Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Товч агуулга
-Де Ротшильд Эпштейний гэмт хэргийг “Тууштайгаар, эргэлзээгүйгээр буруушааж байна” гэж банкны төлөөлөгч мэдэгдэв.
-Банкир болон санхүүч Нью-Йорк, Парис хотуудад уулзахаар тохирч байжээ,
-Эпштейн 2019 онд Манхэттений шоронд амиа хорлосон
Швейцарийн хувийн банк Edmond de Rothschild-ийн тэргүүн, үе залгамжилсан хувийн өмчит банкны удирдагч Ариан де Ротшильд амиа хорлосон, бэлгийн мөлжлөгийн гэмт хэрэгтэн Жеффри Эпштейн-тэй 2019 онд баривчлагдаж, шоронд хоригдохоос нь өмнөх таван жилийн хугацаанд олон арван удаа захидлаар харилцаж, уулзалт хийхээр тохирч байсан нь АНУ-ын Хууль зүйн яамны нийтэлсэн баримтаас ил боллоо.
Өнгөрсөн долоо хоногийн баасан гарагт АНУ-ын Хууль зүйн яамнаас нийтэд ил болгосон баримтад банкир, санхүүч хоёрын харилцаанд гэмт хэргийн шинжтэй үйлдэл илэрхий харагдахгүй байгаа юм. Гэсэн ч 2023 онд Wall Street Journal-д иш татагдсан, банкнаас өгсөн өмнөх тайлбартай зөрчилдөж байна. Тухайн тайлбарт де Ротшильд Эпштейнтэй зөвхөн банкны өдөр тутмын ажлын хүрээнд уулзсан гэж мэдэгдэж байв.
Reuters агентлаг тэдний уулзалтуудын зорилгыг бие даан баталгаажуулж чадаагүй байна.
Захидлуудаас харахад, тэд олон жилийн турш Нью-Йорк болон Парис дахь Эпштейний гэрт уулзахаар хэд хэдэн удаа тохирч, мөн Эпштейн де Ротшильдыг өөрийн гэртээ урьж байжээ.
2019 оны 3-р сарын 19-нд, баривчлагдахаас нь ойролцоогоор дөрвөн сарын өмнө, Эпштейн де Ротшильдэд Парист байгаагаа мэдэгдсэн имэйл илгээжээ.
Үүнд де Ротшильд:
“Чи Францад байна гэж үү?!! Би ч бас Францад байна. Хэзээ завтай вэ?”
гэж хариулсан байна.
“ХЭТ УДААН УУЛЗАЛГҮЙ ЯВЖЭЭ”
Эпштейн:
“Хэт, хэт удаан уулзсангүй” хэмээн хариулж, маргааш нь уулзахаар тохиролцжээ. Гэхдээ тухайн уулзалт эсвэл өмнөх уулзалтууд үнэхээр болсон эсэхийг хэвлэлийнхэн баталж чадаагүй байна.
Энэхүү өмнө нь олон нийтэд ил болоогүй ойр дотно харилцаа нь де Ротшильдыг Эпштейний нийгмийн хүрээлэлд багтаж байсан олон нэр нөлөө бүхий хүмүүсийн жагсаалтад нэмж байгаа юм. АНУ-ын Конгрессын гишүүдийн шахалтаар дэлхийн элит гэгддэг хүмүүс Жэфри Эйпштэйнтэй холбоотой баримтууд ийнхүү ил тод болж байгаатай юм.
Банкны төлөөлөгч хэвлэлд өгсөн мэдэгдэлдээ, Эпштейн нь 2013–2019 оны хооронд де Ротшильдын бизнесийн танил байсан гэжээ.
Тэрээр Эпштейний үйлдлүүдийн талаар ямар ч мэдлэггүй байсан бөгөөд “Түүний үйлдэл болон үйлдсэн гэмт хэргүүдийг тууштайгаар, эргэлзээгүйгээр буруушааж байна” хэмээн банкны төлөөлөгч цахим шуудангаар мэдэгдсэн байна. Гэхдээ захидлуудын тодорхой агуулгын талаар тавьсан олон асуултад хариулаагүй аж.
Эпштейн 2008 онд насанд хүрээгүй охиноос биеэ үнэлэх үйлчилгээ авсан хэргээр гэм буруугаа хүлээн зөвшөөрч, Флорида мужид 13 сарын хорих ял эдэлж байсан.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Де Ротшильд ба Эпштейн нарын ихэнх цахим захидлууд 2010-аад оны дунд үеэс сүүл үе хүртэлх хугацаанд бичигджээ. 2019 оны 7-р сард Эпштейнийг 2002–2005 оны хооронд Нью-Йорк, Флорида мужуудад олон арван насанд хүрээгүй охидыг бэлгийн мөлжлөг, хүчирхийлэлд өртүүлсэн хэргээр яллаж, хүн худалдаалах гэмт хэрэг үйлдсэнд буруутгасан юм. Тэрээр гэм буруугаа хүлээн зөвшөөрөөгүй.
Хэвлэлийнхэн Хууль зүйн яамны онлайн сангаас де Ротшильдын нэр 4'400 гаруй удаа дурдагдсан баримтуудаас түүвэрлэн шалгасан байна. Эдгээрийн олонх нь давхардсан ижил захидлууд байжээ.
2016 оны нэгэн захидалд де Ротшильд Эпштейнд ханиадтай тул “B” гэх хүнтэй хамт байхаа больсон тухайгаа бичсэн байдаг. “B” хэн болох нь тодорхойгүй байна.
Үүний хариуд Эпштейн түүнийг өөрийн байранд ирж хоноглохыг урьж,
“...Ганцаараа, нууцхан байж болно. Хэн ч мэдэхгүй”
гэж бичжээ.
Де Ротшильд түүнд талархал илэрхийлсэн ч, өөр хүнтэй хамт байх болно, тэр хүн нь “миний ээжийн дүрийг тоглоно” гэж бичсэн байна. Мөн “B бол сүйрэл, би түүнийг аргадахаас ядарч байна” хэмээжээ. Түүний нөхөр Бенжамин де Ротшильд 2021 онд нас барсан.
Банкны төлөөлөгч эдгээр тодорхой захидлуудын талаар тайлбар өгөхөөс татгалзсан байна.
1999 онд гэрлэлтээрээ Европын хамгийн алдартай банкны үе залгамжилсан нэгийн гишүүн болсон де Ротшильд нь 2023 оноос хойш Женевт төвтэй Edmond de Rothschild банкны Гүйцэтгэх захирал бөгөөд тус банкны 184 тэрбум швейцар франк (236.8 тэрбум ам.доллар)-ын хөрөнгийг удирддаг.
АНУ-ын Хууль зүйн яамнаас ил болгосон зарим захидлууд (зарим нь туслахуудаар дамжсан) нь де Ротшильдын нэрийн гарын үсэгтэй боловч цахим шуудангийн хаяг нь хэсэгчлэн халхлагдсан байна.
2016 онд Эпштейний туслах де Ротшильдын охинд өгсөн hoverboard-ыг буцааж өгөх тухай зохицуулж байжээ.
2015 онд де Ротшильд Эпштейнд зориулан өөрийн гараар хийсэн лааны тухай тэд захидлаар ярилцсан байна. Эпштейн:
“Лаа гэнэ үү??? Үнэрийг нь тэсэн ядан хүлээж байна. Баярлалаа”
гэж бичжээ.
Де Ротшильд:
“Чиний хамгийн дуртай математик томьёо дээр нь бичигдсэн. Үнэр нь зөвхөн чамд зориулсан. Чиний аралтай зохицно”
гэж хариулсан байна. Эпштейн Карибын тэнгист хувийн аралтай байсан бөгөөд уг арал нь насанд хүрээгүй охидыг бэлгийн мөлжлөгт ашигладаг газар байсан гэх хардлагад өртөж байжээ.
2018 онд де Ротшильд Парист ирснийхээ дараа Эпштейнд:
“Өнөө өглөө үнэхээр гайхалтай нар мандлаа”
гэж бичиж, амралтын өдрөөр утсаар ярихаар тохирсон байна.
Жеффри Эпштейн 2019 оны 8-р сарын 10-нд Манхэттений шоронд 66 насандаа амиа хорлосон.
Де Ротшильд нь 18-р зууны Франкфуртаас эхтэй банкны угсаанд анх удаа санхүүгийн байгууллагыг удирдсан эмэгтэй болсон юм.
АНУ-ын Хууль зүйн яамны дэд сайд Тодд Бланш Баасан гарагт мэдэгдэхдээ, Эпштейнтэй холбоотой бүх баримтыг нийтэд ил болгохыг шаардсан хуулийн дагуу Трампын засаг захиргааны хүрээнд хийгдсэн ажиллагаа ийнхүү дуусгавар болсныг онцолсон байна.
(1 ам.доллар = 0.7769 швейцар франк)
