Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Их Британийн нэрт зураач Дэвид Хокни 88 насандаа таалал төгслөө. Түүнийг XX болон XXI зууны хамгийн чухал, хамгийн их нөлөө үзүүлсэн уран бүтээлч, урлагын томоохон төлөөллийн нэг хэмээн дурсах болно.
Хокнигийн уран бүтээлийн замнал дал гаруй жилийг хамарсан бөгөөд 1961 онд жил бүр зохион байгуулагддаг "Young Contemporaries" үзэсгэлэнд оролцсоноор уран бүтээлийн гараагаа эхэлжээ. Тэрээр Их Британид шинэ поп-арт урсгалыг түгээн дэлгэрүүлэхэд чухал үүрэг гүйцэтгэсэн юм. Хүний дүрслэлд төвлөрсөн түүний зоримог уран зургууд тухайн үед ноёрхож байсан "Абстракт Имперсионизм" урсгалаас эрс өөр чиглэлийг санал болгосон байна.
1964 онд Хокни АНУ-ын Лос-Анжелос хотод нүүж очоод Өмнөд Калифорнийн амьдралыг дүрсэлсэн бүтээлүүдээ зурж эхэлжээ. Толгод, усан сан, модернист архитектур зэрэг сэдвүүд нь 1960-аад оны хамгийн алдартай дүрслэлүүдийг төрүүлэн, бүтээгдсэн юм. Ялангуяа түүний гурван хэсэгт "Splash" цуврал бүтээлүүд Калифорнийн мөрөөдөмтгий амьдралын бэлгэдэл болж, өнөөдөр ч соёлын төсөөлөлд гүн шингэсэн хэвээр байна.
Үргэлж шинэчлэл эрэлхийлдэг байсан Хокни 2011 онд iPad дээр зурсан алдарт бүтээлүүдийнхээ цувралыг эхлүүлжээ. Эдгээр нь хүний харахуй, орон зай, технологи хоорондын харилцааг судалсан бүтээлүүд байв. Түүний алдартай, амжилт тогтоосон “The Arrival of Spring in Woldgate, East Yorkshire in 2011 - 19 February, 2011” бүтээл нь 2025 онд Sotheby's-ийн Лондон дахь дуудлага худалдаагаар 1 сая ам.доллараар зарагдсан байна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Хокнигийн гайхамшигт натюрморт болох “Two Chairs and a Wooden Spoon, July 1988” бүтээл нь 6-р сарын 18–23-ны хооронд Лондон дахь Нью Бонд Стрит галерейд олон нийтэд анх удаа дэлгэгдэх юм.
Энэхүү үнэ төлбөргүй үзэсгэлэн бүх хүнд нээлттэй байх бөгөөд өнгө төрх, зан чанар, уран бүтээл гээд бүх талаараа өвөрмөц байсан Английн энэ эрхэм зураачийн дурсгалд зориулсан гунигтай ч гэсэн утга төгөлдөр хүндэтгэл болох ажээ.
“Хэрэв та дэлхийг үзэсгэлэнтэй, сэтгэл хөдөлгөм, нууцлаг гэж харж чадвал амьдралын эрч хүчийг үнэхээр мэдэрдэг.”
Дэвид Хокни
Бид орчин үеийн урлагийн хамгийн хайртай, хамгийн нөлөө бүхий уран бүтээлчдийн нэг болох Дэвид Хокниг дурсан хүндэтгэж байна. Түүний хурц өнгө, онцгой дүрслэлүүд амьдралын баяр баясгалан, амьдрах хүсэл тэмүүллийг гайхамшигтайгаар илэрхийлж чаддаг байв.
70 жилийн турш үргэлжилсэн гайхалтай уран бүтээлийн замналынхаа туршид тэрээр дэлхийг харах, төсөөлөх, дүрслэх шинэ арга замуудыг тасралтгүй эрэлхийлсээр ирсэн. Мөн газар зүйн төдийгүй урлагийн шинэ шинэ хил хязгаарыг нээж, судалж байлаа.
Түүний тод өнгө, баяр хөөрөөр дүүрэн бүтээлүүдийн цаана энгийн атлаа хүчирхэг нэгэн санаа оршдог байсан:
“Амьдралд баяр баясгалан байдаг. Заримдаа тэр нь маш өчүүхэн, бас таны яг дэргэд байдаг.”
Дэвид Хокни
Уран зураг, график хэвлэл, гэрэл зураг, iPad дээрх дижитал зураг зэрэг ямар ч төрлийн бүтээлд гар хүрсэн бай, Хокни өөрийн ул мөрийг үлдээж чадсан бөгөөд бидний амьдралд илүү их өнгө нэмсэн юм.
“Утсаа доош тавь. Хоёр нүдээрээ хар.”
Дэвид Хокни
