Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
УИХ-ын гишүүн П.Сайнзориг нарын өргөн барьсан гадаадаас ажиллах хүчин квотгүй оруулж ирэх хуулийн төсөл олны хүчтэй эсэргүүцэлтэй тулгарсаны эцэст дутуу судалгаатай, маруухан төслөө татан авсан. Тэдний өргөн барьсан хуулийн төсөл дээр иргэд шавж байх хойгуур Гэр бүл, хөдөлмөр, нийгмийн хамгааллын сайд Л.Энх-Амгалан дээрх төсөлтэй нэг агуулга шахуу хуулийн төсөл Их хуралд өргөн барьж, түүнийгээ зүтгүүлэхээр төрийн ордонд сандарч яваа. Бүр хүний эрхийг уландаа гишгэлж Монгол төрийн сайд байтлаа ‘’авгай, хүүхний’’ явган хэрүүлээр үзэлцэж, Монгол төрийн ордон дотроос шивэгчилж буй.
Л.Энх-Амгалангийн өргөн барьсан хуулийн төсөлд газрын тос ашигт малтмалын салбарт ажиллах хүчин оруулахдаа Засгийн газрын хэлэлцээр, буцалтгүй тусламж, хөрөнгө оруулалтын хүрээнд гадаадаас ажиллах хүчин авна гэсэн үзэл санаатай. Ингэхдээ ажлын байрны татвараас чөлөөлүүлнэ гэж дайрч буй.Түүний өргөн барьсан хуулийн төслөөс болгоомжлох өнцөг нь Монгол улсын үндэсний аюулгүй байдал. Ажиллах хүчнийг дээр дурдсан салбаруудад квотгүй оруулж ирэхийн цаана Монгол хүн ажиллах орон зай үлдэхгүй.
Монгол улс гадаадын ажиллах хүчний ажлын байрны татвараас жилд ойролцоогоор 30 тэрбум орчим төгрөг төвлөрүүлдэг. Үүнийгээ ажилгүй иргэдээ ажилтай болгох, ажлын байр нэмэгдүүлэх, хөдөлмөр сургалтад зарцуулж иржээ.
Монгол улсад 285 мянган ажлын байрны цоорхой бий, үүн дээр ажиллах хүчнийг шингээнэ гэж төслөө зөвтгөж буй. Тэгвэл яагаад хэт өндөр татвар, хэтэрхий бага цалингаас болж хүний нутагт хөдөлмөр эрхэлж буй иргэдээ эх оронд нь өндөр цалин амлаж авчиръя гэх бодлогыг сайд, цаашлаад Монгол Улсын Засгийн газар барихгүй байна вэ? Яагаад ажиллах хүчний орон зайн дээр гадаад иргэдийг шингээх гэж улайрч, түүнийгээ зөвтгөхдөө хүний эрхийг уландаа гишгэлэв.
Л.Энх-Амгалан сайд Монгол улсын үндэсний аюулгүй байдалтай холбоотой эмзэг асуудалд бодлогогүй хандчихаад хуулийн төслөө өмөөрч айл гэр, хүний хайр сэтгэлийн асуудалд хутгалдав. Уг нь тэрээр гэр бүлийг хамгаалах учиртай Гэр бүл, хөдөлмөр, нийгмийн хамгааллын сайд.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Хуулийн төслөө хамгаалсан Л.Энх-Амгалан шүүмж дайсан Ц.Оюунгэрэлийг гадаад нөхөртэй байж Монголын тусгаар тогтнолд санаа зовлоо гэж буруутгав. Л.Энх-Амгалан мартаагүй бол Гэр бүл хөдөлмөр, нийгмийн хамгааллын сайд. Монголын гэр бүлийг бат бөх, тогтвортой байлгах бодлого боловсруулж, хэрэгжүүлэх үүрэгтэй төрийн сайд хүн. Монгол хүний гэр бүл хаанахын хэн байхаас үл хамаарч тэрээр ялгаварлан гадуурхалтаас ангид энэ бодлогын залгамж халааг үргэлжлүүлэх учиртай.
Хүнийг үндэс, угсаа, хэл, арьсны өнгө, нас, хүйс, нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно.
Гэтэл Ц.Оюунгэрэлийг гадаад нөхөртэй гэдгээр нь ялгаварлаж, Монголын тусгаар тогтнолд санаа зовлоо гэж буруутгах. Түүнийхээр бол гадаад нөхөртэй, гадаад эхнэртэй Монгол иргэнийг Монголын тусгаар тогтнолд санаа зовох эрхгүй хүмүүс гэж харж, харь хүнтэй ханилсан бол Монголын тусгаар тогтнолын эсрэг шахуу зүйл гэх агуулгыг давхар дайлаа гэж уншигдав. Л.Энх-Амгалан сайд НҮБ-ын суурь конвенц, олон улсын гэрээгээр Монгол улсын хүлээсэн үүргийг энэ үеэр ноцтой зөрчсөн. Алагчилахгүй байхын эсрэг бүх мэдэгдлийг Гэр бүл, хөдөлмөр нийгмийн хамгааллын сайд Л.Энх-Амгалан төрийн ордноос хийв. Олон улсын өмнө хүлээсэн үүргийн эсрэг мэдэгдэлдээ Л.Энх-Амгалан хариуцлага хүлээн огцроход ч багадна.
Л.Энх-Амгалан сайд та Монгол Улсын Үндсэн хуулийг уландаа гишгэлчихээгүй бол бид хүн төрөлхтөний соёл иргэншлийн ололтыг хүндэтгэн үзэж, эх орондоо хүмүүнлэг, иргэний ардчилсан нийгэм цогцлуулан хөгжүүлэхийг эрхэм зорилгоо болгоно хэмээн эцэг хуулиндаа тунхаглагсан билээ.
Хүний нэр төр, алдар хүнд, эрх, хууль ёсны ашиг сонирхлыг хүндэтгэн үзэх ёстой гэсэн Үндсэн хуулийн заалтыг ноцтой зөрчсөн Л.Энх-Амгалан сайдад гомдол гаргах эрх гадаад гэр бүлтэй иргэн бүрд бий. Түүнийг Монгол Улсын хууль, олон улсын гэрээнд заасан эрх, эрх чөлөөг зөрчсөн гэж үзэх бүрэн үндэслэлтэй.
Монгол Улсын иргэнийг харь хүнтэй сууснаар нь алагчилж, Монголын тусгаар тогтнолд санаа зовох эрхгүй хүмүүс гэж харж буй Л.Энх-Амгалангийн эмзэг цэг Хятадын эрлийз гэж хардагдах. Тэгвэл харь хүнтэй ханилсан нь Монгол иргэдийн эмзэг цэг байж бас болохгүй. Тэд гадаад хүнтэй ханилсандаа буруутан болж нүд үзүүрлэгдэх учиргүйг ардчилсан Монгол улсын төрийн сайд та огоорох учиртай.
Харь хүнтэй ханилсан ч элэг нь наашаа Монгол иргэнд эх орныхоо тусгаар тогтнолын төлөө дуугарах эрх нь бий. Харин Монгол эхнэртэй, Монгол төрийн сайд Л.Энх-Амгалан танд Монголын тусгаар тогтнолын эсрэг хөдлөх захиалгыг хаанаас, хэн өгч байна вэ?
