Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Японы Ерөнхий сайд Санаэ Такайчи хүнсний бүтээгдэхүүнд ногдуулдаг 8 хувийн хэрэглээний (борлуулалтын) татварыг хоёр жилийн хугацаанд огцом бууруулах төлөвлөгөөгөө үргэлжлүүлэн хэрэгжүүлэхээр болсныг өнөөдөр эрх баригч намын өндөр албан тушаалтан мэдэгдлээ.
Энэхүү шийдвэр нь улсын төсөв, санхүүгийн дарамтыг улам нэмэгдүүлэхээр байна.
Эрх баригч намын удирдлагуудтай хийсэн уулзалтын үеэр Такайчи ирэх оны дөрөвдүгээр сараас эхлэн хүнсний бүтээгдэхүүний татварыг хоёр жилийн хугацаанд 8 хувиас 1 хувь болгон бууруулах бэлтгэл ажлыг эхлүүлэхийг үүрэг болгосон байна.
Ерөнхий сайдын энэхүү үүрэг чиглэлийн дагуу эрх баригч Либерал Ардчилсан Нам (ЛАН) татварын бодлогын зөвлөлөөрөө асуудлыг хэлэлцүүлж, дотоод зөвшилцөлд хүрэх ажлаа эхлүүлэхээр болжээ.
Засгийн газар уг татварын өөрчлөлтийн төлөвлөгөөг наймдугаар сарын эхээр болох Засгийн газрын хуралдаанаар эцэслэн баталж, эцэст нь намрын чуулганаар парламентад холбогдох хуулийн төслийг өргөн барихаар төлөвлөж байна.
ЛАН-ын Ерөнхий нарийн бичгийн дарга Шүничи Сүзүки сэтгүүлчдэд хэлэхдээ, хоёр жилийн дараа хүнсний татварыг эргүүлэн 8 хувьд хүргэх улс төрийн хатуу шийдвэртэй байгаа гэдгийг онцолсон байна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Мөн тэрээр улсын татварын нийт орлого төлөвлөснөөс давж биелж байгаа нь хүнсний татварын энэхүү түр бууралтыг шинээр өр тавихгүйгээр санхүүжүүлэх боломжтой гэж мэдэгджээ.
Япон улс одоогоор хүнсний бүтээгдэхүүнд 8 хувийн, харин бусад бараа, үйлчилгээнд 10 хувийн хэрэглээний татвар ногдуулдаг. Энэхүү татвар нь хүн амын хөгшрөлт эрчимжиж буй Японд өсөн нэмэгдэж буй нийгмийн халамжийн зардлыг санхүүжүүлэх гол эх үүсвэрүүдийн нэг юм.
Хэрэв энэхүү төлөвлөгөө хэрэгжвэл 1989 онд хэрэглээний татвар нэвтрүүлснээс хойш Япон улс анх удаа уг татварын хэмжээг бууруулсан тохиолдол болох аж.
Санаэ Такайчи амьжиргааны өртөг өсөж буйтай холбоотойгоор иргэдэд ирэх дарамтыг бууруулах зорилгоор хүнсний бүтээгдэхүүний 8 хувийн татварыг хоёр жилийн хугацаанд түр зогсоож, дараагийн шатанд бага болон дундаж орлоготой өрхүүдэд чиглэсэн шинэ мөнгөн тэтгэмжийн тогтолцоо нэвтрүүлэхээ амласан.
Гэвч энэхүү санаачилга нь татварын орлого буурснаас үүсэх алдагдлыг хэрхэн нөхөхөө Засгийн газар тодорхой тайлбарлаагүй гэсэн үндэслэлээр эрх баригч болон сөрөг хүчний хууль тогтоогчдын зүгээс шүүмжлэлтэй тулгараад байгаа юм.
