Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
May 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Азийн нэр хүндтэй батлан хамгаалахын форум болох "Шангрилагийн Яриа Хэлэлцээр 2026"-ын үеэр хамгийн их тавигдаж буй асуулт бол:
“Хятад хаана байна вэ?”
Хятадын Батлан хамгаалахын сайд Дун Жүн хоёр дахь жилдээ Сингапурт болдог "Шангрилагийн Яриа Хэлэлцээр" аюулгүй байдлын уулзалт арга хэмжээнд оролцсонгүй. Ингэснээр тэрээр АНУ-ын Батлан хамгаалахын сайд Пит Хегсет болон Австрали, Франц, Их Британи, Япон зэрэг улсын батлан хамгаалахын удирдлагуудтай уулзах боломжоо алджээ.
Түүний оронд Бээжингийн Хятадын Ардын Чөлөөлөх Армийн (ХАЧА) “шинжээчид, эрдэмтдээс” бүрдсэн харьцангуй доод түвшний төлөөлөгчдийн багийг илгээсэн нь өмнөх жилүүдийн өндөр түвшний оролцоотой харьцуулахад зэрэг зиндаа мэдэгдэхүйц доошилсон байна.
"Шангри-Лагийн яриа хэлэлцээ"-ний жил тутмын онцлох хэсгийн нэг нь Хятадын батлан хамгаалахын сайд эсвэл өндөр албан тушаалтан үг хэлж, Бээжингийн батлан хамгаалах бодлого болон дэлхийн хурцадмал байдалд хандах байр сууриа илэрхийлдэг байсан юм.
Гэвч өнгөрсөн 2025 оны нэгэн адил энэ жил ч Хятадын илтгэл хөтөлбөрөөс хасагджээ.
АНУ-ын Батлан хамгаалахын сайд Хегсет хүртэл үүнийг онцлон дурдсан байна.
Бидний хятад хамтрагч энэ бага хуралд ирээгүйд харамсаж байна. Гэхдээ бид өөр газруудад уулзаж, харилцан "далай болон агаар"-т өрнөдөг батлан хамгаалах үйл ажиллагааг талууд хэрхэн өөр өөрийнхөөрөө хүлээн авч байгааг ярилцах боломж гарна гэж найдаж байна.
гэсэн аж.
Австралийн Батлан хамгаалахын сайд Ричард Марлес халуун цэг болсон асуудлуудын талаар бусад улс орнуудтай илэн далангүй, нүүр тулсан яриа хэлэлцээ хийх боломжоо БНХАУ алдсан хэрэг гэж тодорхойлжээ.
Гэхдээ Дун Жүн энэ сарын эхээр АНУ-ын Ерөнхийлөгч Дональд Трампын Хятадад хийсэн айлчлалын үеэр Батлан хамгаалахын сайд Пит Хегсеттэй уулзсан байна.
Хятадын төлөөлөгчдийн бүрэлдэхүүнд багтсан, PLA-ийн хурандаа асан Зу Бо сайдаа ирээгүйг төдийлөн онцгой зүйл биш гэж үзжээ.
Тэрээр:
Батлан хамгаалахын сайд ирээгүй анхны тохиолдол биш. Өмнө нь ч академик төлөөлөгчид ирж байсан. Гэхдээ энэ удаад төлөөлөгчдийн түвшин харьцангуй доогуур байгаа нь үнэн.
гэж хэлсэн байна.
Зарим шинжээчдийн үзэж байгаагаар энэ нь санаатай шийдвэр байж болох юм. Тэдний хэлснээр Хятад улс дараах эмзэг сэдвүүдийн талаар асуултад хариулахаас зайлсхийхийг хүссэн байж магадгүй:
🎓 Компанийн нийгмийн хариуцлагын бодлого, орон нутгийн боловсролыг дэмжих хөтөлбөрийн хүрээнд хэрэгжүүлдэг “Цалинтай оюутан” хөтөлбөрийн энэ жилийн бүртгэл эхэллээ.
Харвардын их сургуулийн эрдэмтэд 100% шүүсэн ургамлын тос нь эрүүл мэндийн тэнцвэрт байдлыг дэмждэг болохыг тогтоожээ.
-Tайваныг тойрсон хурцадмал байдал
-Хятадын армид өрнөсөн авлигын эсрэг цэвэрлэгээ
-Эдгээр цэвэрлэгээ нь байлдааны бэлэн байдалд хэрхэн нөлөөлсөн тухай асуудал зэрэг аж.
Чонг Жа Ян хэлэхдээ:
Миний бодлоор тэд хэцүү асуултуудаас зайлсхийхийг оролдож байна.
гэжээ.
Мөн тэрээр судлаачдаас бүрдсэн төлөөлөгчид бодит шийдвэр гаргагчдыг хэр зэрэг төлөөлж чадах вэ? гэсэн эргэлзээ үүсэж байгааг онцолжээ.
Дипломатчдын үзэж байгаагаар Бээжин өнгөрсөн жилийн нөхцөл байдал давтагдахаас зайлсхийхийг хүссэн байж болох юм.
2025 оны форумын үеэр Хегсет Хятадыг Энэтхэг-Номхон далайн бүсийн аюул гэж тодорхойлж, Азийн холбоотнуудаа батлан хамгаалахын зардлаа нэмэгдүүлэхийг уриалсан.
Үүний хариуд Хятад улс АНУ-ыг Хятадыг зориуд харлуулж байна гэж буруутгаж байв.
Харин энэ жил Хегсет илүү зөөлөн өнгө аясаар ярьсан байна.
Тэрээр:
Хятад зэрэг ямар ч улс орон ноёрхлоо тулгаж, манай улс болон холбоотнуудын аюулгүй байдал, хөгжил цэцэглэлтийг эргэлзээнд оруулах ёсгүй.
гэж мэдэгдсэн байна.
Мөн тэрээр АНУ, Хятадын харилцаа сүүлийн жилүүдийнхээ хамгийн найрсаг түвшинд хүрсэн гэж нэмж хэлжээ.
БНХАУ 2007 оноос эхлэн уг форумд тогтмол өндөр түвшний төлөөлөгч илгээж эхэлсэн. Батлан хамгаалахын сайдаа 2011, 2019 онд, мөн 2022-2024 онуудад дараалан оролцуулж байжээ.
Харин 2020, 2021 онд COVID-19 цар тахлын улмаас форум зохион байгуулагдаагүй.
Сингапурын ахмад дипломатч Билахари Каусихан:
“Шангри-Ла-гийн яриа хэлэлцээний гол зорилго нь АНУ-ыг Зүүн Өмнөд Азитай бат бөх холбож байхад оршдог. АНУ-ын Батлан хамгаалахын сайд жил бүр Сингапур болон энэ бүс нутагт ирдэг байх нь хамгийн чухал зүйл. Хятадын Батлан хамгаалахын сайд оролцох нь сайхан хэрэг боловч зайлшгүй шаардлагатай зүйл биш.”
гэж дүгнэжээ.
Энэ жилийн форумын хамгийн анхаарал татсан зүйл нь Хятадын албан ёсны байр суурь биш, харин өндөр түвшний төлөөлөл бараг байхгүй байгаа явдал байлаа. Зарим оролцогч үүнийг стратегийн тооцоолол гэж үзэж байгаа бол нөгөө хэсэг нь дипломат боломжоо алдсан хэрэг гэж үзэж байна.
