Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Өчигдөр буюу Мягмар гарагт Монгол Улсын 34 дахь Ерөнхий сайд Гомбожавын Занданшатар дараах мэдэгдлийг хийлээ.
“Улс орны эрх ашгаа тэргүүн эгнээнд тавьж, намын дотоод асуудал төрийн зовлон болохоос сэргийлэн Монгол Ардын Намын даргын төлөөх өрсөлдөөнөөс нэрээ татаж буйгаа мэдэгдэж байна. Улсын эдийн засаг, ард түмний амьдралд тулгамдсан олон асуудал шийдлээ хүлээж байна. Авлига, баялгийн хулгайтай хийж буй тэмцлээ тууштай үргэлжлүүлж, иргэдийнхээ орлого, цалин хөлс, тэтгэвэр тэтгэмжийг нэмэгдүүлэх, бусад тулгамдсан олон суурь асуудлыг шийдэхийн төлөө Засгийн газар улам эрчтэй ажиллах болно. Баялгийн хулгайтай хэзээ ч эвлэрэхгүй. Надад албан тушаал бус улсын төлөө бодит ажил, ард иргэдийн итгэл илүү чухал. Байгалийн баялгаас нийт иргэн бус хэсэг бүлгээрээ хувь хүртдэг шударга бус байдлыг халахын төлөө Засгийн газрын тэргүүний хувьд тууштай тэмцэнэ.”
Түүний мэдэгдэл улстөрчийн мэдрэмжийн хувьд дэндүү оройтлоо. Үнэхээр мэдрэмжтэй, өөрийн толгойтой байсан бол энэ мэдэгдлийг Монгол Ардын Намын VIII дугаар бага хурлын дараах өдөр буюу Есдүгээр сарын 30-ны өдөр хийх байв. Тэгж гэмээнэ илүү үнэ цэнтэй өөрөө ч нэр төртэй үлдэх байлаа.
Улмаар МАН-ыг хоёр хуваагдах хүртэл хүндрэхгүйгээр асуудлыг шийдэх боломж Гомбожавын Занданшатарт бүрнээ байсан.
Ердөө ганцхан жилийн өмнө УИХ-ын нэгдүгээр тойрогт өвдөг шороодсон ч 2025 он Гомбожавын Занданшатарын хувьд ээлтэй, карьерийн гайхалтай үсрэлт хийсэн жил болсон. Ерөнхийлөгчийн Тамгын Газрын дарга, улмаар Ерөнхий сайд болно гэдэг бол бүдгэрч яваа, нас ахимаг улстөрчийн хувьд гайхам амжилт. Илүү ухаантай хөдөлж, шатар нүүдэг шигээ мад хийхээ эртнээс харж чадсан бол амжилтаа бататгах байв. Түүнд том боломж бол байсан.
Гэтэл боломжоо өөрийг нь дэмжсэн, намаа ялуулсан залуу үе рүүгээ ус цацаснаар эхлүүлж, Үндсэн Хуулийн Цэц дээр намынхаа зодооныг авчирснаар улстөрчийнхөө он цагийг богиносгов.
Хэрэв тэр алсын хараатай, ухааны уртай хөдөлсөн бол ирэх 2027 оныг хүлээгээд, соц үеийн айл бүрийн сервантны дээр залардаг Энх-Амгалан хааны шаазан баримал шиг маасайж суух байлаа.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Тэр 2027 он зуны эхэн сарын хорьдоор болох Ерөнхийлөгчийн сонгуульд намаараа дэмжүүлж, нийтээр сонгуулан Ерөнхийлөгч болох нь дамжиггүй байв. Өнгөрсөн Есдүгээр сарын 30-нд нд энэ мэдэгдлээ хийчихсэн бол МАН-ын дарга Дашзэвэгийн Амарбаясгалантай ганзага нийлж, хөөрөг зөрүүлээд, 68 гишүүнээрээ хүч түрэн улсын төсвийг батлуулчихаад 2026 оныг угтан ерөөл өргөж, хундага тулгах байлаа. Цаашид улстөрийн амьдрал нь хэрүүл шуугиангүй, МАН-ыг салгасан, хагалсан нэр хоч зүйхгүйгээр “Чингис Хааны Одон” хүртэж 60 гарсан насандаа Ерөнхийлөгчийн сэнтийгээс тэтгэвэрт гарах байсан. Гэтэл МАН-ын даргын сонгуульд ялагдсан ялагдлаа хүлээн зөвшөөрөхгүй гүрийснээс нам дотроо ч улстөрийн хүрээнд ч бүүр цаашилбал ард түмний дунд ч нэр нүүрээ барав. Нийтэд нэр хүндгүй, гөрдөгч, гүжирдэгч гэгдэх болсон Баттөмөрийн Энхбаярыг Хууль зүй, дотоод хэргийн сайдаар томилсон нь дэндүү ухвар мөчид бараг тэнэг алхам байв.
МАН-ын сүүүлийн 8 сонгуульд ялуулж, зүй ёсоор УИХ-ын даргын суудалд суусан, цаашлаад намын даргын суудалд бардам суух-идэр залуу, улстөрчийн цаг нь гялалзаж буй Дашзэвэгийн Амарбаясгалантай арцалдсан нь түүний хувьд модон шатрыг тоглож чадахаас, улстөрд "морины л нүүдэлтэй" эр юм гэж дүгнэхэд хүргэж байна. Түмний нэг кинонд “Чи ч жараахайны л загасчин даа” гэдэг үгийг ч санагдуулав.
Одоогийн МАН-ын хувьд Ноён нь Ерөнхийлөгч Ухнаагийн Хүрэлсүх бол бэрс нь Дашзэвэгийн Амарбаясгалан. Энэ долоо хоногийн сүүлээр МАН-ын XXXI их хурал болно. Уг их хурлаар МАН-ынхан хэн дарга болохыг шийднэ. МАН-ын даргаар Дашзэвэгийн Амарбаясгаланг дээд шүүхэд өргөн мэдүүлээгүй байгаа тул яг өнөөдрийн хувьд тус намын дарга бол Лувсаннамсрайн Оюун-Эрдэнэ. Ерөнхийлөгчийн талаас Гомбожавын Занданшатар гэх морио татаж шинэ хүү түлхэн бэрс болгохоор нүүх нь тодорхой болж буй. Харин УИХ-ын гишүүн, Монгол Улсын Засгийн Газрын гишүүн, Монгол Улсын Тэргүүн шадар сайд бөгөөд Эдийн засаг, хөгжлийн сайд Ням-Осорын Учирал уу УИХ гишүүн Монгол Улсын Засгийн газрын гишүүн, Хүнс хөдөө аж ахуй, хөнгөн үйлдвэрийн сайд Жадамбын Энхбаяр уу гэдгийг удахгүй мэднэ. Харин эсрэг талаас МАН-ын "Бэрс" яаж нүүхийг улстөрийн хүрээнд тэсэн ядан хүлээж буй бол ард түмэн чимээ чагнаж байна.
Эдний талаар маргааш жич ҮГ-бичнэ.
