Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Товч агуулга
-Швейцарийн "UBS" банк Гислейн Максвеллийн дансыг Жефри Эпштейнтэй холбоотой байдлыг үл харгалзан удирдаж байсан.
-АНУ-ын "JPMorgan" банк 2011 онд Максвеллийг “Эрсдэл өндөртэй харилцагч” гэж ангилж байжээ.
-Жеффри Эпштейнийг 2019 онд баривчилагдсаны дараа ч "UBS" банк Максвеллийн дансыг удирдсаар байжээ.
Дэлхийн санхүүгийн салбарын аваргуудын нэг Швейцарийн "UBS" банк 2014 онд, АНУ-ын JPMorgan Chase банк Жеффри Эпштейнтэй харилцаагаа тасалснаас хэдхэн сарын дараа, түүний ойрын хамсаатан Гислейн Максвеллийн нэр дээр данс нээж өгчээ. Баримтаас үзэхэд, "UBS" банк түүнийг бэлгийн мөлжлөгийн хэрэгт буруутгагдан ял сонсох хүртэлх хугацаанд 19 сая ам.долларын хөрөнгийг удирдан зохицуулсан байна.
Энэхүү баримт нь АНУ-ын Хууль зүйн яамнаас өнгөрсөн сард олон нийтэд ил болгосон материалын нэг хэсэг бөгөөд 2020 онд баривчлагдаж, 2021 онд "Жефри Эпштейн насанд хүрээгүй охидыг бэлгийн мөлжлөгт өртүүлэхэд нь тусалсан" хэрэгт буруутгагдсан Гислейн Максвеллийн "UBS" банктай харилцаж байсан цар хүрээг ил болгож байна. Тэрээр одоо 20 жилийн хорих ялаа эдэлж байгаа юм.
Ил болсон баримтад UBS банк Максвеллийн нэр дээр хувийн болон бизнесийн данс нээж, дансанд нь бэлэн мөнгө, хувьцаа, хедж сангийн хөрөнгө оруулалтууд байршуулж байсан нь нотлогджээ. Түүнчлэн UBS банк Максвеллийг хоёр харилцааны менежертэй холбож, олон сая ам.долларын гүйлгээг зохицуулж, чинээлэг харилцагчдад зориулсан давуу үйлчилгээ үзүүлж байсныг тухайн баримтууд мөн нотолж байгаа юм
Түүнчлэн 2014 онд JPMorgan банк Эпштейний дансуудыг хаасны дараа UBS банк түүнд кредит карт олгосон тухай имэйл ил болсон байна. Эпштейн 2008 онд насанд хүрээгүй охины биеийг үнэлүүлсэн хэргээр яллагдаж байсан юм.
Уг данс тухайн оны 9-р сард хаагдсан бөгөөд Эпштейний нягтлан бодогч UBS банк энэ шийдвэрийг “Нэр хүндийн эрсдэл”-тэй холбон гаргасан гэж мэдэгдсэн тухай имэйлд дурджээ. Гэсэн ч Эпштейнтэй ойр дотно харилцаатай нь олон нийтийн мэдээллийн хэрэгслээр хэдийнэ ил болоод байсан Максвелльтэй UBS банк харилцаагаа үргэлжлүүлсэн байна.
UBS банк энэ мэдээлэлтэй холбоотой хэвлэлийнхний асуултад, түүн дундаа өөр банкнаас өндөр эрсдэлтэй гэж үнэлэгдсэн харилцагчийг яагаад хүлээн авсан талаар тайлбар өгөхөөс татгалзсан. UBS банк болон түүний зөвлөхүүд хууль бус үйлдэл хийсэн гэх нотолгоо байхгүй бөгөөд зарим баримтаас харахад JPMorgan банкнаас Максвеллийн дансыг шилжүүлэхийн өмнө шаардлагатай шалгалт (due diligence) хийсэн гэж үзэж болох ч уг шалгалтын нарийн мэдээлэл тодорхойгүй байна.
Максвеллийн өмгөөлөгч тайлбар өгөх хүсэлтэд хариу ирүүлээгүй аж.
МАКСВЕЛЛ "UBS" БАНКТАЙ ЯАЖ ХОЛБОГДСОН БЭ!
Эпштейн болон Максвелль нар JPMorgan банканд олон жил харилцагч байсан ч Эпштейн 2008 онд ял авснаас хойш тэдэнтэй холбоотой эрсдэлд банк улам их анхаарах болсон байна.
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
2011 онд “Харилцагчаа таньж мэдэх” (KYC) шалгалтын үеэр JPMorgan банк дотооддоо Максвеллийг Эпштейнтэй холбоотой учир “Өндөр эрсдэлтэй харилцагч” гэж тэмдэглэж байсныг АНУ-ын шүүхээс ил болгосон баримтууд баталж байгаа юм.
2013 онд JPMorgan банк Эпштейний дансуудыг хаахаар шийдсэн байна.
АНУ-ын Виржинийн арлуудын засаг захиргаа Нью-Йорк дахь холбооны шүүхэд JPMorgan банкны эсрэг гаргасан нэхэмжлэлдээ:
“Банкны бодлогын дагуу, ял шийтгэлтэй этгээдүүд (Эпштейн мэт) өндөр эрсдэлтэйд тооцогдож, нэмэлт зөвшөөрөл шаарддаг” гэж тэмдэглэсэн байдаг. JPMorgan банк уг хэргийг 2023 онд 75 сая ам.долларын торгууль төлөн эвлэрсэн аж.
(Өөрөөр хэлбэл: JP Morgan банкыг “Банк гэмт хэргийг өөрөө үйлдээгүй ч, мэдсээр байж санхүүгийн дэмжлэг үзүүлсэн” гэж буруутгагдсан.)
JPMorgan банк Эпштейний гэмт хэргийг мэдээгүй байсан гэж мэдэгдсээр ирсэн бөгөөд Максвеллийн дансыг хэзээ, яагаад хаасан талаар тайлбар өгөхөөс татгалзжээ.
2013 оны 12-р сард тухайн үед Soros Private Equity Partners-ийн түнш байсан Дэвид Вассонг Максвеллийг UBS банкны ажилтантай танилцуулсан нь имэйлээс тодорхойсон болсон.
“Би өөрийн хамгийн сайн найзуудын нэг болох Гислейн Максвеллийг (sic) cc хийлээ. Тэр шинэ хөрөнгө удирдагч хайж байгаа, би түүнийг та нартай заавал уулзах ёстой гэж хэлсэн”
гэж Вассонг бичжээ.
2014 оны 2-р сарын 14-ний өдөр илгээсэн, нэрсийг дарсан имэйлд UBS банкинд хандан “JPMorgan-оос шилжилтийг яаралтай дуусгах”-ыг хүссэн байна.
“Гислейн ирэх долоо хоногоос нэг сараас дээш хугацаагааар аялах болсон тул явахаасаа өмнө бичиг баримтаа бүрдүүлж, шилжилтийг дуусгах шаардлагатай. Мөн тантай утсаар холбогдож, өөрийгөө танилцуулахыг хүсэж байна” гэжээ.
Үүний дараахан UBS банк Максвеллийн дансыг нээж, тэрээр уг дансыг хувийн хэрэглээ болон бизнесүүддээ, тухайлбал TerraMar Project буяны байгууллага, Ellmax, Pot & Kettle, Max Foundation, Max Hotel Services зэрэг байгууллагад ашиглаж эхэлсэн байна. 2014 оны 2-р сар гэхэд түүний UBS банкны нэг дансанд ойролцоогоор 2 сая ам.доллар байжээ.
Максвелль банканд мөнгөө хэрхэн шилжүүлэх заавар өгдөг байсан бөгөөд 2016 онд Скотт Боргерсон руу 2.5 сая ам.доллар шилжүүлэхийг хүссэн баримт бий. Тэр жилээ Максвелль Боргерсонтой гэрлэсэн юм.
2019 оны 7-р сарын 22-нд, Эпштейнийг баривчилснаас 16 хоногийн дараа, Максвеллийн хүсэлтээр UBS банк түүний хадгаламжийн данснаас 130 мянган ам.доллар шилжүүлж, American Express картын төлбөрийг нь төлсөн байна.
2019 оны 8-р сарын 16-нд, Эпштейнийг баривчилснаас хойш нэг сарын дараа, UBS банк Максвелльтэй холбоотой Тангарагтны шүүхийн зарлан дуудах бичиг хүлээн авч, Холбооны мөрдөх товчоонд (FBI) утасгүй гүйлгээний мэдээлэл өгсөн тухай албан бичигт дурджээ.
Хэвлэлийнхэн UBS банк Максвеллийн дансуудыг хэзээ, эсвэл огт хаасан эсэхийг тогтоож чадаагүй байна.
