Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Товч агуулга
-Володимир Зеленський Украинд олгох аюулгүй байдлын баталгаан дээр тохиролцоонд хүрсэн гэж үзэж байна
-Оросын нэхэмжилж буй Донбас болон бусад нутгийн ирээдүй тодорхойгүй хэвээр
-Ням гарагт Ерөнхийлөгч Дональд Трамп Ерөнхийлөгч Зеленськийтэй уулзахаасаа өмнө Ерөнхийлөгч Владимир Путинтэй утсаар ярьжээ
Ням гарагт АНУ-ын Ерөнхийлөгч Дональд Трамп Украйны Ерөнхийлөгч Володимир Зеленськийтэй хийсэн уулзалтынхаа дараа, Украинд өрнөж буй дайныг зогсоох энхийн хэлэлцээр хийхэд “Ихээхэн ойртсон, магадгүй маш ойрхон” болсон гэж мэдэгдлээ.
Гэвч маргаантай бүс нутаг болох Донбассын хувь заяа гол шийдэгдээгүй асуудал хэвээр байгааг тэрээр хүлээн зөвшөөрсөн байна.
Хоёр удирдагч Трампын Флорида муж дахь Мар-а-Лаго амралтын цогцолборт уулзсаны дараа хамтарсан хэвлэлийн бага хурал хийсэн юм. Энхийн хэлэлцээний хамгийн маргаантай хоёр асуудал болох Украинд олгох аюулгүй байдлын баталгаа, мөн Оросын өөрийн болгохыг эрмэлзэж буй Украйны зүүн нутгийн Донбассыг хуваах дээр тодорхой ахиц гарсан гэж хоёр тал мэдээллээ.
Тухайн асуудлаар Дональд Трамп, Володимир Зеленський нар тодорхой дэлгэрэнгүй мэдээлэл өгөөгүй бөгөөд энхийн хэлэлцээрийг хэзээ эцэслэх талаар хугацаа хэлсэнгүй. Гэхдээ Трамп “Хэдхэн долоо хоногийн дотор” хэлэлцээ амжилттай болох эсэх нь тодорхой болно гэж хэлсэн бөгөөд газар нутгийн асуудалтай холбоотой “Хэд хэдэн хүнд, эмзэг асуудал” байгааг дурджээ.
Володимир Зеленський Украинд олгох аюулгүй байдлын баталгааны талаар тохиролцоонд хүрсэн гэж мэдэгдсэн бол Дональд Трамп арай болгоомжтой байр суурь илэрхийлж, уг асуудлын 95 хувь дээр л тохиролцсон гэж хэлэв. Тэрээр Европын орнууд АНУ-ын дэмжлэгтэйгээр уг баталгааны “ихэнх хэсгийг хариуцах” хариуцлагыг хүлээх болсныг нэмж дурдсан юм.
Францын Ерөнхийлөгч Эммануэль Макрон Трамп, Зеленський нарын уулзалтын дараа X (хуучнаар Twitter) сүлжээнд нийтэлсэн мэдэгдэлдээ, аюулгүй байдлын баталгааны асуудлаар ахиц гарсныг онцлов. Тэрээр “Сайн дурын эвсэл” (Coalition of the Willing) хэмээх бүлэгт багтдаг орнууд ирэх нэгдүгээр сарын эхээр Парист уулзаж, “бодит хувь нэмрүүдээ” эцэслэн тохирно гэжээ.
Зеленський өмнө нь АНУ-аас дэвшүүлсэн, Украйны зэвсэгт хүчнийг Донбасаас бүрэн татан гаргах саналыг зөөлрүүлэхийг хүсэж байгаагаа илэрхийлж байсан. Энэ санал нь Оросын шаардлагад нийцэх бөгөөд Украйны хяналтад байгаа зарим нутаг дэвсгэрээс Укрсйнчуудыг татгалзахад хүргэх аж. Москва Донбассын бүх нутгийг авахыг шаардсаар байгаа бол Киев одоогийн фронтын шугамаар газрын зургийг “царцаах”-ыг хүсэж байгаа юм.
Ням гарагт Трамп, Зеленський нар Донбассын ирээдүй эцэслэн шийдэгдээгүй хэвээр байгааг хүлээн зөвшөөрсөн ч, АНУ-ын Ерөнхийлөгч хэлэлцээ “Зөв чиглэлд урагшилж байна” гэж мэдэгдсэн. АНУ буулт хийх хувилбарын хүрээнд, Украин уг бүс нутгаас гарвал чөлөөт эдийн засгийн бүс байгуулах санал дэвшүүлсэн ч, энэ нь бодит байдал дээр хэрхэн хэрэгжих нь тодорхойгүй хэвээр байна.
“Энэ асуудал шийдэгдээгүй байгаа ч их ойртсон. Хамгийн хүнд асуудал,” гэж Трамп онцолсон.
Дайн дууссаны дараа Украинд хэрхэн аюулгүй байдлын баталгаа олгох талаар ч удирдагчид тодорхой мэдээлэл өгсөнгүй. Харин Зеленський үүнийг “Урт хугацааны энх тайванд хүрэх гол тулгуур” гэж тодорхойлсон юм.
Зеленський хэлэхдээ, аливаа энхийн хэлэлцээрийг Украины парламент батлах, эсвэл бүх нийтийн санал асуулгаар шийдвэрлэх ёстой гэлээ. Харин Трамп, хэрэв энэ нь хэлэлцээрийг баталгаажуулахад тустай бол Украйны Дээд Радаад үг хэлэхэд бэлэн гэдгээ илэрхийлсэн.
ЗЕЛЕНСКИЙТЭЙ УУЛЗАХЫН ӨМНӨ ТРАМП, ПУТИН ХОЁР УТСААР ЯРЬЖЭЭ
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Зеленський болон түүний төлөөлөгчид Трампын Флорида дахь эдлэнд ирэхээс өмнөхөн Трамп, ОХУ-ын Ерөнхийлөгч Владимир Путин нар утсаар ярьсан байна. АНУ-ын Ерөнхийлөгч уг яриаг “бүтээлч”, харин Кремлийн гадаад бодлогын туслах Юрий Ушаков “найрсаг” гэж тодорхойлсон.
Москва хотод Ушаков мэдэгдэхдээ, Путин Европын Холбоо болон Украйнаас санал болгосон 60 хоногийн гал зогсоох саналыг дайн сунжруулах алхам болно гэж Трампт хэлсэн гэжээ. Мөн Украиныг Донбассын асуудлаар “Цаашид сааталгүй шийдвэр гаргах”-ыг шаардах ёстой гэж Путин онцолсон байна.
Трамп хэлэхдээ, Путинтэй хоёр цагаас илүү хугацаанд ярилцсан бөгөөд ОХУ-ын Ерөнхийлөгч Украйныг сэргээн босгоход, тэр дундаа хямд эрчим хүч нийлүүлэх замаар туслахад бэлэн гэдгээ илэрхийлсэн гэжээ.
“ОХУ Украйныг хурдан сэргээн босгохыг гэж хүсэж байна. Энэ нь арай хачин сонсогдож байж магадгүй,” гэж Трамп хэлсэн.
Трамп Путиныг магтаж байх үед Зеленський толгойгоо бага зэрэг хазайлгаж, мушийж харагдсан байна.
Трамп Зеленськийтэй уулзсаны дараа Путинтэй дахин утсаар ярина гэж мэдэгдэв. Кремль Трампын эхлүүлсэн энхийн хэлэлцээг дэмжиж буйгаа илэрхийлсэн байна.
“Дэлхий нийт Ерөнхийлөгч Трамп болон түүний багийн энх тайвны төлөөх хүчин чармайлтыг үнэлж байна,” гэж Путины тусгай элч Кирилл Дмитриев Даваа гарагийн өглөө X сүлжээнд бичжээ.
ЦӨМИЙН ЦАХИЛГААН СТАНЦЫН АСУУДАЛ
АНУ-ын талаас хэлэлцээрт оролцож буй төлөөлөгчид Запорожьегийн атомын цахилгаан станцыг хамтарсан хяналтад байлгах санал дэвшүүлсэн байна. Олон улсын атомын энергийн агентлагийн зуучилсан орон нутгийн гал зогсоох тохиролцооны дараа цахилгаан дамжуулах шугамын засвар эхэлсэн гэж тус агентлаг Ням гарагт мэдээлжээ.
Трампын хэлснээр, уг станцын хувь заяаг шийдэх талаар ахиц гарсан бөгөөд станц “бараг даруй ажиллаж эхлэх боломжтой”. Тэрээр Орос уг байгууламжийг бөмбөгдөөгүй нь “том алхам” гэж онцлов.
Орос 2014 онд нэгтгэсэн Крымийг бүрэн хянаж байгаа бөгөөд Украинд дөрвөн жилийн өмнө довтолсноос хойш нийт нутаг дэвсгэрийнх нь ойролцоогоор 12 хувийг эзэлсэн байна. Үүнд Донбасын 90 орчим хувь, Запорожье болон Херсоны мужийн 75 хувь, мөн Харков, Сумы, Николаев, Днепропетровск мужийн зарим хэсэг багтаж байгаа гэж Оросын тооцооллыг Reuters иш татан мэдээллээ.
Зеленський Трамптай уулзахаас нэг хоногийн өмнө Оросын арми Киев болон Украйны бусад хотуудыг зуу зуун пуужин, дроноор дайрч, нийслэлийн зарим хэсэгт цахилгаан, дулааны хангамжийг тасалдуулсан байна. Зеленський эдгээр довтолгоог АНУ-ын зуучилсан энхийн оролдлогод өгсөн Оросын “хариу үйлдэл” гэж тодорхойлсон ч, Трамп Ням гарагт Путин, Зеленський хоёр хоёулаа энх тайвны талаар нухацтай хандаж байгаа гэдэгт итгэж буйгаа хэлжээ.
Бямба гарагийн агаарын довтолгооны дараа Путин, хэрэв Киев хурдан энхийн шийдэлд хүрэхийг эрмэлзэхгүй бол Москва дайнаа үргэлжлүүлнэ гэж мэдэгдсэн байна. Сүүлийн саруудад Орос байлдааны талбарт давшсаар, Ням гарагт хэд хэдэн сууринг дахин эзэлсэн гэж мэдэгджээ.
Европын хэд хэдэн удирдагч Ням гарагийн уулзалтын тодорхой хэсэгт утсаар оролцсон байна. Европын Комиссын Ерөнхийлөгч Урсула фон дер Ляйен X сүлжээнд:
“Европ Украин болон АНУ-ын түншүүдтэйгээ хамтран үргэлжлүүлэн ажиллахад бэлэн байна”
гэж бичээд, бат бөх аюулгүй байдлын баталгаа нь “нэн тэргүүний ач холбогдолтой” гэж онцлов.
Их Британийн Ерөнхий сайд Кир Стармерын хэвлэлийн төлөөлөгч хэлэхдээ, Европын удирдагчид “Баталгаатай, хүчтэй аюулгүй байдлын баталгааны ач холбогдлыг онцолж, энэ харгис дайныг аль болох хурдан зогсоох шаардлагыг дахин нотолсон” гэжээ.
