Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Мягмар гарагийн өглөө БНАСАУ-ын удирдагч Ким Жон Ун галт тэргээрээ (Бид өглөө дэлгэрэнгүй мэдээлэл хүргэсэн Энд дарж уншина уу) БНХАУ-ын хилийг даван, дэлхийн II дайнд Япон улс бууж өгснийг тэмдэглэх "Ялалтын баярт" оролцохоор хүрэлцэн ирсэн талаар тус улсын төв хэвлэл мэдээлсэн.
Энэ нь удирдагч Ким Жон Уны хувьд олон улсын томоохон хэмжээний дипломат арга хэмжээнд оролцож буй ховор тохиолдол бөгөөд тэрээр БНХАУ-ын дарга Ши Жиньпин, ОХУ-ын Ерөнхийлөгч Владимир Путин зэрэг удирдагчидтай уулзах товтой байна.
Бид удирдагч Ким Жон Уныг дагалдан яваа Хойд Солонгосын өндөр албан тушаалтнуудын талаарх мэдээллийг хүргэж байна. Тэд бүгд үнэхээр хамт аялж буй эсэх нь одоогоор тодорхойгүй байгаа юм.
Гадаад хэргийн сайд Чой Сон Хүй бол БНАСАУ-д өндөр албан тушаал хашиж буй цөөн эмэгтэйчүүдийн нэг. Тэрээр өмнө нь Гадаад хэргийн дэд сайдаар ажиллаж байсан бөгөөд 2022 онд сайдаар томилогджээ.
Чой нь Хойд Солонгосын зэвсгийн хөтөлбөртэй холбоотой дипломат ажиллагаанд 20 гаруй жилийн турш оролцож ирсэн, анхны цөмийн хөтөлбөрийн үеэс эхлэн идэвхтэй оролцсон цөөн албан тушаалтнуудын нэг юм.
Тэрээр АНУ-ын Ерөнхийлөгч Доналд Трампын анхны бүрэн эрхийн үед болсон дээд хэмжээний уулзалтуудад Ким Жон Уныг дагалдан оролцож байв.
Улсын хэвлэл мэдээллээр Кимтэй хамт аялж буй албан ёсны төлөөлөгчдийн нэг гэж нэрлэгдсэн бөгөөд тусгай галт тэргэнд Кимийн хажууд сууж буй зураг нийтлэгдсэн.
Ким Сон Нам нь БНАСАУ-ын цорын ганц эрх баригч Хөдөлмөрийн Намын Олон улсын харилцааны хэлтсийн захирал бөгөөд энэ алба нь Хятадын Коммунист намтай харилцах нам хоорондын харилцааг хариуцдаг.
Энэ байр суурь нь түүнийг Хятадтай холбоотой асуудлаар Ким Жон Уны гол зөвлөх, итгэмжлэгдсэн хүн болгодог гэж АНУ-ын Stimson төвийн Хойд Солонгосын удирдлагын шинжээч Майкл Мадден хэлсэн.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Ким Сон Нам нь Ким Жон Ун, түүний эцэг, өвөг гурвыг Хятадын удирдагчидтай уулзах үеэр орчуулагчаар ажиллаж иржээ.
Төрийн хэвлэл мэдээллээр түүнийг Ким Жон Ун, Чой Сон Хүй нарын хамт галт тэргэнд яваа нь зурагнаас ил болсон.
Хөдөлмөрийн намын Төв хорооны нарийн бичгийн дарга Ким Ток Хүн өмнө нь Ерөнхий сайдаар ажиллаж, улсын эдийн засаг болон дотоод асуудлыг удирдаж байв.
2025 оны 1 дүгээр сард тэрээр хууль тогтоох дээд байгууллага болох Дээд Ардын Хурлын төсвийн хорооны даргаар томилогдсон гэж Өмнөд Солонгосын Нэгдлийн яам мэдээлсэн.
Ким Ток Хүн нь Хойд Солонгосын улстөрд “Ажилчнаас шат дамжин өндөрлөгт хүрсэн” ховор жишээний нэг гэж шинжээчид үздэг. Тэрээр анх үйлдвэрийн даргаар ажиллаж байгаад намын дээд удирдлагад дэвшин оржээ.
Төрийн хэвлэл мэдээллээр Ким Жон Унтай хамт галт тэрэгний тавцан дээр зогсож буй түүний зураг нийтлэгдсэн.
ЖО ЁН ВОН
Жо Ён Вон 2022 онд Хөдөлмөрийн намын зохион байгуулалт, удирдлагын хэлтсийн захирал болсон. Энэ байгууллага нь Хойд Солонгосын амьдралын бүхнийг хяналтдаа байлгаж, намын байгууллагуудын хүний нөөцийн өөрчлөлт, бодлогын хэрэгжилтийг удирддаг хүчирхэг бүтэц юм. 2019 онд Жо нь Ким Жон Унтай хамт Вьетнамд болсон АНУ-ын Ерөнхийлөгч Доналд Трамптай уулзахаар явах галт тэрэгний аялалд хамт аялж байжээ.
2025 оны эхээр Жогийн нэрийг улсын төв хэвлэлүүд олон долоо хоногийн турш дурдаагүй нь түүний улс төрийн байр сууринд асуудал гарсан байж магадгүй гэсэн таамгийг төрүүлж байсан. Харин 7 дугаар сараас дахин олон нийтийн өмнө гарч эхэлжээ. Улсын төв хэвлэл дээр Жо Ёнг Воныг Ким Жон Унтай хамт галт тэрэгний тавцан дээр хамт зогсож буй зургийг нийтэлсэн.
