Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
2025 оны арванхоёрдугаар сард Хятадын Ардын Чөлөөлөх Армийн (ХАЧА) нөлөө бүхий генерал Жан Юүсягийн өөрийн биеэр хэлж бичүүлсэн нууц захидал олон нийтэд ил боллоо. Тус захидлыг Ши Жиньпин түүнийг огцруулах тохиолдолд нийтэд заавал дэлгэхийг Жан урьдчилан тушаасан нь өнөөгийн Бээжингийн дотоод улс төр ямар түвшинд хүрснийг тод харуулж байна.
Захидал ил болсноор Хятадын цахим орчинд жинхэнэ “дэлбэрэлт” болж, олон блогчид, шинжээчид Ши Жиньпиний эрх мэдлийн бүтэц, армийн дотоод зөрчил, Тайванийн бодлогын бодит эрсдэлийг дахин шинээр дүгнэж эхлэв.
Ши Жиньпингийн ард генерал Жан Юүся
Хамгийн чухал нь, энэхүү захидал генерал Жан Юүся болон Лю Жэньли нарыг огцруулсан асуудлаар сүүлийн үед дэвшүүлэгдэж байсан олон таамгийг бүрэн баталж, Ши Жиньпиний сурталчилгааны хөшгийг сөхөж хаялаа.
Ши Жиньпин ба Жан Юүся- Найз нөхөд биш
Захидлаас харахад Жан Юүся хэзээ ч Ши Жиньпиний үнэнч холбоотон байгаагүй. Тэдний эцгүүд Хятадын Коммунист Намын хуучин үеийн ойрын нөхөд байсан, өөрсдөө бага наснаасаа танил байсан нь улс төрийн бодит зөрчлийг халхалж чадаагүй. Харин ч эсрэгээрээ, Жан Ши Жиньпиний бодлогын хамгийн аюултай сул талыг дотроос нь хамгийн сайн харж байсан хүн аж.
Тайванийн дайн- Хятадын цэргийн дээд удирдлагын бодит дүгнэлт
Захидлын хамгийн цочирдом хэсэг бол Тайванийн асуудал юм. Жан Юүся Тайванийг цэргийн хүчээр нэгтгэх оролдлого нь Хятадын хувьд сүйрлийн дайн болно гэдгийг ил тод бичсэн байна. Түүний тооцооллоор, төлөвлөгөөний дагуу тэнгисийн десантын дайралтын үеэр Тайванийн хоолойг гаталж ч амжилгүй олон зуун мянган залуу хятад цэрэг амь үрэгдэх эрсдэлтэй аж.
Үүнээс гадна Америк болон түүний холбоотнуудын агаарын болон пуужингийн цохилтоор Хятадын хот суурин, үйлдвэрлэлийн ба дэд бүтцийн гол зангилаанууд сүйрч, улс орон стратегийн ялагдал хүлээнэ гэж дүгнэжээ.
Энэ бол Хятадын армийн хамгийн дээд түвшний командлагчийн дүгнэлт бөгөөд “Хятад Америкийг бут ниргэнэ” гэх хоосон уриа, хэт үндсэрхэг суртал ухуулгын хамгийн хүчтэй няцаалт юм. Жантай хамт огцорсон генерал Лю Жэньли ч мөн адил Тайваньтай хийх дайныг эсэргүүцэж байжээ.
“Хааныг магтагчид” ба бодит байдлаас тасарсан удирдагч
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Жан Юүся Ши Жиньпинийг бодит байдлаас тасарсан, зөвхөн бялдуучидын (орчин үеийн тайганууд) үгэнд орсон удирдагч хэмээн тодорхойлсон байна. Тэд Шид “Тайванийг эзэлбэл Мао Зэдунгаас ч агуу удирдагч болно” гэж тасралтгүй шивнэдэг тухай захидалд дурдагдсан нь Ши Жиньпиний түүхэнд үлдэх гэсэн хувийн амбицыг илчилж байна.
Үүний зэрэгцээ, Ши Хятадыг Оросын адил байнгын дайны байдалд оруулах бодолтой байсан нь Жан, Лю нарын эсэргүүцэлтэй тулгарчээ.
Армийн доройтол ба дотоод деморализаци
Захидалд Ши Жиньпин армийн дээд удирдлагад мэргэжлийн чадвараас илүү үнэнч байдлыг чухалчилж, зөвшилцөлгүйгээр бялдуучдыг дэвшүүлсэн нь зэвсэгт хүчний дунд гүнзгий сэтгэл санааны уналт, үл итгэлцэл үүсгэсэн гэж хатуу шүүмжилсэн байна.
Мөн Өмнөд Хятадын тэнгис, Хятад–Энэтхэгийн хилийн дагуух огт шаардлагагүй цэргийн хурцадмал байдал нь стратегийн алдаа байсныг Жан тодорхой бичжээ.
Орос–Хятадын “хязгааргүй түншлэл” ба алдаатай тооцоо
Захидлын бас нэг онцгой хэсэг нь Хятад–Оросын “хязгааргүй түншлэл”-ийн бодит үндсийг илчилсэн явдал юм. Хятад Украинд довтолсон Оросыг дэмжсэнийхээ хариуд Тайванийн асуудалд Оросоос дэмжлэг авна гэж тооцоолжээ. Гэвч Жан Юүся Оросын цэргийн хүчийг хэтрүүлэн үнэлсэн, “3 хоногийн дайн” бодит байдал дээр бүтэлгүйтсэн гэдгийг ил тод хүлээн зөвшөөрсөн байна.
Гурав дахь бүрэн эрх ба дөрөв дэхийн айдас
Жан Юүсягийн хамгийн ноцтой илчлэл бол Ши Жиньпиний гурав дахь бүрэн эрх цэргийн дэмжлэггүйгээр боломжгүй байсан явдал юм. 2022 онд Үндсэн хуулийг өөрчлөхөд армийн дэмжлэгийг Жан өөрөө өгсөн гэдгээ тэр нуусангүй.
Гэвч эдийн засгийн бодлогын бүтэлгүйтэл, дотоод хямралаас үүдэн ХКН-ын удирдлага 2024 оны Бэйдайхэгийн уулзалтаар Шиг 2027 оны 21 дүгээр их хуралд дөрөв дэх удаагаа нэр дэвшихгүй байх амлалт өгөхөд хүргэсэн гэжээ. Ши энэ амлалтаасаа буцах магадлалтайг Жан мэдэж байсан тул, түүнийг зайлшгүй зайлуулах шаардлага Шид үүссэн байна.
Жан Юүся болон Лю Жэньли нарыг авлига, эсвэл Хятадын цөмийн нууцыг Америкт задруулсан гэх шалтгаанаар огцруулсан гэх тайлбар бол бодит байдлыг зориуд гуйвуулсан суртал ухуулга юм. Үнэн хэрэгтээ тэд Ши Жиньпиний дайны адал явдал, эрх мэдлээ үхэл хүртлээ хадгалах төлөвлөгөөнд саад болж байсан цөөн хүний төлөөлөл байв.
Ши Жиньпиний өнөөгийн алхмууд Мао Зэдуны “Их үсрэлт”, “Соёлын хувьсгал”-ын үеийн алдааг санагдуулж байна.
