Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Өнөөдрийн Засгийн газрын сайт дээр Ерөнхий сайд Гомбожавын Занданшатарын “Рио Тинто” ХК-ийн төлөөлөгчдөд хэлж буй үгийг хасаж танан нийтэлснийг бид буулган хүргэж байна. Хасаж танасан ч бай “Рио Тинто” ХК-ийн төлөөлөгчдөд дээрх анхааруулгыг өгч чадсаных нь төлөө түүнд “БРАВО” гэж хэлэх ёстой.
Ерөнхий сайд Гомбожавын Занданшатар “Эзэн нь юмаа мэдэж, эргэ нь усаа хашдаг гэж уг нь хэлж байсан. Алтыг нь аваад авдрыг нь хаяж болохгүй. Хариултууд үнэндээ бидэн таалагдахгүй байна. Менежментийн төлбөр 40 хувь гэж ярьж байсан. 30 хувь болсон байна. Дэлхийн банк, санхүүгийн байгууллагуудын үнэлээд өгч байгаа зээлээс хоёр дахин өндөр хүүтэй зээлээ буулгахгүй байна. Нэг тал нь зээлийн хүүгийн зөрүүгээс ашиг хүртээд, нөгөө тал нь ногдол ашиг хүртэхгүй байна. Тэнцвэргүй байна, шударга бус байна гэж бид үзэж байгаа. Харилцан үр ашигтай байх л бидний тавьж байгаа шаардлага. Хамгийн гол нь шударга бус байгаад Монголын ард түмэн ч дургүйцэж байна. Парламент ч (УИХ) дургүйцэж байна. Яагаад шударга бус байна вэ гэхээр дамжуулан зээлдүүлэх хүүний зөрүүнээс ашиг хүртээд байна. Бид болохоор өр үйлдвэрлээд байна. Үүнд л гол асуудал нь яригдаад байгаа. Гучин дөрвөн хувийг эзэмшдэг байж саналын эрхгүй, хяналт тавих боломжгүй. Роялти (Зэс, алт нүүрс, газрын тос зэрэг байгалийн баялгийг олборлосны төлөө улс эсвэл эзэмшигчид төлдөг төлбөр ҮГ.МН) бол ямар ч бизнест төлдөг хэвийн хэм хэмжээ. “Оюу Толгой” Эрдэнэтээс 5 дахин бага роялти төлж байгаа. Бид 34 хувийн асуудлыг ярьж байгаа. 34 хувь чинь өр үйлдвэрлэдэг механизм болчхоод, ногдол ашиг ч өгөхгүй байгаа. Энэ бүх үйл ажиллагаанд хяналт тавих бололцоогүй, мэдээлэл авч чаддаггүй гэж байгаа ш дээ. Ийм 34 хувь чинь бидэнд ямар ашигтай юм бэ гэж ард иргэд асуугаад байна. Парламент асуугаад байна. Хуучин ТЭЗҮ-д (Техник Эдийн Засгийн Үзүүлэлт) байсан зэсийн үнэ, алтны үнэ одоо хэд болж өсчхөөд байна. Далд уурхайн санхүүжилтийн зардал өссөн нь бидний буруу биш. Энэ бол хөрөнгө оруулалтын гэрээгээр үүрэг хүлээсэн танай талын буруу. Энэ бүх бурууг яагаад Монгол Улс хүлээх гэж? Энэ бүхэн Монголын ард түмэнд, Монголын Парламентад хуурагдсан юм шиг мэдрэмж өгөөд байна. Ажлын үр дүнд бодитой үр дүн гарахгүй бол Онтрэ болон бусад орд газрын талаар ямар шийдвэр гарахыг яг үнэндээ бид хэлж мэдэхгүй байна. Үүнийг шийдвэрлэж чадахгүй бол цаашдаа бид дэлхийн дэг журам өөрчлөгдөж байгаа нөхцөлд “ЖИНХЭНЭ ЭРСДЭЛ” үүсэхвий гэдгээс болгоомжилж байна. ОК Thank you!!!!”
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Анх удаа Монгол Улсын Ерөнхий сайд ил тод нээлттэйгээр “Рио Тинто” ХК-ийнханд жинтэйхэн үгийг хэллээ. Ингэж хэлсэн хүн хөшигний ард өмнөх Ерөнхий сайд нар шигээ сэм хуйвалдахгүй нь тодорхой. Тиймээ бид “Рио Тинто” ХК-д ингэж хэлэх цаг нь болсон. Үүнийг Монголын бүх ард иргэд, түүнд дундаа алдаатай гэрээ хийж улсаа ихээхэн хэмжээний өрөнд оруулсан Санжийн Баяр, Сангажавын Баярцогт, Лүүмэдийн Гансүх, Дашдоржийн Зоригт, Чимэдийн Сайханбилэг, Дашзэвэгийн Отгочулуу, Баттулгын Бямбасайхан, Даваадоржийн Ганболд гэх хэрэгтнүүд ч сонсоод баярлаж байгаа гэдэгт итгэлтэй байна.
Туулын усаар мянгантаа угаагаад ч арилахгүй буруутай энэ этгээдүүдийн хийсэн гэрээнүүдээс болж Монгол Улсын Ерөнхий сайд Гомбожавын Занданшатар нүүрээ улалзуулан сууна. Гэхдээ тэр энэ удаа жинтэй хэллээ. Ингэж хэлэх хөшүүрэг ч түүнд нөлөөлсөн. Хөшүүрэг нь 2025 оны арванхоёрдугаар сарын 26-нд "Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, нээлттэй сонсголын мөрөөр авч хэрэгжүүлэх арга хэмжээний тухай" УИХ-ын тогтоолыг баталсан нь байлаа.
Уг тогтоолыг батлуулсан гавьяаг олон хүн хүртэх ёстой. Түүн дундаа Монгол Улсын Их Хурлын 62 дугаар тогтоолоор 2025 оны долдугаар сарын 05-нд байгуулагдсан УИХ-ын гишүүн Отгоншарын Батнайрамдалаар ахлуулсан “Оюу Толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооны гишүүдэд талархлаа илэрхийлэх ёстой.
Гэхдээ асуудал дөнгөж эхэлж байна. Ерөнхий сайд Гомбожавын Занданшатарын өнөөдөр илэрхийлсэн байр суурь УИХ-ын тогтоолыг Засгийн Газар хэлбэрэлтгүйгээр дагана гэдгээ хэвлэлээр дамжуулан Монголын ард түмэнд батлан харууллаа.
Ийнхүү Монголын ард түмэн, УИХ, Засгийн Газар нэг байр суурин дээрээ нэгдэж байгаа тул “Рио Тинто” ХК-ийн төлөөлөгчид бидэнтэй ойлголцох ёстой. Хэрвээ ойлголцохгүй бол бид Ерөнхий сайд асан Чимэдийн Сайханбилэгийн санал болгосон “Хэлэлцээрийн ширээг орхиж гарч болно”
Монголын ард түмэн, УИХ, Засгийн Газар “Рио Тинто” компанид нэг нь дангаараа ашиг олох бус хамтдаа ашигтай буюу Европчуудын хэлдгээр “WIN WIN” байя гэсэн саналыг гаргаж байгаа. Түүнээс манайх илүү ашиг авна хэмээгээгүй гэдгийг “Рио Тинто”-ийн төлөөлөгчид ойлгох ёстой.
Эцэст нь Ерөнхий сайд Гомбожавын Занданшатар “Үүнийг шийдвэрлэж чадахгүй бол цаашдаа бид дэлхийн дэг журам өөрчлөгдөж байгаа нөхцөлд “ЖИНХЭНЭ ЭРСДЭЛ” үүсэхвий гэдгээс болгоомжилж байна” гэсэн нь маш тодорхой ойлголтыг “Рио Тинто” ХК-ийн төлөөлөгчдөд өгч чадлаа. 
