Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Японы эрх баригч Либерал Ардчилсан Намын (ЛАН) шинэ тэргүүн, хатуу үзэлтэй консерватив улс төрч Санайэ Такаичи мягмар гарагт Японы анхны эмэгтэй Ерөнхий сайд болох нь бараг тодорхой болоод байна. Учир нь барууны үзэлтэй сөрөг хүчин болох “Японы Инновацийн нам” (Ишин) түүнийг Ерөнхий сайдад нэр дэвшвэл дэмжихэд бэлэн байгаагаа илэрхийлсэн.
“Бид хамтдаа урагшлах ёстой гэж Такаичид хэлсэн” гэж Ишины удирдагч, Осака мужийн амбан захирагч Хирофүми Ёшимура даваа гарагт Японд сэтгүүлчдэд ярьжээ. Тэрбээр орон нутгийн цагаар 18:00-д Такаичитэй уулзаж, эвслийн гэрээг дуусгахаар төлөвлөсөн байна.
Ёшимура болон Ишины нөгөө удирдагч Фумитакэ Фүжита нар энэ өдрийн 14:0-д намын гишүүдтэйгээ эвслийн талаар хэлэлцсэн байна.
Хөрөнгө оруулагчдын дунд төрийн зардал нэмэгдэх хүлээлт үүссэн нь иенийг сулруулж, Японы хөрөнгийн зах зээлийг дээд түвшинд хүргэлээ — “Никкэй” индекс өдрийн хоёр дахь хагаст бараг 3 хувиар өсөж, түүхэн дээд түвшинд хүрсэн.
Эвслийн гэрээ нь парламентын доод танхимд нийт 231 суудал бүрдүүлэх бөгөөд энэ нь дийлэнх олонх болох 233 суудлаас хоёр суудлаар дутуу ч, мягмар гарагт болох Ерөнхий сайдыг сонгох санал хураалтад Такаичид ялалт авчрах хангалттай гэж ажиглагчид үзэж байна. Японы хуульд зааснаар тэр зөвхөн санал өгсөн гишүүдийн олонхийн саналыг авбал хангалттай юм.
Гэсэн хэдий ч засаг байгуулахын тулд тэрбээр ойрын хугацаанд хэлэлцэх төсвийн нэмэлт асуудал дээр бусад сөрөг хүчний намуудын дэмжлэгийг татах шаардлагатай хэвээр байна.
Энэхүү тохиролцоо нь ЛАН ба Комэйто намын 26 жилийн хамтарсан засгийн түүхийг зогсоосон үйл явдлын дараа хийгдсэн. Комэйто нь Такаичиг намын шинэ даргаар сонгогдсоны дараа ЛАН-тай эвслийн гэрээгээ гэнэт цуцалсан юм.
Комэйтогийн шийдвэр нь сөрөг хүчнүүдийн дунд шинэ хэлэлцээг эхлүүлж, хоёр дахь том нам болох Ишин ЛАН-ыг эрх мэдлээс унагах нөхцөл бүрдэж байсан ч, Ишины ЛАН-г дэмжих шийдвэр нь энэ эрсдлийг арилгажээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Такаичи эдийн засгийн бодлогын хувьд зөөлөн (fiscal dove) чиг баримжаатай бөгөөд инфляцийн өсөлтөөс иргэдийг хамгаалахын тулд төрийн зардлыг нэмэгдүүлэх, татварыг бууруулах санал дэвшүүлдэг. Мөн тэрээр Японы Төв банкны бодлогын хүү нэмэх шийдвэрийг шүүмжилжээ.
“Такаичигийн эдийн засгийн бодлого — төсвийн тэлэлт, мөнгөний зөөлөн бодлого — нь иений сулрал, хувьцааны өсөлтөд нөлөөлж байна” гэж “Номура Секьюритис”-ийн стратегич Фүмика Шимизү хэлэв.
Гэхдээ зарим шинжээчид Ишин нь төрийн зардал багасгах, жижиг төрийг дэмждэг нам тул Такаичигийн зарим томоохон зарцуулалтын бодлогыг хязгаарлаж магадгүй гэж үзэж байна.
Такаичи Японы дайны дараах энх тайвныг тунхагласан Үндсэн хуулийг шинэчилж, зэвсэгт хүчний үүргийг албан ёсоор хүлээн зөвшөөрүүлэхийг хүсдэг. Тэр Токио дахь Ясукунигийн сүмд байнга зочилдог бөгөөд Ясукуни сүмийг зарим хөрш орнууд нь Японы өнгөрсөн түрэмгий бодлогын бэлгэдэл гэж үзэгддэг.
Мөн тэр БНХАУ-аас үүсч болзошгүй аюулыг сөрөн зогсохын тулд батлан хамгаалахын зардлыг нэмэгдүүлэхийг дэмждэг аж.
Нийгмийн бодлогын хувьд тэр оршин суух дүрмийг чангатгах, мөн гэрлэсний дараа эмэгтэйчүүд овгоо хадгалахыг зөвшөөрөх саналыг эсэргүүцэж, ийм өөрчлөлт нь “уламжлалт үнэт зүйлсийг сулруулна” гэж мэдэгддэг. Гэхдээ түүний нөхөр нь түүнтэй хоёр дахь удаагаа гэрлэхдээ түүний овгийг авсан юм.
Одоогоор Ишин нам Такаичигийн шинэ Засгийн газарт ямар нэгэн сайдын албан тушаал авахаас татгалзсан бөгөөд эвсэл бодитоор ажиллах чадвартай эсэхийг эхлээд харъя гэж Ёшимура тайлбарлав.
“Бид одоогоор төрийн ажилд оролцож байгаагүй парламентын гишүүдийн бүлэг л байна. Иймд сайдын албан тушаал нэхэхээсээ илүү, эрх баригч эвслийн хүрээнд өөрсдийн бодлогыг хэрэгжүүлэхэд анхаарна” гэж тэр телевизийн ярилцлагад хэлжээ.
