Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Монгол улс олон намын тогтолцоотой ч бодит эрх мэдлийг бараг тасралтгүй атгасаар ирсэн Монгол Ардын Нам өнөөдөр 105 нас хүрч байна.
Цагаан морин жилийн Ардчилсан хувьсгалын ялалтаар Монгол Улс ардчилсан тогтолцоонд шилжээд 35 жилийг ардаа үджээ.
Гэвч тухайн үед төрийг удирдаж асан Ардын Намыг татан буулгаж, төрийн дээр нам залардаг тогтолцоог бүрэн халж чадаагүй нь өнөөгийн улс төрийн доройтол, авлигын тогтолцоот хэлбэржилтийн эхлэл байсан гэх дүгнэлт улам тодорсоор байна.
Хоёрхон хоногийн өмнө МАН 2026 оны хоёр дахь Бага хурлаа хийж, намын бодлогоо “е-4” стратегид шилжүүлж буйгаа зарлалаа. Харин өнөөдөр 105 жилийн ойгоо тэмдэглэж байна. Түүхэн ой, стратегийн шинэчлэл, авлигатай тэмцэх амлалт гэх мэт олон зүйлс зэрэгцэн өрнөж буй мэт боловч бодит өөрчлөлтийн тухай асуулт хариулт нэхсэн хэвээр.
Сүүлийн үед намын дотоод уриа мэт хэрэглэгдэх болсон “цэгцрэх”, “цэгцлэх” гэх үгс чухам ямар агуулгатай вэ? Ерөнхий сайд Г.Занданшатар-ын дэвшүүлсэн “цэгцрэх” үү, эсвэл намын залуу дарга Н.Учрал-ын ярьсан “цэгцлэх” үү? Р ба Л үсгийн ялгаа юу? Үгийн цаана бодлогын ялгаа байна уу, эсвэл фракц хоорондын далд өрсөлдөөний брэнд үү?
Нэг нь нөгөөгөөсөө “будаа идэж” буй хэрэг үү? Хэн нь хэнээс илүү цэгцтэй вэ гэдгийг цаг хугацаа харуулах биз.
Ямартай ч нам дотроо цэгцгүй байгаагаа өөрсдөө хүлээн зөвшөөрсөн нь харин ил.
Түүхэн хугацааны дийлэнхэд төрийн эрхийг барьсан энэ нам авлигын сүүдрээс гарч чадаагүйгээ ил тод зарлаж, 2026 оны гол зорилтоо “авлигаасаа салах” хэмээн тодорхойлов. Гэвч нэр цохож дөрвөн хүнийг зарласан нь олон нийтийн бухимдлыг улам өдөөж байна.
Хөгжлийн банкны зээлийн дуулиан хэрхэн замхарсан бэ?
Нүүрсний гэх тодотголтой нам дамнасан бүлэглэлүүдийн асуудал яасан бэ?
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Хариултгүй асуултууд ар араасаа хөвөрсөөр байна. 2027 оны Ерөнхийлөгчийн сонгууль хаяанд ирсэн энэ цаг үед МАН гол өрсөлдөгч болох Ардчилсан Нам-аас илүүтэйгээр өөрийн намын улстөрчөөсөө илүү эмээж, “үхтэлээ айж” буй мэт харагдана. Шүүхээр гэм буруу нь тогтоогдоогүй байхад Д.Амарбаясгалан-г “хав дарах”, зайлуулах оролдлого хийж байгаа дүр зураг олон нийтэд ив ил, тув тунгалаг боллоо.
2016 оноос намын Ерөнхий нарийн бичгийн даргаар ажилласан, 10 жилийн хугацаанд 8 удаагийн үнэмлэхүй ялалтыг удирдан зохион байгуулсан улстөрчийг дотоод өрсөлдөөний золиос болгох уу? Улс төрд “Моцарт” хэмээн цоллогдож, стратегийн ур чадвараа намдаа ч бусад намуудад ч хүлээн зөвшөөрүүлсэн хүнийг намын дотоод эрх ашгийн төлөө шахах нь улс төрийн соёлын доройтол биш үү?
Нийгмийн сүлжээнд “Дашзэвэгийн Амарбаясгаланг МАН хөөлөө” гэх гарчиг вирус мэт тархаж, тогоон дотроо “алалцаж” байх зуур тэрээр намын 105 жилийн ойн мэндчилгээндээ улс орны тусгаар тогтнол, эдийн засгийн аюулгүй байдал, геополитикийн сорилтын тухай ярив.
Түүний хэлснээр:
Улс төрийн намын жинхэнэ төлөвшил нь цөөнхийн бус олонхийн санаа бодолд тулгуурлаж, дотоод ардчилал, бодлогын өрсөлдөөнөөр илэрдэг. Харин өнөөдөр нам дотоод ардчиллаасаа ухарч, бүлэглэлийн залгамж халааг эрхэмлэсэн хаалттай бүтэц рүү хэлбийх эрсдэл бодитоор ажиглагдаж байна.
Энэ бол хувь хүний гомдол биш, тогтолцооны тухай анхааруулга байв.
Дэлхийн геополитикийн тэнцвэр савлаж, жижиг улсуудын орших, хөгжих стратеги шинэ шатанд шилжиж буй энэ цаг үед эрх баригч нам дотоод эрх мэдлийн тэмцэлдээ автах уу, эсвэл үндэсний хэмжээний бодлогын манлайлал үзүүлэх үү гэдэг сонголтын өмнө иржээ.
105 жилийн ой бол зүгээр нэг баярын өдөр биш. Энэ бол өнгөрснөө дүгнэж, ирээдүйгээ тодорхойлох мөч.
Авлигын сүүдрээс гарах зориг байна уу?
Дотоод ардчиллаа сэргээх хүсэл байна уу?
Эсвэл намынхаа дотоод өрсөлдөгчөөс айж, хаалттай бүтэц рүү ухрах уу?
Түүх урт настайг биш, ухаантайг нь үлдээдэг.
105 настай намд одоо нас биш, шинэчлэл хэрэгтэй.
