Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Улс төрийн тогтворгүй байдлыг өдөөж дахин дахин хамтарсан Засгийн газрын мууг нь олж бичсэн юм биш шүү. Ц.Элбэгдорж нарыг дэмжиж, Л.Оюун-Эрдэнэ нарын эсрэг бол дуугарсан гэвэл бүр биш. Ердөө Л.Оюун-Эрдэнийн Засгийн газар ажлаа чанартай хийж буй эсэхийг өрнөөс өрний хооронд амьдрах ард түмний амьдрал, татварын өрөө дийлэхгүй үүдээ барих компаниуд бодитоор нотлох тул байн байн шүүмжлээд буй нь энэ.
Л.Оюун-Эрдэнийн Засгийн газрыг шүүмжилж, унагавал "сахил хүртээд шал дордоно" гэдэг л болно. "Тэднийг оролдох дэмий"... гэж нийтлэлч гэх автортай нэр бүхий эрхэм удаа дараа цахим хуудастаа бичих болов. Ерөнхий сайдыг өмөөрөх түүний гол шалтаг нь хамтарсан Засгийн газар Монголын эдийн засгийг тэлэх 14 мега төсөл гэж. Тэд дөнгөж эхэлж байхад битгий цалгардуул гэх санааг удаа дараа илэрхийлэх.
Улсдаа хөрөнгө оруулалт татах төсөл хөтөлбөрөө сайн хэрэгжүүлдэг ч, авлигажсан, хөрөнгөжсөн төртэй, төрийн эрх мэдэлтнүүдтэй "улны" ард түмэнтэй байвал Л.Оюун-Эрдэнэ ч гэлтгүй хариуцлага алдсан хэнбэ гуай нь ч, улс төрийн хариуцлагаа үүрээд, ард түмнээсээ уучлал гуйгаад "индэр" дээрээсээ бууж чаддаг ёс зүйтэй байх учиртай юм. Ийм л ёс зүйг Ерөнхий сайд ба түүний нөхдөөс нэхэн бичлээ.
"Засгийн газар огцор" нэртэй жагсаал "Ц.Элбэгдорж, Ч.Сайханбилэг нарыг авчирч, хариуцлага тооцохыг шаардсан" жагсаал болж өөрчлөгдөж, "Үндэсний баялгийн сан" нэвтрүүлгийг өргөн нэвтрүүлгийн 18 телевизээр шил дараалан түгээх нь Засгийн газар үндсэн ажлаасаа гадна "арьсаа хамгаалах" пи-арыг зогсолтгүй хийж буйг илтгэх. Зэрэгцээд З.Энхболд нарын "Ухаа худгийг улс эргүүлж ав" гэх шаардлагууд Засгийн газартай хэн хэн эвсэж, улс төрийн ашиг сонирхлоо нэгтгэснийг хэрсүү иргэд нь ангилж уншиж чаддаг боллоо.
Засгийн газрын огцрох хамгийн том шалтгаан бол Үндсэн хуулийн 16.2-т заалт хэрэгждэггүй, иргэд нь туйлдаж байна. Үндсэн хуульдаа "Эрүүл, аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах эрхтэй" гэж цагаан дээр хараар тод бичиж, тахичихаад хэрэгжүүлдэггүй Засгийн газар хэр удаан хөгжил, хөрөнгө оруулалт ярих вэ?
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Сүүлийн 7 жилд зөвхөн угаарын хордлогоос буюу утаанаас болж 779, агаарын бохирдлын дам нөлөөнөөс жилд 7169 хүн нас бардаг гэсэн тоон баримт ил боллоо. Гэвчиг Засгийн газар хариуцлагагүй ажилласан энэ үйлдэлдээ огтоос уучлал хүсээгүй.
Дээрээс нь УИХ дахь цөөнхийн бүлэг буюу эрх баригчдтай хамтарч Засгийн газар байгуулсан Ардчилсан нам, ХҮН "хэлээ хазжээ"... Ийнхүү ард түмэн цөөнхөөр дамжуулан эрх баригчдыг хянаж чадахгүй туйлдаж байна. Үндсэндээ олонх, цөөнх болсон намууд хамтарч Засгийн газар байгуулбал парламент дотор хяналтгүй, хууль бус олонх бий болж, Засгийн газрын үйл ажиллагаа хяналтаас гараад удлаа. УИХ дахь гол сөрөг хүчин Ардчилсан нам хөдөлж чадахгүй. Намын дарга Л.Гантөмөр нь Шадар сайд гэхээсээ Ерөнхий сайдын "бараа бологч" болсон гэж Ерөнхий сайд асан Р.Амаржаргал нэгэн ярилцлагадаа тодорхойлжээ.
Ардчилсан нам Засгийн газарт орж ажиллаж, Ерөнхий сайдыг дэмжих чиглэлтэй байж болох ч зарим асуудалд сөрөг хүчний үүргээ давхар биелүүлж Засгийн газартаа манлайлж, эрх баригч талаа чиглүүлээд явах боломжтой. Ардчилсан намд тийм бололцоо бий ч, Лу.Гантөмөр даргатай АН-ын сайд нарын зориг нь хүрэхгүй, санаачилга гаргахгүй "хайрцаглагджээ"... Тухайлбал, иргэн, ААН-ийг туйлдуулаад буй татварын дарамтыг өөрчлөхөд шийдэл хайж, Татварын тухай хуулийн төслийг гардан барьж, Засгийн газрын тэргүүнээ толгой дохиж зөвшөөртөл нь шуурхай ажиллах боломж бий. Мөн ард түмэн нь Засгийн газраас хариуцлага нэхэж буй энэ цаг дор Лу.Гантөмөр намын гишүүдээ буруутгаж тайлбарлахаас илүүтэй хамтарсан Засгийн газрын гишүүддээ үлгэрлэл үзүүлж, хариуцлагаа үүрээд танхимаасаа гараад явах боломж байсан. Гэхдээ тэд үнэхээр эрх баригч намтай халаас нэгтэй, удирдлага нэгтэй болсон оо үг, үйлдлээрээ харуулсаар байх. 
