Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Амь насаа 3 тэрбум төгрөгөөр үнэлж, 30 сая төгрөгөөр даатгуулсан "Эрдэнэс алт ресурс" компанийн захирал Э.Ууганбаярын албан тушаалын суудал ганхаж, тэр уцаартай байна. Түүнийг 2023 оны долоодугаар сарын 5-нд "Эрдэнэс Алт Ресурс" ХХК-ийн гүйцэтгэх захирлын үүрэг гүйцэтгэгчээр томилсон байдаг. Гэхдээ тун удахгүй түүнийг сэлгэнэ гэж эх сурвалж мэдээллээ.
Учир нь, Э.Ууганбаяр захиралд төрийн өмчит компанийн мөнгөөр эрсдэлд орж болзошгүй үндэслэлээр өөрийнхөө амь насыг даатгуулсанаас гадна ашиг сонирхлын зөрчилтэй, хууль зөрчсөн байж болзошгүй үйлдэл олон гаргасан гэх.
Түүний гарын үсгээр баталгаажиж, түүний шийдвэрээр албажсан ноцтой шийдвэрүүдийн нэг нь “Эрдэнэс алт ресурс” ХХК 719 сая төгрөгийн өртөгтэй Баяжуулах-1 үйлдвэрээ “Аглаг хангайн уулс” ХХК-д, 7.5 тэрбумын өртөгтэй Баяжуулах 2-р үйлдвэрээ “Соёолон интернэшнл” ХХК-д үнэгүй ашиглуулж байна.
Төрийн өмчит “Эрдэнэс силвер ресурс” компани нь хамгийн анх 2022 оны нэгдүгээр сард “Аглаг хангай уулс” ХХК-тай өөрийн өмчийн Баяжуулах 1 дүгээр үйлдвэрээ түрээслэхээр гэрээлсэн ч, энэ гэрээнд 2023 оны 12-р сарын 15-ны өдөр нэмэлт өөрчлөлт оруулан цаашид Баяжуулах 1 дүгээр үйлдвэрийн эд хөрөнгийг “Аглаг хангайн уулс” ХХК-д ҮНЭ ТӨЛБӨРГҮЙГЭЭР ашиглуулахаар болсон байна. Ингээд “Аглаг хангай уулс” ХХК нь хүдэр боловсруулсны төлбөрт зөвхөн 2024 онд 16,460,154,788 төгрөгийг авчээ.
Харин “Эрдэнэс алт ресурс” ХХК нь Баяжуулах 2 дугаар үйлдвэрийн туршилтын тохиргооны ажлыг гүйцэтгүүлэхээр 2022 оны тавдугаар сарын 17-ны өдрийн АГГ-08/22 дугаартай гэрээг “Соёолон интернэшнл ХХК-тай байгуулжээ. Гэхдээ дахин гэрээнд 2024 оны зургаадугаар сарын 14-ны өдөр нэмэлт өөрчлөлт оруулж, Салхитын мөнгөний ордын хүдэр Баяжуулах 2 дугаар үйлдвэрийн өдөр тутмын үйл ажиллагааг ҮНЭ ТӨЛБӨРГҮЙГЭЭР бүрэн хариуцуулж, баяжмал үйлдвэрлэх эрхийг олгосон байна. “Соёолон интернэшнл” ХХК нь хүдэр боловсруулсныхаа төлбөрт зөвхөн 2024 онд нийтдээ 22,083,926,373 төгрөг авчээ.
Хууль бус байж болзошгүй энэ мэт үйлдлүүдийг хамгийн нэгдүгээрт "Эрдэнэс алт ресурс” ХХК-ийн захирал Э.Ууганбаяр хянах ёстой. Уг нь Засгийн газар төрийн өмчит компаниудын үрэлгэн зардал, эрх ашигт үйлчилсэн шийдвэрүүдийг хүчингүй болгохоо удаа дараа мэдэгдсэн ч, “Эрдэнэс алт ресурс" ХХК Баяжуулах үйлдвэрээ бусдад үнэгүй ашиглуулсан хэвээр байна. Ингэхдээ түүхий эдээ үнэгүй нийлүүлж, үйлдвэрлэсэн бүтээгдэхүүнийг нь худалдан авч байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Төрийн өмчийг үнэгүйдүүлсэн, хэн нэгэнд давуу байдал бий болгосон энэ үйлдлээс гадна Э.Ууганбаяр захирлын гарын үсгээр баталгаажиж, "Эрдэнэс алт ресурс" компанийн тендерт гүйцэтгэгчээр шалгарсан "Тайхаржин майнинг" компани нь туслан гүйцэтгэгчдийнхээ ажлын хөлсийг өгч чадахгүй дампуурахад ойрхон болсон гэж туслан гүйцэтгэгчээр ажилласан иргэн, аж ахуйн нэгжүүд бухимдалтай байна. Зөвхөн нүүрээ ил гарахыг хүссэн 14 иргэн гэхэд нийт 810 сая төгрөгийн ажлын хөлсөө авч чадахгүй, зээлээс зээлийн хооронд амь наана там цаана амьдрал нь хэцүүхэн болсноо ярьсан юм. Тэдний авах ёстой 810 сая төгрөг нь зөвхөн 2024.11.01-2025.01.15 хүртэлх ажлын хөлс нь гэлээ.
Дундговь аймгийн Гурвансайхан сумын нутагт орших Салхитын ордын ил уурхайн хэсэгт хөрс хуулалт, хүдэр олборлолтын ажлын гүйцэтгэгчээр Н.Өлзийбаяр захиралтай "Тайхаржин Майнинг" компанийг тендерт шалгаруулж, 2024 оны 9 дүгээр сарын 09-ний өдөр уулын ажил гүйцэтгэх гэрээ байгуулжээ. Ингэхдээ нэг жилийн хугацаанд 21 тэрбум 280 сая төгрөгийн ажлыг гүйцэтгэхээр тохиролцсон байна.
"Тайхаржин Майнинг" компани өнгөрсөн хугацаанд хийсэн ажлынхаа хөлсийг захиалагч "Эрдэнэ алт ресурс" компаниас аваад явсан ч, ажил гардан гүйцэтгэсэн туслан гүйцэтгэгч иргэн, аж ахуйн нэгжид ажлын хөлсийг нь бүрэн өгөөгүй. Ийм санхүүгийн чадамжгүй компанийг анхнаасаа яагаад "Эрдэнэс Алт ресурс" компани гүйцэтгэгчээр шалгаруулж, Э.Ууганбаяр захирал гэрээ байгуулсан бэ гэдэгт хариулт шаардлагатай байна. Тэд халаас нэгтэй ашиг сонирхлын зөрчилтэй байсан уу? Учир нь, "Тайхаржин майнинг" компани хөрс хуулалт хийж, хүдэр олборлох нэг ч өөрийн техник хэрэгсэлгүй. Ажил гүйцэтгэх гэрээ байгуулснаас хойш буюу өнгөрсөн хугацаанд зөвхөн хувь хүн, жижиг аж ахуйн нэгжийн техник хэрэгслийг түрээсэлж, туслан гүйцэтгэгчээр ажиллуулсан юм. Ингэхдээ нэг метр куб хөрсийг хуулах төлбөрөө дунджаар 1500 төгрөгөөр бодож, туслан гүйцэтэгч нарынхаа хөлсийг тооцжээ. Гэтэл "Эрдэнэс алт ресурс" компанитай гэрээ байгуулахдаа ажлын хөлсөө нэг метр куб нь 7600 төгрөг байхаар тооцож, төлбөрөө авсан байна.
Асуудлыг тэнцвэртэй хүргэхээр "Эрдэнэс алт ресурс" компанийн удирдлага Э.Ууганбаяртай утсаар холбогдсон ч, гүйцэтгэгч компанийн санхүүгийн асуудал, ажлын хөлсөө өгөхгүй байх асуудал бидэнд хамаагүй гэж даналзах. Ингэхдээ өөртэй нь уулзахыг хүсвэл компанийн бичиг хэрэгт нь албан бичгээр хүсэлт өгч, хэвлэлийн төлөөлөгчөөр дамжин ирэхийг шаардсан юм. 
