Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
УИХ-ын гишүүн Д.Энхтүвшинийг Ерөнхий сайдын дэргэдэх "Эдийн засгийн бодлогын зөвлөл"-ийн дэд даргаас хасаж, УИХ-ын гишүүн Х.Ганхуягийг сонгосон байна. Учир нь, Зөвлөлийн дэд дарга нь Ерөнхий сайдыг эзгүйд зөвлөлийн хуралдааныг даргалах эрхтэй албан тушаалтан юм.
Уг нь Ерөнхий сайд Л.Оюун-Эрдэнэ хамтарсан Засгийн газраа байгуулахтайгаа зэрэгцээд "Эдийн засгийн бодлогын зөвлөл"-ийн бүрэлдэхүүнийг шинэчлэн байгуулж, дэд даргаараа УИХ-ын гишүүн Д.Энхтүвшинийг ажиллуулахаар Засгийн газрын тогтоолыг өнгөрсөн наймдугаар сард баталж байлаа.
Д.Энхтүвшиний хувьд өнгөрсөн УИХ-ын сонгуулиар МАН-ын жагсаалтын 9 дүгээрт эрэмблэгдэн, гишүүн болсон. Түүнийг намын жагсаалтдаа оруулсан шалтгаанаа МАН-ын дарга, Ерөнхий сайд Л.Оюун-Эрдэнэ хувийн хэвшлийн хүчтэй дуу хоолой, бизнесийнхний эрх ашгийг хамгийн сайн хамгаалж ажиллаж чадах хүн гэж сонгосон гэдэг. Тэгвэл тэдний харилцаанд сэв суусныг дээрх томилгоо нотолж байна.
УИХ-ын гишүүн Д.Энхтүвшин нь 2025 оны төсөв хэлэлцэхтэй зэрэгцээд Засгийн газрын тэргүүн Л.Оюун-Эрдэнэ тэргүүтэй улс төрчдийн эрх ашигт үйлчилж чадахгүй, хэн нэгний кнопчин болохгүй гэх байр сууриа хүчтэй илэрхийлсээр буй юм. Тэдний маргаан Ганцмод-Ганшуунсухайт чиглэлийн хил холболтыг хийх хэлэлцээр баталтал үргэлжилнэ гэж шоглох улс төрчид ч байна.
Тухайлбал, Ерөнхий сайд Л.Оюун-Эрдэнэ “Шанхайд айлчлалаар яваад ирэх хооронд болсон төсөв тойрсон төрийн акц хоёр улсын Засгийн газар хоорондын гэрээнээс болсон шүү. Хоёр Засгийн газар хийж болох гэрээний дундуур сонирхол оруулж, эрх ашгийн зөрчил үүсгэсэн, 16 жил төмөр замын төслийг гацаасан. Энэ нь баримтаар тодорхой болж байгаа зүйл” гэж ярьсан.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Харин УИХ-ын гишүүн Д.Энхтүвшин хамгийн сүүлд хэвлэлд өгсөн ярилцлагадаа "Ерөнхий сайдыг маш буруу мэдээлэлтэй байгаа юм байна лээ. Ер нь Засгийн газрын үйл ажиллагаа, ямар шийдвэр гаргахыг Гэрэгэ тауэрын 15 давхраас удирддаг боллоо" гэж ярьсан нь олны анхаарлыг татаад авсан.
Ийнхүү тэдний хоорондын итгэлцэл дуусч, Ерөнхий сайд Л.Оюун-Эрдэнэ өөрийн ахалдаг "Эдийн засгийн бодлогын зөвлөл"-өөсөө УИХ-ын гишүүн Д.Энхтүвшинийг хассан бололтой.
Монгол Улсын Ерөнхий сайдын дэргэд эдийн засгийн бодлогын чиглэлээр мэргэжлийн зөвлөгөө, дэмжлэг үзүүлж, мэдээллээр хангах үүрэг бүхий "Эдийн засгийн бодлогын зөвлөл" ажилладаг. Тухайн зөвлөлийг Ерөнхий сайд өөрөө ахалж, Засгийн газрын тогтоолоор бүрэлдэхүүнийг баталдаг юм.
Үүнээс гадна хил холболтын төмөр замыг барья гэхэд төсөл гацсан өмнөх шалтгааныг Ерөнхий сайд Л.Оюун-Эрдэнэ MSC групп рүү чиглүүлж мэдэгдсэн нь их ноцтой. Нууц санхүүжилтийн ерөнхий хэлэлцээр байгуулсан, төр төлөөлж хэний ч мэдэхгүй Хөхөөгийн Ганболд гэгч БНХАУ-ын талтай харьцаад явж байсан гэхчлэнгээр хэлсэн. Харин талууд консорциум болж ороход Д.Энхтүвшин MCS группийг төлөөлсөн нь худлаа биш, өнөөгийн өрнөл дунд түүнийг холбож харах, хардах, хатгах бүрэн үндэслэл бий гэж харах ч эх сурвалж байна. Ямартай ч Л.Оюун-Эрдэнэ, Д.Энхтүвшин нараар илэрсэн бизнес, улс төрийн хамтарсан үе үеийн тохироо өндөрлөх нь гэж дүгнэж болох нь. 
