Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Товч агуулга
-Прокурор асан Жек Смит Бүгд Найрамдахчуудын хяналтад буй Төлөөлөгчдийн танхимын хорооны өмнө мэдүүлэг өгсөн.
-Прокурор Ерөнхийлөгч Дональд Трамп хуулийг санаатайгаар зөрчсөн гэж хууль тогтоогчдод хэлсэн.
-Бүгд Найрамдахчууд мөрдөн шалгалтыг улс төрийн зорилготой гэж үзэн шүүмжилсэн.
-Пүрэв гарагт АНУ-ын Ерөнхийлөгч Дональд Трампыг мөрдөн шалгаж байсан тусгай прокурор асан Жек Смит Төлөөлөгчдийн танхимын хорооны өмнө мэдүүлэг өгөх үеэрээ, 2020 оны сонгуульд ялагдсаны дараа Дональд Трамп “Эрх мэдлээ хадгалахын тулд янз бүрийн арга зам хайж байсан” хэмээн мэдэгдлээ. Тэрбээр өөрийн мөрдөн шалгалтыг Бүгд Найрамдах намын зүгээс улс төрийн зорилготой хэмээн шүүмжилж буйг эрс үгүйсгэжээ.
Смит Бүгд Найрамдах намын хяналтад буй Төлөөлөгчдийн танхимын Шүүхийн хорооны гишүүдийн асуултад хариулахдаа, Трамп 2024 оны ерөнхийлөгчийн сонгуульд дахин ялсны дараа өөрийн үүсгэсэн хоёр эрүүгийн хэргийг яагаад хаасан талаар тайлбарласан байна. Эдгээрийн нэг нь 2020 оны сонгуулийн ялагдлыг хүчингүй болгох хуйвалдаан хийсэн гэх, нөгөө нь төрийн нууц баримт бичгүүдийг хууль бусаар хадгалсан гэх хэрэг байв.
Энэ сонсгол нь Жек Смит олон нийтэд анх удаа дэлгэрэнгүй байр сууриа илэрхийлсэн тохиолдол болсон юм. Түүний үүсгэсэн түүхэн чанартай эрүүгийн хэргүүд нь Трампын засгийн эрхээс гадуур өнгөрүүлсэн жилүүдийн туршид улс төрийн томоохон маргааны төвд байж, Трамп дахин Ерөнхийлөгч болсныхоо дараа “Өшөө авах” улс төрийн бодлого явуулахад түлхэц болсон гэж шинжээчид үзэж байна. Смит мөн Трампын хяналтад буй Хууль зүйн яам өөрийг нь яллагдагчаар татахыг оролдож болзошгүйг илэрхийлжээ.
“Ерөнхийлөгч Трамп өөрийн тангараг өргөн хамгаална гэж амласан хуулиудыг санаатайгаар зөрчсөн нь нотлох баримтаар тогтоогдсон учраас түүнд ял тулгасан,” гэж Жек Смит Шүүхийн хороонд мэдүүлсэн байна.
“Хэрэв өнөөдөр яг ижил баримтад үндэслэн, өмнө нь Ерөнхийлөгч байсан хүнийг яллах эсэх асуудал дахин гарвал, тэр хүн Ардчилсан намынх уу, Бүгд Найрамдах намынх уу гэдгээс үл хамааран би мөн адил яллах байсан.”
Сонсголын дараа Трамп Смитийг яллах ёстой гэсэн байр сууриа дахин илэрхийлж, нийгмийн сүлжээнд “Олон гэм зэмгүй хүний амьдралыг сүйтгэсэн” хэмээн бичжээ.
БҮГД НАЙРАМДАХЧУУДЫН ТАЛ ПРОКУРОРЫН АЛДАА БАЙСАН ГЭЖ ҮЗСЭН
Бүгд Найрамдах намын хууль тогтоогчид Смитийн мөрдөн шалгалтыг гутаан доромжлох, мөн Трампын “Хууль зүйн системийг улс төрийн зэвсэг болгосон” гэсэн мэдэгдлийг бататгахыг зорив. Тэд ялангуяа Жек Смит тухайн үед Төлөөлөгчдийн танхимын дарга байсан Кевин Маккарти болон хэд хэдэн Бүгд Найрамдах намын сенаторуудын утасны мэдээллийг хязгаарладагмал байдлаар авах зөвшөөрөл хүссэн, мөн эдгээр гишүүдэд мэдэгдэхийг хориглосон шүүхийн захирамж гаргуулсан асуудалд анхаарлаа төвлөрүүлжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Трампын холбоотнуудын үзэж буйгаар, эдгээр утасны мэдээлэл нь Смитийн мөрдөн шалгалтаа хэтрүүлсэн, мөн улс төрийн өрсөлдөгчдөө онилсон байсныг харуулж байна.
“Энэ бүхэн анхнаасаа улс төрийн зорилготой байсан,” хэмээн Охайо мужаас сонгогдсон, Шүүхийн хорооны дарга Бүгд Найрамдах намын төлөөлөгч Жим Жордан сонсголын эхэнд мэдэгджээ.
“Дональд Трампыг унагахын тулд тэд юу ч хийхээс буцахгүй байсан.”
(Зураг: Тусгай прокурор асан Жек Смитийг Шүүхийн хорооны сонсголын үеэр төлөөлөгч Жим Жордан ярьж байх зуур сонсож буй байдал. Вашингтон, 2026 оны 1-р сарын 22)
Смит эдгээр утасны мэдээлэл нь Трамп Бүгд Найрамдах намын хууль тогтоогчдод сонгуулийн баталгаажуулалтыг зогсоох шахалт үзүүлсэн эсэхийг шалгах зайлшгүй шаардлагатай байсан гэж тайлбарлав.
Тэрбээр мөн: “Энэ хэрэгт, ялангуяа Дональд Трампын зүгээс шударга ёсны үйл явцыг саатуулах ноцтой оролдлого байж болзошгүй гэсэн маш гүнзгий санаа зовнил надад байсан,” гэжээ.
Смитийн мэдүүлэг голчлон 2020 оны сонгуулийн дараа Трамп сонгуулийн луйврын талаар худал мэдэгдэл хийж, санал хураалтын дүнг баталгаажуулах үйл явцыг саатуулахыг оролдсон гэх хэрэг дээр төвлөрсөн байна. Хэрэв шүүх хурал болсон бол Трампад сонгуулийн луйвар байгаагүй гэдгийг тайлбарлаж өгсөн Бүгд Найрамдах намын гэрчүүдийг яллах гол үндэс болох байсан гэж Смит хэлэв.
“Манай мөрдөн шалгалтаар Дональд Трамп сонгуульд луйвар байсан эсэх талаар шударга үнэнийг хайгаагүй нь тодорхой,” гэж Смит мэдүүлсэн байна.
“Тэр зүгээр л эрх мэдлээ хадгалах арга зам хайж байсан” гэжээ.
Холбооны нэгэн шүүгч Смитийн хоёр дахь хэрэгтэй холбоотой олон чухал мэдээллийг нийтэд ил болгохыг Хууль зүйн яаманд түр хугацаагаар хориглосон юм. Энэ хэрэг нь Трамп 2021 онд анхны бүрэн эрхийн хугацаа дууссаны дараа Мар-а-Лаго дахь ордондоо маш нууцад хамаарах баримт бичгүүдийг хадгалсан гэх шуугиантай холбоотой байв.
Трамп бүх хэрэгт гэм буруугүй гэдгээ мэдэгдэж, эдгээр ял нь 2024 оны сонгуулийн кампанит ажлыг нь сулруулах зорилготой байсан гэж удаа дараа мэдэгдсээр ирсэн.
Аль ч хэрэг шүүх хуралд хүрээгүй бөгөөд Трамп дахин Ерөнхийлөгчөөр сонгогдсоны дараа, албан тушаал хашиж буй Ерөнхийлөгчийг яллахгүй байх Хууль зүйн яамны бодлогын дагуу Смит эдгээр хэргийг хаасан юм.
Дональд Трампын засаг захиргаа эдгээр мөрдөн шалгалтад оролцсон Хууль зүйн яам, Холбооны мөрдөх товчооны (FBI) олон арван хуульч, ажилтнуудыг ажлаас нь халжээ.
Харин Ардчилсан намын хууль тогтоогчид Смитийг улс төрөөс ангид, нотлох баримтад үндэслэн ажилласан мэргэжлийн прокурор байсан гэж хамгаалав.
Мэрилэнд мужаас сонгогдсон, хорооны ахлах Ардчилсан гишүүн Жейми Раскин:
“Трамп таныг ямар нэг буруу зүйл хийсэн учраас биш, харин та ажлаа яг зөв хийсэн учраас л дайрч байна” гэжээ.
“Та ажлаа хийснийхээ төлөө л шийтгүүлж байна” гэж тэрээр онцолсон байна.
