Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Өнгөрсөн есдүгээр сард болсон МАН-ын VIII -аар бага хурлаар явагдсан намын даргын сонгууль Монголын улстөр дэх идээ бээрийг “шахах” шиг болж байна. Дан ганц эрх барих хүчин болох МАН-ын дотоод хагарал мэт боловч АН-ын хагарлын эх ч дахин тавигдаж байж болох. Улмаар ужгирсаар Ерөнхийлөгч энэхүү тулаанд “оройлон” орж ирлээ. Үнэхээр ч хөшигний ард харж суун галын дэмжлэг хангалттай үзүүлээд үзүүлээд Г.Занданшатар гэх цэрэг нь “тулаан” бүртээ ялагдаад байгаа тул Төрийн тэргүүн тэсэлгүй тэргүүн эгнээнд “тулалдахаар” орж ирэв. Түүний “гар зангидан” орж ирж буй нь ч аргагүй. Өөрийнх нь Тамгын газрын даргаар ар араасаа ажилласан гурван нөхөр нь (Гомбожавын Занданшатар, Янгуугийн Содбаатар, Жадамбаагийн Энхбаяр ) МАН-ын залуучуудын жигүүрт мад тавиулсаар байгааг харж чимээгүй суух нь Ерөнхийлөгч Ухнаагийн Хүрэлсүхийн цаашдын хүсэл болон араншинд нийцэхгүй. Тэр хэзээнээсээ л тэвчээргүй зангаараа, зандчиж загнадагаараа алдартай. Түүний энэ занг сайн, муу гэж дүгнэх боломжгүй. Учир нь тэр Монгол Улсын нэгдүгээр хүн буюу Төрийн тэргүүн болж чадсан. Ялалтад ямар ч буруу үгүй гэдэг үгтэй тул буруутгах ч боломжгүй. Гэхдээ эцсийн мөчид энэ зан нь түүнийг дарангуйлагч болгон харагдуулах ангал руу чирсээр буй. Түүх яаж өөрчлөгдөхийг хэн ч мэдэхгүй. Гэхдээ цаг хугацаа харуулна.
Монгол Улсын Үндэсний Аюулгүй Байдлын Нарийн бичгийн дарга Алтангэрэлийн Бямбажаргал гарч ирж Ерөнхийлөгч Ухнаагийн Хүрэлсүхийн хоригийг тайлбарласан нь улстөрийн идээ бээр ямар том "хавдар" болж, газар аван тархсаныг нийтэд ойлгуулж байна. Ерөнхийлөгч Ухнаагийн Хүрэлсүх Үндэсний Аюулгүй Байдлын тэргүүн ч гэлээ түүний хоригийг ҮАБЗ-ийн нарийн бичгийн дарга тайлбарлах хуулийн боломж бий юу? Төрийн тусгай албыг Ерөнхийлөгч хэрхэн ашиглаж байгааг харж, алмайрч, айж, амаа хамхиж амжаагүй байтал нэмээд Үндсэн Хуулийн Цэцийн гишүүн Одонхүүгийн Мөнхсайханы асуудал мэл гайхуулж, цэл хөхрүүлэв.
Яагаад энэ хоёр хуульч өөрийн эрхэм чанар, хуульчийн ёс зүйгээ зөрчин байж эрх үүргээ хэтрүүлэн мэдэгдэл хийж, эсвэл асуудлыг шуурхайлах болов гэсэн асуулт ???
Магадгүй Ерөнхийлөгч Ухнаагийн Хүрэлсүх өнөөдрийг болтол хуулийн зөвлөхгүй учраас Үндэсний Аюулгүй Байдлын Зөвлөлийн нарийн бичгийн дарга Алтангэрэлийн Бямбажаргалыг “нохойд барьдаг мод” болгоод явуулсан нь хууль зөрчсөн үйлдэл. Гэхдээ Тамгын Газрын дарга Алтанхуягийн Үйлстөгөлдөрөөр “ХИП ПОП” дуу дуулалтай биш. Хоригийг нь гараад тайлбарлачих хүн олдохгүй учраас ҮАБЗ-ийн нарийн бичгийн дарга Алтангэрэлийн Бямбажаргал 1992 онд баталсан Үндэсний Аюулгүй Байдлын Зөвлөлийн тухай хууль түүнд заасан ажлын байрны тодорхойлолтыг зөрчин, хоригийг тайлбарлав. Төрийн өндөр албан тушаалтан ажлын байрны тодорхойлолтоо уншаагүй байна гэж байхгүй. Тэр дундаа мэргэжлийн хуульч хүн. ҮАБЗ-ийн нарийн бичгийн дарга Алтангэрэлийн Бямбажаргалыг цаашид энэ чухал албан тушаалаас буулгах шалтгаан бас хэрэгтэй байв уу. Түүнийг хааш нь "нүүлгэх" вэ
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Монгол Улсын Ерөнхийлөгч Ухнаагийн Хүрэлсүх хуулийн зөвлөхгүй хэрэг үү???
Түүний хуулийн зөвлөх асан Рагчаагийн Батрагчаа нь 2024 оны тавдугаар сард Үндсэн Хуулийн Цэцийн гишүүнээр сонгогдсоноор өнөөдрийг хүртэл Ерөнхийлөгч хуулийн зөвлөхгүй явж ирсэн нь үүргийн бус хүнээр хоригоо тайлбарлуулж, төрийн албаны журам зөрчихөд хүргэлээ. Төрийн хууль цааз гэж байдаг бол ҮАБЗ-ийн нарийн бичиг ийм алдаа гаргасныхаа төлөө албан тушаалаа өгөх учиртай болно.
Алтангэрэлийн Бямбажаргалын хувьд хэлэх гээд хэлсэн үү, хэл нь хальтраад хэлчихсэн үү хоригийг тайлбарлахдаа “Хориг бол цаашид болзошгүй. Би энэ үгийг тодотгож хэлж байна!!! Магадгүй гарч болзошгүй зөрчил, холбогдох хор хохирлыг УИХ дахин хэлэлцэж түүнийгээ шаардлагатай бол залруулах боломжийг олгож байдаг!!!, боломжийг олгож байдаг!!! (ингэж 2 удаа хатуу анхааруулж хэлсэн). Өөрөөр хэлбэл УИХ өөрийнхөө гаргасан шийдвэрийг дахин хянаж үзэх хууль зүйн нөхцөл өөрөө бий болж байгаа гэдгийг би тодотгож хэлье!!!!” гэж анхааруулах, заналхийлхийн хооронд мэдэгдсэн. Энэ бол төрийн эрхийг барьж буй төлөөллийн төв институт болох УИХ-г заналхийлж буй шууд утга. Заналхийлэгч нь ҮАБЗ-ийн нарийн бичгийн дарга Алтангэрэлийн Бямбажаргал гэх эрхэм. Хоёрын хоёр ҮАБЗ-ийн гишүүний нэг нь өөрийн хүсэлтээр ажлаа өгч, нөгөөхийг нь УИХ-ын гишүүдийн дийлэнх олонхи огцоруулчихаад байгаа үед нэг гишүүнийх нь үгийг ийн дайх нь Парламентийн засаглалтай Монгол Улсын "Үндэсний Аюулгүй Байдал"-д заналхийлж байгаа заналхийлэл гэж үзэхээс өөр аргагүй.
Мөн тэрээр цааш нь “Хориг хүчин төгөлдөр болж ёсчлогдсоноор УИХ-ын хууль, бусад шийдвэрт хориг тавих эрх зүйн үндэс бүрддэг. Ажлын 5 хоногт хориг тавих эрх байдаг. Энэ дагуу хоригийг ажлын анхны өдөр энэ хоригийг тавьсныг хэлэхийг хүсэж байна. Үндсэн хуулийн эрх зүйд ганц л зарчим байдаг. Ирээдүйд гарч болох зүйлийн талаар таамаглан ярих боломж байхгүй тэр дундаа төрийн институтийн хувьд тэгвэл тэгнэ, ингэвэл ингэнэ гэсэн зүйл байхгүй шүү дээ. Бид өнөөдөр энэ цагтаа асуудалдаа хандаж шийдвэр гаргах ёстой. Хориг бол үндсэн хуулийн эрхийн дагуух асуудал энийг бид тал бүрдээ ойлгох ёстой” гэж Үндэсний Аюулгүй Байдлын Зөвлөлийн нарийн бичгийн дарга Алтангэрэлийн Бямбажаргал Ерөнхийлөгчийн хоригийг “ор хоосон байгаа” хуулийн зөвлөхийнх нь өмнөөс их дуугаар тайлбарласан.
Алтангэрэлийн Бямбажаргалын их дуугаар хашхирч тайлбарлаад байгаагаар “Үндсэн хуулийн эрх зүйд ганц л зарчим байдаг. Ирээдүйд гарч болох зүйлийн талаар таамаглан ярих боломж байхгүй” юм бол Тамгын Газрын Дарга Алтанхуягийн Үйлстөгөлдөр хоригийг уншиж танилцуулахад л хангалттай. Атал Үндэсний Аюулгүй Байдлын Зөвлөлийн нарийн бичгийн дарга тайлбараа “заналтай” хамт хавсран хийж буй нь улс орныг хямралт байдал руу түлхэх алхмууд ар араасаа захиалгатайгаар хийгдэж байна уу гэх айдас, асуултыг дагуулж байна?
