Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Баасан гарагт АНУ-ын Ерөнхийлөгч Доналд Трамп ОХУ-ын Ерөнхийлөгч Владимир Путин нар 8-р сарын 15-нд Аляскад уулзаж, Украин дахь дайныг дуусгах талаар хэлэлцээ хийхээр болсныг Трамп мэдэгдсэн. Энэ талаараа Доналд Трамп нийгмийн сүлжээгээрээ мэдэгдэж, "Украины Ерөнхийлөгч Володимир Зеленский зэрэг талууд оролцуулаад 3.5 жил үргэлжилсэн мөргөлдөөнийг зогсоох хэлэлцээрт ойртсон" гэж хэлсэн. Гэвч уг хэлэлцээр нь Украины зүгээс мэдэгдэхүйц том газар нутгаа өгөхийг шаардсан байж болзошгүй байна.
Баасан гарагт Доналд Трамп Цагаан ордонд сэтгүүлчидтэй уулзахдаа, уг хэлэлцээр нь тодорхой хэмжээний газар нутгийн солилцоог агуулж магадгүй гэдгийг хэлсэн.
"Хоёр талд ашигтай байдлаар газар нутгийн солилцоо хийгдэх болно" гэж Бүгд найрамдах намын Ерөнхийлөгч хэлэв.
Харин Украины Ерөнхийлөгч Володимир Зеленский Бямба гарагт буюу нэг цагийн өмнө "Улс орны газар нутгийн асуудлаар Украины Үндсэн хуулийг зөрчих боломжгүй, мөн 'Украинчууд газар нутгаа эзлэн түрэмгийлэгчид бэлэглэхгүй'" гэж хэлсэн.
Кремль цахим мэдэгдэлдээ уг дээд хэмжээний уулзалтыг баталж, хоёр удирдагч “Украины хямралыг урт хугацаанд энхийн замаар шийдвэрлэх боломжуудыг хэлэлцэхэд” төвлөрөх болно гэж Путинийн туслах Юрий Ушаков мэдэгджээ.
“Энэ бол ойлгомжтойгоор маш хүнд процесс байх ч бид идэвхтэй, эрч хүчтэйгээр оролцоно” гэж Ушаков онцлов.
Зеленский өнөөдөр өөрийн Telegram сувгаар ард түмэндээ хандан хийсэн видео илгээлтдээ, Украиныг оролцуулахгүйгээр гаргасан аливаа шийдвэр нь “Энхийн төлөөх” шийдвэр биш байх болно гэж анхааруулсан.
“Тэд юу ч олж чадахгүй. Энэ бол төрөхөөсөө үхсэн, хэрэгжих боломжгүй шийдвэрүүд. Бид бүгдэд жинхэнэ, бодит энх тайван хэрэгтэй” гэж тэр хэлэв.
ОХУ-ын Ерөнхийлөгч Владимир Путин Донецк, Луганск, Запорожье, Херсон зэрэг дөрвөн муж болон 2014 онд Орос өөртөө нэгтгэсэн Хар тэнгисийн Крымийн хойгийг ОХУ-ын нутаг дэвсгэр гэж зарласан. Гэвч түүний цэргүүд эдгээр дөрвөн мужийг бүрэн хянаж чадаагүй хэвээр байна.
Гадаадын томоохон хэвлэлүүдийн мэдээлж буйгаар, АНУ болон ОХУ-ын албаныхан Оросын эзэлсэн газар нутгийг баталгаажуулсан хэлэлцээр байгуулах чиглэлд ажиллаж байгаа аж.
Цагаан ордны нэг албан тушаалтан уг мэдээг “таамаг” гэж нэрлэсэн бол Кремлийн хэвлэлийн төлөөлөгч хариу өгөөгүй байна. Reuters уг мэдээллийн зарим хэсгийг бие даан баталгаажуулж чадаагүй аж.
Украин өмнө нь дайныг дуусгахын тулд уян хатан байхад бэлэн гэдгээ илэрхийлж байсан ч, улсынхаа бараг тавны нэг хэмжээтэй газар нутгийг алдах нь Зеленский болон түүний Засгийн газарт маш хүнд, улс төрийн хувьд ч сорилттой алхам болно.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
АНУ-ын Төрийн департаментын Украинд эдийн засгийн сэргэлт хариуцсан тусгай төлөөлөгчийн орлогч асан, Атлантын зөвлөлийн ахлах судлаач Тайсон Баркер хэлэхдээ:
“Хэвлэлд дурдагдсан энхийн саналыг украинчууд шууд л няцаана. Украинчууд хамгийн зөв хийх зүйл бол өөрсдийн эсэргүүцэл, хэлэлцээ хийх нөхцлөө хатуу баримтлах явдал бөгөөд АНУ-ын дэмжлэгт талархаж буйгаа харуулах юм” гэв.
Хэвлэлүүдийн ийн мэдээлснээр, уг хэлэлцээрийн дагуу Орос Херсон болон Запорожьегийн бүс нутагт одоогийн фронтын шугамын дагуу давшилтаа зогсооно.
Аляскад өндөр түвшний дипломат уулзалт хамгийн сүүлд 2021 оны 3-р сард болсон бөгөөд тухайн үед АНУ-ын Ерөнхийлөгч асан Жо Байдены Засаг захиргааны дээд албан тушаалтнууд БНХАУ-ын дээд түвшний төлөөлөгчидтэй Анкоридж хотод уулзсан юм. Энэ уулзалт олон нийтийн өмнө АНУ, БНХАУ-ын талуудын хурц шүүмжлэл, маргаанаар дууссан нь хоёр улсын харилцаа өндөр түвшний хурцадмал байдалд байгааг харуулсан билээ.
Трамп Цагаан ордонд 1-р сард эргэн ирснээсээ хойш Оростой харилцаагаа сэргээж, дайныг дуусгахыг эрмэлзэж байгаа ч, Путин довтолгоогоо зогсоохгүй байгаа нь түүнийг улам бухимдуулж байгаа бололтой.
Тэрээр Баасан гарагаас эхлэн Орос болон түүний экспорт, түүхий эдийг нь худалдан авдаг орнуудад шинэ хориг, татвар ногдуулна гэж сүрдүүлсэн ч, эдгээр арга хэмжээ хэрэгжих эсэх нь Баасан гарагийн орой гэхэд тодорхойгүй байв.
Лхагва гарагт АНУ Энэтхэгээс Оросын нефть импортолж буйд нь дургүйцэн Энэтхэгээс орж ирж буй бараанд нэмэлт 25%-ийн тариф ногдуулсан нь Трампын хоёр дахь бүрэн эрхийн хугацаанд Орост чиглэсэн анхны санхүүгийн хориг арга хэмжээ болж байна.
Мөн Лхагва гарагт Трампын тусгай элч Стив Виткофф Москвад Путинтай гурван цагийн хэлэлцээ хийсэн бөгөөд хоёр тал үүнийг “үр дүнтэй” гэж тодорхойлжээ.
Украины ойрын холбоотон Польшийн Ерөнхий сайд Туск Баасан гарагт Зеленскийтэй уулзсаны дараа “Мөргөлдөөн царцах” боломж ойртож болзошгүй гэсэн таамаг дэвшүүлсэн байна.
“Бидэнд тодорхой дохио, зөн совин байна — магадгүй энэ мөргөлдөөн дуусах биш ч, царцах (цааш үргэлжлэхгүй болох) нь ойрхон ч байж мэднэ” гэж Туск хэлсэн байна. “Энэ талаар найдвар бий.”
Тэр мөн Зеленский “маш болгоомжтой ч өөдрөг” байгаа бөгөөд Украин нь Польш болон Европын бусад улс орнуудыг гал зогсоох болон эцсийн энхийн хэлэлцээрт оролцуулах сонирхолтой байгааг онцолжээ.
