Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
УИХ-ын гишүүн Д.Цогтбаатарыг Хөгжлийн банкны хэргээр ял шийтгэсэн анхан шатны шүүхийн шийдвэрийг Дээд шүүх хэвээр үлдээсэн. Ингэснээр УИХ-ын гишүүн Д.Цогтбаатарын бүрэн эрхийн асуудал хөндөгдөх болсон ч одоогоор ямар нэгэн шийдвэр гараагүй хүлээгдэж байна.
Уг нь шүүхийн шийдвэр нь гарсан бол УИХ-ын дарга асуудлыг хэлэлцэх асуудалд оруулаад, УИХ-ын тогтоол батлаад эгүүлэн татах зохицуулалттай. Үндсэн хуулийн 29.3 дүгээр зүйлд "Улсын Их Хурлын гишүүн гэмт хэрэгт холбогдсон тухай асуудлыг Улсын Их Хурлын чуулганаар хэлэлцэж, бүрэн эрхийг нь түдгэлзүүлэх эсэхийг шийдвэрлэнэ. Уул гишүүн гэмт хэрэг үйлдсэн гэж шүүх тогтоовол Улсын Их Хурал түүнийг гишүүнээс нь эгүүлэн татна" гэж заасан юм.
Харин УИХ-ын тухай хуульд УИХ-ын гишүүний бүрэн эрх хугацаанаасаа өмнө дуусгавар болох тухай ингэж зохицуулсан. “Гишүүн гэмт хэрэг үйлдсэн болох нь хуулийн хүчин төгөлдөр болсон шүүхийн шийдвэрээр тогтоогдсон бол" гэжээ. Энэхүү хуулийн зохицуулалтаар явбал Дээд шүүхийн шийдвэр гарсан өдрөөс УИХ-ын гишүүн Д.Цогтбаатарын бүрэн эрх дуусгавар болно. Гэхдээ тэрээр одоо ч чуулганы хуралдаандаа сууж, хууль батлах санал хураалтад оролцсон хэвээр байна.
Уг нь Улсын дээд шүүх өнгөрсөн арванхоёрдугаар сарын 16-нд шийдвэрээ гаргасан ч одоогоор шүүхийн тогтоол нь албажаагүй байна. Хуульд 30 хоногийн дотор шүүхийн шийдвэрийг албажуулна, шаардлагатай бол дахин 30 хоногоор сунгаж болно гэж заажээ. Тиймээс энэ хугацаанд Улсын дээд шүүх шийдвэрээ албажуулна. Гэхдээ хуульд шүүхийн шийдвэр гарсан өдрөөс хэрэгжүүлнэ гэж зааснаас албажиж ирсэн өдрөөс хэрэгжүүлнэ гэж заагаагүй.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Гэтэл УИХ шүүхийн шийдвэр албажиж ирээгүй гэсэн тайлбар өгөөд шүүхийн шийдвэрийг хэрэгжүүлэхгүй, ямар нэгэн тайлбар өгөхөөс зайлсхийж байна.
Энэ асуудлыг УИХ-ын Ёс зүй сахилга хариуцлагын байнгын хорооны дарга Б.Баярбаатар ингэж тайлбарлалаа.
Шүүхийн тогтоол албажиж гараад УИХ-д ирээгүй байна. Албажаагүй юмыг УИХ ярих эрх зүйн үндэс байхгүй. Ямар ч байсан шүүхийн шийдвэр албажаад ирэг. Ирснийх нь дараа асуудлыг яръя гэж эхний байдлаар шийдсэн. Гэхдээ УИХ шүүхийн шийдвэрийг хэлэлцэх ч эрх зүйн үндэс байхгүй. Хэрвээ хэлэлцвэл парламент өөрөө хууль зөрчинө. Хэрвээ шүүхийн шийдвэрийг УИХ хэлэлцвэл шүүх гэж байгаад яах юм бэ гэдэг байдал руу орно. Ер нь энэ маш ээдрээтэй байдал үүсчихээд байгаа юм. Ямар ч байсан шүүхийн тогтоол албажаад ирэг гээд түр харзнасан байдалтай байна
УИХ-ын гишүүн Д.Цогтбаатар 2024 оны УИХ-ын сонгуулиар Хангай бүс буюу нэгдүгээр тойрогт АН-аас нэр дэвшиж УИХ-ын гишүүнээр сонгогдсон. Тэрээр 55,935 сонгогчийн санал авч анх удаа УИХ-ын гишүүнээр сонгогдон ажиллаж байна.
Гэхдээ шүүхээс түүнийг гэм буруутайд тооцсон тул Үндсэн хууль, УИХ-ын тухай хуульд зааснаар түүний бүрэн эрх дуусгавар болох ёстой. Дээд шүүхийн шийдвэр гарснаас хойш Д.Цогтбаатар гишүүн нь бүрэн эрхээсээ түдгэлзэхгүй гэж мэдэгдээд буй юм.
