Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Австрали улс Палестиныг бүрэн эрхт, тусгаар тогтносон улс гэж албан ёсоор хүлээн зөвшөөрч, Израиль-Газ-ын мөргөлдөөний талаарх гадаад бодлогодоо түүхэн өөрчлөлт хийлээ.
Ерөнхий сайд Энтони Албанезе НҮБ-ын индэр дээрээс энэ шийдвэрээ зарласан бөгөөд энэ нь Их Британийн Ерөнхий сайд Киир Стармер, Канадын Ерөнхий сайд Марк Карнитай зэрэгцэн гаргасан мэдэгдэлтэй мөн давхцаж байна. (Их Британийн Ерөнхий сайдын мэдэгдлийг энд дарж уншина уу)
Энэхүү шийдвэрээ ням гарагаас эхлэн хүчин төгөлдөр гэж зарласан нь Израилийн Ерөнхий сайд Беняамин Нетаньяхугийн хүчтэй эсэргүүцэлтэй тулгарлаа. Тэрээр АНУ-аас буцаж ирсний дараа Газад цэргийн хариу арга хэмжээ авах магадлалтайг барууны удирдагчдад анхааруулсан байна.
Энтони Албанезе “Ойрхи Дорнодод 80 жилийн турш үргэлжилсэн хүчирхийлэл одоо хангалттай. Бид хүчирхийллийн давтамжийг эцэслэх ёстой” хэмээн мэдэгдсэн.
Мөн тэрээр “2023 оны 10-р сарын 7-нд 'Хамас'-ын үйлдсэн аймшигт халдлагууд Палестины ирээдүйн улсад 'Хамас' ямар ч үүрэг гүйцэтгэж болохгүйг харуулж байна. Израильд еврей ард түмний эх орон байдаг шиг Палестинчууд өөрийн эх оронтой байх хууль ёсны эрхтэй” гэсэн аж.
Энэхүү төлөвлөгөө нь хоёр улсын шийдлийг дахин хөдөлгөөнд оруулах зорилготой бөгөөд Газад гал зогсоох, 'Хамас'-ын зохион байгуулсан террорист халдлагын үеэр барьцаалагдсан хүмүүсийг суллуулахыг багтааж байна.
Австрали улс наймдугаар сард Францын удирдсан олон улсын санаачилгад нэгдсэн бөгөөд энэ нь Израилийн удирдагч Нетаньяхугийн уур хилэнг төрүүлж, АНУ-ын ерөнхийлөгч Доналд Трампын зүгээс боломжит хориг арга хэмжээ авах заналхийлэлтэй тулгарсан.
Энэ долоо хоногт Албанезе Израиль ба Хамасын хоорондын мөргөлдөөний хоёр улсын шийдлийг дэмжих томоохон бага хуралд оролцоно.
Элчин сайдын яам байгуулах болон идэвхтэй дипломат харилцаа тогтоох асуудал Палестины автономит засаг захиргаа олон улсын хамтын нийгэмлэгийн шаардаж буй шинэчлэлийн амлалтуудыг биелүүлсний дараа хэрэгжих ажээ.
Эдгээрт Израилийн орших эрхийг хүлээн зөвшөөрөх, ардчилсан сонгууль явуулах, санхүү, засаглал, боловсролын салбарт томоохон шинэчлэл хийх зэрэг орж байгаа юм.
Австралийн Гадаад хэргийн сайд Пенни Вонг Нью-Йоркоос Нетаньяахуд хариу өгч, Австрали энх тайвны төлөө шахалт үзүүлж байгааг онцлов.Тэрээр “Бид энх тайвны дэлхийн хөдөлгөөний нэг хэсэг байхыг хүсч байгаа учраас бусадтай хамтран ажиллаж байна. Өөр улс орнуудын зорьж буй зүйл энэ. Хүмүүсийн ажиллаж буй зорилго энэ юм” гэжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
АНУ-ын Ерөнхийлөгч Доналд Трамп Палестиныг хүлээн зөвшөөрөхийг эсэргүүцэж, Канадын эсрэг хариу арга хэмжээ авна гэж заналхийлсэн бөгөөд уг асуудал энэ долоо хоногийн анхаарал татах сэдвийн хүрээнд Нью-Йоркийг оруулаад байна. Ерөнхий сайд Энтони Албанез анхны нүүр тулсан уулзалтаа Ерөнхийлөгч Доналд Трамптай хийхээр оролдож байгаа боловч 25 холбоотон нь Австрали Палестиныг хүлээн зөвшөөрснөөр АНУ-аас “Шийтгэлийн арга хэмжээ” авч болзошгүйг анхааруулсан байна.
25 холбоотон дотор Трампын үнэнч дэмжигч болох Техасын сенатор Тед Круз, Нью-Йоркийн төлөөлөгч Элис Стефаник нар багтаж, амралтын өдрүүдээр Албанез, Стармер, Карни болон Францын Ерөнхийлөгч Эммануэль Макрон нарт хандан дахин бодож үзэхийг уриалжээ.
Гэвч Израилийн Засгийн газар дэлхий дахинаа улам бүр тусгаарлагдах хандлагатай байгаа. Үүнд тэдний Газа хотыг онилсон сүүлийн үеийн цэргийн ажиллагаа, эзлэгдсэн Баруун эргийн суурингуудыг үргэлжлүүлэн тэлж буй явдал нь олон улсын удирдагчдын бухимдлыг төрүүлж буй.
НҮБ-ын бие даасан олон улсын шинжилгээний комисс өнгөрсөн долоо хоногт Газад геноцид болж байна гэсэн дүгнэлт гаргасан. Энэхүү тайланд Нетаньяаху болон Израилийн бусад өндөр албан тушаалтнуудыг геноцидийг өдөөн турхирсан гэж буруутгасан юм. Харин Израилийн Гадаад хэргийн яам уг дүгнэлтийг эрс няцааж, комиссыг татан буулгахыг шаардсан байна.
Израиль олон улсын геноцидийн тухай конвенцыг мөрдөж буй эсэхийг Олон улсын шүүх хэлэлцэх тов хараахан гараагүй байгаа бөгөөд ажиглагчдын үзэж байгаагаар 2027 оноос өмнө хэлэлцүүлэг болох магадлал багатай аж.
Албанез Палестины тусгаар тогтносон улс хэмээн хүлээн зөвшөөрөхийг олон жилийн турш дэмжсээр ирсэн бөгөөд Хөдөлмөрийн намын үндэсний бодлогын баримт бичигт ч Австралийн Засгийн газрын тэргүүлэх чиглэл байх ёстой гэж тусгасан байдаг.
Цагаан ордон энэ долоо хоногт Палестины төлөөлөгчдийг НҮБ-д яриа хэлэлцээ хийхээр зорчихыг хориглож, төлөөлөгчдийн багийн гишүүдэд виз олгохоос татгалзсан байна.
Австралийн сөрөг хүчний удирдагч Сюзан Лей харин Хөдөлмөрийн нам Палестиныг хүлээн зөвшөөрөх шийдвэрийг чухал нөхцөл бүрдэхээс өмнө гаргалаа гэж шүүмжилжээ.
Тэрээр “ХАМАС одоо ч Израилийн барьцаалагдсан иргэдийг, (2023 оны 10-р сарын 7-ны террорист халдлагын үеэр олзлогдсон хүмүүсийг) суллахгүй байна. ХАМАС одоо ч Газад засгийн эрхийг барьж, Израиль руу дайрсаар байгаа. ХАМАС засгийн эрхэнд байсаар байгаа цагт Палестины ард түмэн ардчилсан өөрийн засаглалыг харах боломжгүй” гэж мэдэгджээ.
