Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Их Британийн орон нутгийн сонгуулиар ялагдал хүлээсэн Кир Стармер "Өөрчлөлт хийнэ” гэж амлав.
Кир Стармер тэргүүтэй Хөдөлмөрийн нам орон нутгийн сонгуульд хүндхэн ялагдал хүлээсний дараа Их Британид “Өөрчлөлт авчирна” гэсэн амлалтаа хэрэгжүүлэхийн төлөө тэмцсээр байх болно гэж баасан гарагт мэдэгдлээ.
Үндэсний хэмжээний сонгуульд үнэмлэхүй ялалт байгуулснаас ердөө хоёр хүрэхгүй жилийн дараа сонгогчид Стармерын засгийн газрыг шийтгэж, Английн төв болон хойд хэсгийн уламжлалт аж үйлдвэрийн бүсүүдэд нь томоохон цохилт өглөө.
Орон нутгийн сонгуульд хамгийн амжилттай оролцсон нь БРИКСИТ-ийг дэмжигч Найжел Фарагийн удирддаг "Их Британийн Шинэчилэл" нам байв. Тус нам Англид зөвлөлийн 350-аас дээш суудал авч, улмаар Шотланд болон Уэльст тусгаар тогтнолыг дэмжигч намууд болох Шотландын Үндэсний Нам болон Плайд Кумрегийн гол өрсөлдөгч болж магадгүй нөхцөл бүрдэв.
Сонгуулийн эхний дүнгүүд Их Британийн уламжлалт хоёр намын тогтолцоо задарч, олон намын тогтолцоо руу шилжиж байгааг баталлаа. Шинжээчдийн үзэж байгаагаар энэ нь сүүлийн зуун жилийн хугацаанд Британийн улс төрд гарч буй хамгийн том өөрчлөлтүүдийн нэг ажээ.
Нэгэн цагт давамгайлж байсан Хөдөлмөрийн нам болон Консерватив намуудын саналын тодорхой хэсэг нь нэг талаас Их Британийн Шинэчилэл намд, нөгөө талаас зүүний чиглэлийн Ногоон нам руу, мөн Шотланд, Уэльсийн үндсэрхэг намууд руу шилжсэн байна.
Ялагдал хүлээсэн ч Ерөнхий сайд Кир Стармерын ойрын хүрээнийхэн түүнийг үргэлжлүүлэн дэмжиж буйгаа илэрхийллээ. Ерөнхий сайд Лондонгийн баруун хэсгийн Ealing дүүрэгт очиж, Хөдөлмөрийн нам тэнд зөвлөлийн хяналтаа хадгалж үлдсэнийг онцлон “Урагш явна” гэж мэдэгдэв.
“Би бууж өгөхгүй,” хэмээн тэр сэтгүүлчдэд хэлжээ. Түүний хэлснээр сонгогчид удирдлагынх нь асуудлаас илүүтэйгээр өөрчлөлт хэр хурдан хэрэгжиж байгаад санаа зовж байгаа аж.
Тэрбээр "Их Британийг өөрчлөхөд шаардлагатай алхмуудаа танилцуулна" гэж амласан бөгөөд энэ нь бодлогоо сонгогчдод ойлгуулж чадаагүй, мөн Украин болон Ираны мөргөлдөөнөөс улам хүндэрсэн амьжиргааны зардал өсөж байгааг шийдвэрлэхэд хүндрэлтэй тулгарсан Засгийн газрын ээлжит “Шинэчлэл” гэж ажиглагчид үзэж байна.
Гэвч Английн 136 орон нутгийн зөвлөл, мөн Шотланд, Уэльсийн өөртөө засах парламентын сонгуулиудад Хөдөлмөрийн нам асар их хохирол амссан нь маргаангүй болжээ.
Энэ нь 2029 онд болох дараагийн бүх нийтийн сонгуулийн өмнөх хамгийн том улс төрийн шалгуур байлаа.
Их Британийн нэр хүндтэй санал асуулгын шинжээч Жон Куртис:
Нөхцөл байдал Хөдөлмөрийн намын хувьд хүмүүсийн төсөөлж байснаас ч муу, эсвэл бүр дор байна.
гэжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Хөдөлмөрийн намын зарим хууль тогтоогчид хэрэв нам нь Шотландад муу үр дүн үзүүлж, Уэльст эрх мэдлээ алдаж, Англи дахь хамгаалж байсан 2500 орчим суудлынхаа ихэнхийг алдвал Кир Стармер огцрох дарамтад орно, эсвэл ядаж ажлаа өгөх хугацаагаа зарлах шаардлагатай болно гэж мэдэгдэж байна.
Гэсэн ч Батлан хамгаалахын сайд Жон Хайли сонгогчдын хүсэх хамгийн сүүлчийн зүйл нь “Удирдлагын сонгуулиас үүдэх эмх замбараагүй байдал” гэж хэлээд Стармер одоо ч үр дүн гаргаж чадна гэдэгт итгэж байгаагаа илэрхийлжээ.
"Их Британийн Шинэчилэл" намын удирдагч Фараж одоогийн үр дүнг:
Британийн улс төрийн гайхалтай түүхэн өөрчлөлт.
хэмээн тодорхойлов.
Зарим бүсэд Хөдөлмөрийн нам бараг бүрэн арчигдсан байна.
Английн хойд хэсгийн Tameside зөвлөлийг Хөдөлмөрийн нам бараг 50 жил удирдсан ч энэ удаа Шинэчлэлийнхэн тус намын эзэмшдэг байсан бүх 14 суудлыг авчээ.
Мөн ойролцоох Wigan хотод 50 гаруй жил хяналт тогтоосон Хөдөлмөрийн нам байнга эзэмшиж байсан 20 суудлаа бүгдийг нь Шинэчилэл намд алдсан байна.
Шинэчилэл нам Лондонгийн зүүн хэсгийн Havering дүүрэгт 43 суудлын 30-ыг авч, нийслэлийн нэг дүүргийг анх удаа хяналтдаа оруулжээ.
Дунд хугацааны сонгуулиудад эрх баригч нам уналт үзүүлэх нь түгээмэл боловч санал асуулгын шинжээчид энэ удаагийн Хөдөлмөрийн намын ялагдал нь 1995 онд авлигын дуулианд нэрвэгдэж байх үедээ 2000 гаруй суудал алдсан Ерөнхий сайд асан Жон Майжорын Консерватив намаас ч дор байж магадгүй гэж таамаглаж байна.
Эхний үр дүнгээр Их Британийн Шинэчилэл Англид 367 суудал нэмсэн бол Хөдөлмөрийн нам 254, Консерватив нам 146 суудал алджээ.
Үлдсэн буюу ихэнх дүн, тэр дундаа Шотланд болон Уэльсийн сонгуулийн үр дүн баасан гарагийн сүүлээр буюу удахгүй зарлагдах юм.
Өмнө нь хуульч байсан Кир Стармер 2024 онд орчин үеийн Британийн түүхэн дэх хамгийн том парламентын суудлын олонхийг авч сонгогдсон бөгөөд олон жилийн улс төрийн эмх замбараагүй байдлын дараа тогтвортой байдал авчирна гэж амлаж байв.
Гэвч түүний засаглал бодлогын олон удаагийн эргэлт, зөвлөхүүдийн байнгын солигдолт, мөн Петер Манделсоныг АНУ дахь элчин сайдаар томилсон зэрэг асуудлаас болж шүүмжлэлд өртжээ. Манделсон нь нас барсан, бэлгийн гэмт хэрэгтэн Жэфри Эйпштэнтэй холбоотой асуудлаас болж ажлаа авснаас хойш есөн сарын дараа албан тушаалаасаа чөлөөлөгдсөн юм.
Гэсэн ч Кир Стармерыг нэн даруй огцруулах хөдөлгөөн эхлэх магадлал бага гэж ажиглагчид үзэж байна.
Түүнийг орлож магадгүй гол хүмүүс болох Их Манчестер хотын дарга Энди Бурнхам, Ерөнхий сайдын орлогч асан Ангела Райнер нар одоогоор удирдлагын өрсөлдөөн эхлүүлэх байр сууринд хараахан хүрээгүй байгаа бөгөөд бусад өрсөлдөгчид ч түүний эсрэг хөдөлж эхлэх сонирхолгүй байгаа аж.
