Удахгүй Японы анхны эмэгтэй Ерөнхий сайд болох Санаэ Такаичигийн тухай сонирхолтой баримтуудд

НИЙТЭЛСЭН:

2025-10-05 15:00

Эдийн засгийн аюулгүй байдлын сайд асан Санаэ Такаичи нь ирэх аравдугаар сарын 15-нд болох Төлөөлөгчдийн танхимын ээлжит бус чуулганаар Засгийн газрыг тэргүүлэхээр сонгогдвол Японы анхны эмэгтэй Ерөнхий сайд болох юм.

Консерватив буюу барууны үзэл баримтлалтай сонгогчдын дэмжлэгийг өргөн хүрээнд авсан Санаэ Такаичи нь эрх баригч Либерал Ардчилсан Намын (ЛАН) шинэ даргаар сонгогдож, 2024 оны есдүгээр сард болсон өмнөх сонгуулийн тунаанд ялагдсан ялагдлынхаа “Өшөөг авах” байдлаар нөхөж чадлаа.

Мацушита төрийн удирдлагын хүрээлэн

Такаичи нь Нара хотод хоёр хүүхэдтэй айлын том охин болж мэндэлсэн. Түүний эцэг нь "Тоёотоа" компанид ажилладаг байсан бол ээж нь цагдаагийн албан хаагч байжээ.

Санаэ бага ангиасаа эхлэн хүнд метал хөгжимд дуртай байсан бөгөөд Кобе их сургуульд суралцаж байхдаа рок хөгжмийн хүнд металл хамтлагт бөмбөр тоглож байсан гэдэг. Сургуулийнхаа жилүүдийг тэрээр хөгжмийн ертөнцөд өнгөрүүлсэн байна.

Их сургуулиа төгсөөд тэрээр “Мацушита төрийн удирдлагын хүрээлэн”-д элссэн нь улстөрч болох замыг нь нээсэн юм. Энэхүү хүрээлэнг "Panasonic" корпорацийг үндэслэгч Коносуке Мацушита байгуулсан бөгөөд тэрээр нэгэнтээ:

“Япон улс 1990-ээд онд урт хугацааны эдийн засгийн уналтын үе рүү орно. АНУ ба Зөвлөлт Холбоот Улсаар төвлөрсөн дэлхийн системийн үе дуусч, XXI зуун бол Азийн зуун байх болно” хэмээжээ.

24 настай Такаичи энэ үгийг сонсоод “Би үндэсний түвшинд бодлого тодорхойлох ажил хиймээр байна” гэж шийдэн, улс төрийн карьераа эхлүүлэхээр зорьжээ.

Эцгийн захидал

1992 оны долдугаар сард Такаичи Нарагийн сонгуулийн тойрогт бие даан нэр дэвшиж дээд танхимын (House of Councillors) сонгуульд оролцсон ч ялагдсан байна. Энэ ялагдлын гол шалтгаан нь ЛАН-аас албан ёсны дэмжлэг аваагүйтэй холбоотой байв. Консерватив хоёр нэр дэвшигч хоорондоо өрсөлдсөн байна.

Сонгуулийн орой тэрээр гэртээ харихад эцэг эх нь аль хэдийнэ унтчихсан байлаа. Харин ширээн дээр эцгийн бичсэн нэгэн захидал байв. Захидалд:

“Сонгуулийн кампанит ажилдаа миний тэтгэврийн бүх мөнгийг ашиглаж болно. Өөртөө итгэлтэй бай, гар барьж мэхийхээ бүү мартаарай. Тайван бай.”

гэж бичжээ. Такаичи захидлыг цээжиндээ тэвэрч зогсоод уйлсан гэдэг.

Тэр эцэст нь 1993 оны долдугаар сард Нара мужийн бүх хэсгийг хамарсан хуучин тойрогт бие даагч байдлаар нэр дэвшиж, Төлөөлөгчдийн танхимд анх удаа сонгогдон ялалт байгуулжээ. Харин 1994 оны “шинэ намын давалгаа”-ны үеэр тэрээр өдгөө татан буугдсан Либерал Нам болон Шинэ Хилийн Намын эвслээс нэр дэвшиж ялалт байгуулсан байна.

1996 онд тэрээр ЛАН-д элссэн бөгөөд хожим Ерөнхий сайд агсан Шинзо Абэтэй дотно харилцаа тогтоож, нэг жилд анхны сонгуулийн ялалтаа хамт байгуулсан юм. Тэд ижил төстэй консерватив үзэл баримтлалтай байв.

Мацушита хүрээлэнд түүнтэй нэг онд элссэн, Сангийн дэд сайд асан Тацуя Ито хэлэхдээ:

“Тэр үед Такаичи үндэсний аюулгүй байдлын асуудалд ихээхэн анхаардаг байсан. Абэтэй улстөрийн хүрээнд итгэлцлийн харилцаанд орсны дараа тэр консерватив улстөрчийн байр сууриа улам тод илэрхийлж эхэлсэн гэж боддог.

Абэгийн бодлогыг үргэлжлүүлэх нь

Абэ Ерөнхий сайдыг суудлаас буусны дараа ч Санаэ Такаичи түүний улс төрийн үзэл, баримтлалыг үргэлжлүүлэхэд тууштай байв.

2021 оны ЛАН-ын тэргүүний сонгуульд Такаичи Абэгийн хүчтэй дэмжлэгийг авч нэр дэвших боломж олдсон ч дөрвөн нэр дэвшигчийн өрсөлдөөнд гуравдугаарт оржээ. Харин 2024 онд есөн нэр дэвшигч өрсөлдсөн сонгуульд тэр тунаж үлдсэн ч дахин ялагдсан юм.

Сүүлийн 12 сарын хугацаанд тэр улс орон даяар хотуудаар аялан, дэмжигчдийн хүрээгээ тэлсээр иржээ. Ингээд энгийн гишүүдийн санал хураалтаар асар олон санал авч, парламентын гишүүдийн дэмжлэгийг ч өргөн хүрээнд хүлээн, гурав дахь оролдлогоороо ЛАН-ын анхны эмэгтэй дарга болж чадсан юм.

“Ханшин Тайгэрс”-ийн үнэнч фен

Такаичи нь “Ханшин Тайгэрс” бейсболын багийн чин үнэнч шүтэн бишрэгч гэдгээрээ алдартай бөгөөд энэ улиралд баг нь хоёр жилийн дараа дахин Японы аваргад тэргүүлнэ гэж найдаж буйгаа илэрхийлжээ.

Түүний дуртай хоол бол Кансаи бүс нутгийн алдарт “бутаман” (уурын гахайн махан банш) бөгөөд ажлын завсарлагааны үед эрч хүчээ сэргээхийн тулд иддэг байна.

Мөн тэр автомашинд дуртай бөгөөд 1990-ээд оноос хойш өөрийн хамгийн хайртай машин болох "Toyota Supra" спорт машиныг унасаар иржээ.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07