Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Дональд Трамп: Орос-Украины дайныг дуусгах хэлэлцээрт “Өмнө байгаагүйгээр ойртлоо”
Володимир Зеленский, АНУ-ын элч нар болон Европын удирдагчид Берлинд уулзав
Украин НАТО-д элсэх хүсэлтээсээ татгалзахад бэлэн, харин аюулгүй байдлын баталгаа гарга.
АНУ: Украинд НАТО-гийн 5 дугаар зүйлд заасан заалтын дагуу баталгаа гаргаж болно
Гэвч нутаг дэвсгэрийн асуудлаар томоохон зөрүүтэй байдал хэвээр байна гэж Зеленский мэдэгдэв
Даваа гарагт АНУ болон Европын зүгээс хэлэлцээрт оролцогчид Оросын Украинд явуулж буй дайныг эцэслэх яриа хэлэлцээнд ахиц гарсан талаар мэдээлэхийн зэрэгцээ, АНУ Киевт НАТО-гийн хэв шинжтэй аюулгүй байдлын баталгаа гаргах санал дэвшүүлснийг мэдэгдлээ. Гэсэн хэдий ч эзлэгдсэн нутаг дэвсгэрийн хязгаарын асуудлаар тохиролцоонд хүрч чадаагүй хэвээр байна.
АНУ-ын Ерөнхийлөгч Дональд Трампын илгээсэн элч нар Берлинд болсон уулзалтын үеэр Украины Ерөнхийлөгч Володимир Зеленскийд урьд өмнө байгаагүй саналыг тавьсан гэж АНУ-ын албан тушаалтнууд мэдэгдсэн ч, ийм хэлэлцээр хязгааргүй хугацаатай биш гэдгийг анхааруулжээ.
Германы нийслэл Берлинд өрнөсөн уулзалтууд нь Дэлхийн II дайнаас хойших Европ дахь хамгийн их цус асгаруулсан мөргөлдөөнийг эцэслэх зам нээгдэж болзошгүй гэсэн өөдрөг хүлээлтийг Европын удирдагчдад төрүүлээд байна.
Гэвч Москва Берлинд хэлэлцэж буй хэлэлэцээрийн асуудлын алинийг ч зөвшөөрөөгүй байгаа.
“Бид хэлэлцээрийг дуусгахыг хичээж байна” хэмээн Ерөнхийлөгч Дональд Трамп дайныг эцэслэх хэлэлцээрийн талаар Цагаан ордонд мэдэгдсэн. Тэрбээр Берлинд гол оролцогчдын оройн зоогт утсаар холбогдсоны дараа ийнхүү ярьжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
“Бид ОХУ-ын Ерөнхийлөгч Владимир Путинтэй олон удаа ярилцсан. Одоо бол өмнө хэзээ ч байгаагүйгээр хэлэлцээрийг дуусгах үйл явц ойртсон гэж бодож байна. Юу хийж чадахыг харцгаая” гэж Трамп нэмж хэлсэн байна.
Европын удирдагчид Украины аюулгүй байдлын баталгааны талаар Трампын засаг захиргаа байр сууриа өөрчилж буйг болгоомжтойгоор сайшаалаа.
“Дайн эхэлснээс хойш анх удаа гал зогсоох боломж бодитоор харагдаж байна” хэмээн уулзалтыг зохион байгуулсан Германы Канцлер Фридрих Мерц өөрийн нийгмийн сүлжээ X-д бичжээ.
Польшийн Ерөнхий сайд Дональд Туск Берлинийг орхин нисэх онгоцонд суух үеэрээ сэтгүүлчдэд:
“Өнөөдөр би анх удаа … бүгд нэг талын холбоотнууд шиг аашилж байгааг мэдэрлээ. Америкийн хэлэлцээчдийн амаар анх удаа АНУ Украинд аюулгүй байдлын баталгаа өгч, хэрэв Орос дахин довтолбол Америкийн хариу үйлдэл цэргийнх байх нь болно гэж илэрхий хэлж байгааг сонслоо” гэжээ.
Шведийн Ерөнхий сайд Ульф Кристерссон аюулгүй байдлын баталгааны асуудал “илүү тодорхой, илүү итгэл төрүүлэхүйц болсон”-ыг онцлоод, үүнийг тогтвортой энх тайванд хүрэх чухал алхам гэж үнэлэв.
“Гэхдээ олон хүнд асуулт хэвээр байна. Ялангуяа нутаг дэвсгэрийн асуудал, мөн Орос үнэхээр энх тайвныг хүсэж байна уу гэдэг нь тодорхойгүй байна” гэж тэр Берлинийн уулзалтаас хойш гаргасан мэдэгдэлдээ дурджээ.
Зеленский уулзалтын дараа хэлэхдээ, хэрэв Москва Киев, Вашингтон болон Европын удирдагчдын хооронд хэлэлцэж буй саналуудыг хүлээн зөвшөөрөхөөс татгалзвал АНУ-аас Орост нэмэлт хориг арга хэмжээ авах, мөн алсын тусгалтай зэвсэг зэрэг илүү их хүчтэй, зэвсэг нийлүүлэхийг хүсэх болно гэдгээ мэдэгдсэн байна.
