” хэмээн мэдэгдсэн бөгөөд байршлаа тодорхой хэлээгүй ч “Мадагаскарыг устгуулахыг зөвшөөрөхгүй” хэмээн байр сууриа илэрхийлжээ.

Гэвч дипломат эх сурвалжийн мэдээлснээр Раджоэлина огцрохыг татгалзсан байна.

Францын цэргийн онгоцоор зугтсан уу?

Цэргийн нэг эх сурвалжийн мэдээлснээр Раджоэлина Ням гарагт Францын цэргийн онгоцоор Мадагаскараас нисэн цугатсан байна. Францын радио RFI-ийн мэдээлснээр тэрбээр Францын Ерөнхийлөгч Эммануэль Макронтой хэлэлцээр хийжээ.

Макрон Газа дахь гал зогсоох хэлэлцээрийн талаар Египетэд болсон дээд хэмжээний уулзалтын дараа “Франц Раджоэлинад тусалсан эсэхийг одоохондоо батлах боломжгүй” гэж мэдэгдсэн байна. Тэрээр “Мадагаскарт Үндсэн хуулийн дэг журмыг хадгалах ёстой” хэмээн онцлоод, “Залуусын гомдлыг Франц ойлгож байгаа ч түүнийг цэргийн бүлэглэлүүд улс төрийн зорилгоор ашиглаж болохгүй” гэж анхааруулсан байна.

Цэргийн эх сурвалж хэлэхдээ:

“Ням гарагт Францын армийн Casa онгоц Сент-Мари нисэх буудалд газардсан. Таван минутын дараа нэг нисдэг тэрэг ирж зорчигчоо Casa онгоцонд шилжүүлсэн. Тэр зорчигч нь Раджоэлина байсан” гэжээ.

Эсэргүүцэл, бослого өрнөсөн шалтгаан

Есдүгээр сарын 25-наас эхлэн тус улсад ус, цахилгааны хомсдолын эсрэг жагсаал эхэлж, удалгүй авлига, муу засаглал, нийтийн үйлчилгээний дутагдал зэрэг өргөн хүрээний асуудлыг эсэргүүцсэн бослого болон хувирсан байна.

Армийн дэмжлэгийг алдсан нь

2009 онд төрийн эргэлтээр эрх мэдэлд гарч байсан Раджоэлинагийн гол тулгуур хүч байсан CAPSAT хэмээх тусгай анги өнгөрсөн амралтын өдрүүдэд жагсагчдын талд оржээ. Тэд “Ард иргэд рүү гал нээхээс татгалзаж”, харин мянга мянган жагсагчийг нийслэлийн төв талбай хүртэл дагалдан хамгаалсан байна.

Дараа нь CAPSAT “цэргийн хяналтыг өөрсөддөө шилжүүлж”, шинэ армийн командлагч томилсноо мэдэгдсэн. Үүний дараа Раджоэлина Ням гарагт “төрийн эрхийг булаах оролдлого гарч байна” гэж анхааруулжээ.

Даваа гарагт жагсагчдыг дэмжсэн хагас цэрэгжсэн жандармерийн нэг хэсэг мөн хүчнийхээ удирдлагыг сольж, шинэ дарга томилсон бөгөөд уг ёслолд засгийн газрын өндөр албан тушаалтнууд оролцсон талаар Reuters-ийн сурвалжлагч мэдээлсэн байна.

Төрийн байгууллагуудад өөрчлөлт оржээ

Мөн олон нийтийн эсэргүүцлийн бай болж байсан Сенатын даргыг огцруулж, түр хугацаанд Жан Андрэ Ндреманжари-г орлон томилсон байна.

Хууль ёсоор Ерөнхийлөгчийн албан тушаал сулрах тохиолдолд Сенатын дарга түр Ерөнхийлөгчийн үүрэг гүйцэтгэх ёстой.

“Ерөнхийлөгч заавал огцрох ёстой”

Даваа гарагт нийслэлийн төв талбайд мянга мянган хүн цугларч “Ерөнхийлөгч одоо л огцрох ёстой!” гэж хашхирч байв.

22 настай зочид буудлын ажилтан Адрианаривони Фаномегантсоа “Миний 300,000 ариари (ойролцоогоор 67 ам.доллар) цалин хоолны мөнгөнд ч хүрэхгүй байна. 16 жилийн турш энэ ерөнхийлөгчид зөвхөн өөрсдийгөө баяжуулж, ард түмнийг ядуу байлгасан. Хамгийн их хохирч байгаа нь бидний үе — Z үеийнхэн” гэж ярьжээ.

Хохирол, ядуурал, өршөөл

НҮБ-ын мэдээлснээр есдүгээр сарын 25-наас хойш болсон мөргөлдөөнд дор хаяж 22 хүн амиа алдсан байна.

Мадагаскарын хүн ам тал хувь нь 20-оос доош насных бөгөөд нийт 30 орчим сая хүн амтай. Тэдний гурван хүн тутмын хоёр нь ядуурлын шугамаас доогуур амьдардаг. Дэлхийн банкны мэдээллээр 1960 оны тусгаар тогтнолоос хойш нэг хүнд ногдох ДНБ 45 хувиар буурчээ.

Ерөнхийлөгч Раджоэлина эх орноосоо цугтахын өмнөх өдөр буюу Ням гарагт хэд хэдэн хүнд өршөөл үзүүлсэн байна. Үүнд 2021 онд төрийн эргэлт хийхийг завдсан хэргээр ял авсан хоёр франц иргэн — Пол Майо Рафанохарана болон Франсуа Марк Филипп нар багтжээ.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07