Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
АНУ-ын Ерөнхийлөгч Дональд Трамп НАТО-гийн гишүүн Испанитай хийх худалдааг нэн даруй зогсоохыг Сангийн сайд Скотт Бессентэд үүрэг болгосон байна. Батлан Хамгаалахын зардал болон Ираны дайны асуудлаас үүдэлтэй энэхүү шийдвэр нь НАТО-гийн холбоотнуудын дунд үүсээд буй зөрчлийг улам хурцатгалаа.
Европын удирдагчид Туркын нийслэл Анкара хотноо болсон НАТО-гийн дээд хэмжээний уулзалтаар эвслийн дотоод санал зөрөлдөөнийг намжаана гэж найдаж байсан ч Трамп Испанийг "Хамгийн муу түншүүдийн нэг" хэмээн шүүмжилж, маргааныг дахин өдөөсөн. Тэрээр мөн Грийнланд АНУ-ын хяналтад байх ёстой гэсэн байр сууриа дахин илэрхийлсэн нь Данийн эсэргүүцэлтэй тулгарч, Копенхаген улс орныхоо газар нутгийн бүрэн бүтэн байдлаа хамгаална гэдгээ мэдэгдэв.
Энэ нь Ерөнхийлөгч Дональд Трамп Испанитай хийх худалдааг зогсоох талаар хоёр дахь удаагаа мэдэгдэж буй тохиолдол юм. Тэрбээр энэ оны гуравдугаар сард мөн адил үүрэг өгсөн ч хоёр улсын худалдаа бодит байдал дээр хэвийн үргэлжилсэн байна.
Трамп НАТО-гийн Ерөнхий нарийн бичгийн дарга Марк Рюттетэй уулзах үеэрээ:
Испани ямар ч асуудлаар зөвшилцөлд хүрдэггүй. Тэднийг бусад нь үүрч явах ёсгүй.
хэмээн мэдэгджээ.
Үүний хариуд Марк Рютте Испани өнгөрсөн жил батлан хамгаалахын зардлаа дотоодын нийт бүтээгдэхүүний хоёр хувьд хүргэсэн нь томоохон ахиц боловч шийдвэрлэх асуудал үлдсэнийг онцолсон байна.
Дональд Трамп Испанийн Ерөнхий сайд Педро Санчес АНУ Ираны эсрэг явуулж буй цэргийн ажиллагаанд тус улс агаарын орон зай болон цэргийн баазуудаа ашиглуулахыг зөвшөөрөөгүйд удаа дараа шүүмжлэлтэй хандаж иржээ.
Трамп уулзалтын үеэр:
Би тэдэнтэй ямар ч худалдаа хийхийг хүсэхгүй. Шууд хэрэгжүүл. Тэдэнтэй битгий ярь. Тэд найдваргүй түнш. Биднээс их ашиг олдог байсан, харин одоо тэр ашиг нь эрс багасна.
хэмээн мэдэгдэж, Сангийн сайд Скотт Бессентэд даруй хэрэгжүүлэхийг даалгасан байна.
Харин Испанийн Ерөнхий сайдын ажлын алба Трампын мэдэгдлийг "Улс төрийн ердийн мэдэгдэл" хэмээн үзэж, Вашингтонтой тогтоосон "маш сайн" харилцаагаа өөрчлөх бодолгүй байгаагаа илэрхийлжээ. Мөн Испани АНУ-тай худалдааны алдагдалтай байдаг бөгөөд хоёр улсын эдийн засгийн харилцааг хувийн хэвшлийн компаниуд голлон бүрдүүлдэг гэдгийг онцолсон байна. Түүнчлэн Европын Холбооны гаалийн болон худалдааны дүрмийн дагуу АНУ нэг гишүүн улсыг дангаар нь онилон худалдааны арга хэмжээ авах нь эрх зүйн хувьд төвөгтэй гэдгийг сануулжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
АНУ, Испани хоёр Испанийн өмнөд хэсэгт байрлах тэнгисийн цэрэг болон агаарын хүчний стратегийн ач холбогдолтой хоёр баазыг хамтран ашигладаг. Испанийн эрх баригчдын мэдээлснээр одоогоор АНУ эдгээр баазаас машин техникээ татах ямар нэгэн төлөвлөгөө хэрэгжүүлж эхэлсэн шинж тэмдэг ажиглагдаагүй бөгөөд харин ч хөрөнгө оруулалт нь нэмэгдсээр байгаа аж.
Олон улсын худалдааны эрх зүйн шинжээч Женнифер Хиллманы тайлбарласнаар Испанид дангаар нь худалдааны хориг арга хэмжээ авахын тулд АНУ үндэсний онц байдал зарлаж, Испани нь үндэсний аюулгүй байдал, гадаад бодлого эсвэл эдийн засагт заналхийлж буйг хууль ёсоор нотлох шаардлагатай юм.
Ерөнхийлөгч Дональд Трамп сүрдүүлсэн ч АНУ-ын томоохон хөрөнгө оруулагчид Испанийн зах зээлд эерэг хандлагаа хадгалсаар байна.
Дэлхийн хамгийн том хөрөнгө удирдлагын компани болох БлэкРок оны дунд үеийн тайландаа Испанийг эдийн засгийн өсөлтөөрөө хөгжингүй орнуудын дундаас тэргүүлж буй тул хувьцааны хөрөнгө оруулалтын хамгийн сонирхолтой зах зээл хэмээн үнэлжээ.
Тус компани Испанийн хувьцаа, бонд, хувийн хөрөнгө оруулалт болон үл хөдлөх хөрөнгийн салбарт нийт 104 тэрбум еврогийн хөрөнгө эзэмшиж байгаа бөгөөд ойрын зургаан сарын дэлхийн хэмжээний хамгийн том хөрөнгө оруулалтын төлөвлөгөөгөө мөн Испанид төвлөрүүлж буйгаа мэдэгдсэн байна.
Гэсэн хэдий ч Испанийн Эдийн засгийн яамны мэдээллээр 2026 оны эхний улиралд АНУ-аас орж ирсэн цэвэр хөрөнгө оруулалт 1.9 тэрбум еврогоор буурчээ.
Испани нь дэлхийн хамгийн том оливын тос экспортлогч орон бөгөөд АНУ-д автомашины сэлбэг, ган, химийн бүтээгдэхүүн, дарс зэрэг бараа нийлүүлдэг. Шинжээчдийн үзэж буйгаар Испани нь Европын бусад улстай харьцуулахад АНУ-ын худалдааны дарамтад харьцангуй бага өртөх боломжтой аж.
Харин Испанийн дарсны үйлдвэрлэл АНУ-ын зах зээлд өмнөхөөсөө хүндрэлтэй болсон бөгөөд 2025 онд дарсны экспортын мөнгөн дүн 4.3 хувь, экспортын хэмжээ 2.6 хувиар буурсан байна.
