Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
АНУ-ын Сангийн сайд Скотт Бессент БНХАУ-ыг “Терроризмыг ивээн тэтгэгч хамгийн том улс”-ыг санхүүжүүлж байна гэж буруутгаад, Бээжин Вашингтонтой хамтран "Хормузын хоолой"-г дахин нээх хүчин чармайлтад идэвхтэй оролцох ёстой гэж мэдэгдлээ.
Даваа гарагт хийсэн Бессентийн энэхүү илэн далангүй шүүмжлэл нь АНУ-ын Ерөнхийлөгч Дональд Трамп ирэх долоо хоногт Бээжинд айлчилж, Хятадын төрийн тэргүүн Ши Жиньпин-тэй уулзахаас өмнө гарч байгаагаараа анхаарал татаж байна.
Иран бол терроризмыг ивээн тэтгэгч хамгийн том улс бөгөөд Хятад тэдний эрчим хүчний экспортын 90 хувийг худалдан авч байна. Тиймээс тэд терроризмыг ивээн тэтгэгч хамгийн том улсыг санхүүжүүлж байгаа юм.
гэж Сангийн сайд Скотт Бессент Fox News-д ярьжээ.
Ийнхүү буруутгасан ч АНУ-ын Сангийн сайд Бээжинг Хормузын хоолойг нээх кампанит ажилд Вашингтонтой нэгдэхийг уриалсан байна.
Ираны халдлагын улмаас хоолой хаагдсан. Бид үүнийг дахин нээх болно. Тиймээс бид Хятадуудыг энэхүү олон улсын ажиллагааг дэмжин нэгдэхийг уриалж байна.
гэж Скотт Бессент хэлжээ.
Ням гарагт Ерөнхийлөгч Дональд Трамп АНУ Хормузын хоолойд гацсан хөлгүүдийг хоолойгоор гаргахад “Тусална” гэж мэдэгдээд, Ираныг уг ажиллагаанд саад хийхгүй байхыг анхааруулсан. Мөн тэрээр энэ ажиллагааг “Project Freedom” буюу “Эрх чөлөө төсөл” гэж нэрлэсэн байна.
Скотт Бессент Иранчуудад “Хормузын хоолойд та нар хяналт тавьдаггүй” гэж мэдэгдсэн.
“Бид энэ хоолойд бүрэн хяналт тавьж байгаа” гэж тэр нэмж хэлсэн байна.
Гэсэн хэдий ч Сангийн сайд Хятад Иранд нөлөөлөх боломжоо ашиглан хямралыг шийдвэрлэхэд туслах ёстой гэж мэдэгдсэн.
БНХАУ, ОХУ Нэгдсэн Үндэстний Байгууллагын Аюулгүйн Зөвлөл Хормузын хоолойн асуудлаар гаргахаар төлөвлөсөн хоригийн тогтоолд хориг тавьсан юм.
Бээжин болон Москва энэ сарын эхээр Хормузын хоолойн талаархи НҮБ-ын тогтоолын төсөлд хорих тавьж, уг тогтоол нь нэг талыг хэт барьсан бөгөөд зөвхөн Тегераныг буруутгасан, харин АНУ болон Израилийн Иранд хийсэн халдлагыг тусгаагүй гэж үзсэн юм.
Хятадын элчин сайд Фу Цун:
Энэхүү тогтоолын төсөл нь зөрчлийн үндсэн шалтгаан болон нийт нөхцөл байдлыг иж бүрэн, тэнцвэртэй байдлаар тусгаж чадаагүй.
гэжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Трамп 2018 онд анхны бүрэн эрхийн хугацаандаа Ирантай байгуулсан олон улсын цөмийн хэлэлцээрээс гарснаас хойш тус улсын эрчим хүчний салбарыг боомилох зорилготой “Хамгийн дээд дарамт” бодлогыг хэрэгжүүлж ирсэн.
Энэхүү хэлэлцээр нь албан ёсоор Joint Comprehensive Plan of Action гэж нэрлэгддэг бөгөөд Иран улс олон улсын хяналтын дор цөмийн хөтөлбөрөө эрс бууруулахын оронд эдийн засгийн хориг арга хэмжээг цуцлуулах нөхцөлтэй байсан.
Хэлэлцээр нуран унасны дараа ч Хятад Ираны нефтийг худалдан авсан хэвээр байна.
Өнгөрсөн долоо хоногт АНУ Ирантай холбоотой нефтийн худалдаанд оролцсон Хятадын байгууллагуудад хориг арга хэмжээ авсны дараа Бээжин АНУ-ын ийм төрлийн эрх мэдлийг хүлээн зөвшөөрөхгүй гэж мэдэгдсэн.
Хятадын Гадаад хэргийн яамны хэвлэлийн төлөөлөгч Линь Жянь:
Хятад улс олон улсын хуульд үндэслэлгүй хууль бус нэг талын хориг арга хэмжээг эсэргүүцнэ.
гэж мэдэгджээ.
Мөн тэрээр:
Бид АНУ-ыг дур мэдэн хориг арга хэмжээ авч, өөрт хамаарахгүй асуудалд хэт давсан эрх мэдэл хэрэглэхээ зогсоохыг уриалж байна. Хятад улс өөрийн компаниудын хууль ёсны эрх ашиг, ашиг сонирхлыг тууштай хамгаална.
гэж нэмж хэлсэн байна.
Ираны асуудлаас үүдэлтэй энэхүү шинэ хурцадмал байдал нь АНУ, Хятадын харилцаа сүүлийн үед тогтворжиж байсан нөхцөлд гарч байна. Өнгөрсөн оны сүүлээр хоёр улс урьдчилсан худалдааны хэлэлцээрт хүрсэн юм.
Сүүлийн жилүүдэд АНУ Хятадыг өөрийн гол өрсөлдөгч гэж тодорхойлж, Бээжингийн эдийн засаг, геополитик, цэргийн нөлөө өсч байгаатай тэмцэх стратегийг хэрэгжүүлж ирсэн.
Хоёр улсын харилцаа өмнөх жилүүдэд дараах асуудлуудаас болж хурцадсан:
-Худалдааны маргаан
-Өмнөд Хятадын тэнгис дэх маргаан
-Хятад өөрийн нутаг дэвсгэрийн нэг хэсэг гэж үздэг боловч өөр удирдлагатай ардчилсан арал болох Тайванийн статус
Гэвч 2025 оны нэгдүгээр сард дахин Цагаан ордонд эргэн ирснээсээ хойш Дональд Трамп болон түүний Засаг захиргаа АНУ гадаад бодлогын нөөцөө Ази-Номхон далайн бүс нутагт өрсөлдөхөөс илүү бөмбөрцөгийн Баруун хагаст төвлөрүүлэхээр зорьж байна гэж мэдэгдсэн.
Даваа гарагт Скотт Бессент ирэх долоо хоногт болох дээд хэмжээний уулзалт нь Дональд Трамп болон Ши Жиньпин нарын хувьд санал бодлоо биечлэн солилцох боломж олгоно гэв.
Бидний харилцаанд маш сайн тогтвортой байдал бий болсон. Энэ нь хоёр удирдагч бие биедээ ихээхэн хүндэтгэлтэй ханддгаас үүдэлтэй.
гэж тэр хэлжээ.
