Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Өнөөдөр Монгол Улсын Их Хурлын 62 дугаар тогтоолоор 2025 оны Долдугаар сарын 05-нд байгуулагдсан “Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг эхний өдөр болж өнгөрлөө.
Уг сонсголын эхний өдөр “Оюутолгой” ХХК-ийн төлөөлөн Удирдах Зөвлөлийн гишүүн Сүхбаатарын Мөнхсүх (Яг өнөөдрийн хувьд Дэйрдрэ Лингенфэлдер Оюутолгой ХХК-ийн Удирдлагын багт багтаж Гүйцэтгэх захирлын үүрэгт ажлаа гүйцэтгэж байгааг www.ot.mn сайтаас харж болно)
“Оюутолгой” ХХК УИХ-ын сонсголыг үл тоож байгаа нь сонсголын үеэр шууд мэдрэгдэж байсан. Ирэх жилийн 2 дугаар сараас Гүйцэтгэх захирлын албан тушаалаа авах ТУЗ-ийн гишүүн Сүхбаатарын Мөнхсүхийг аваагүй албан тушаалаар нь худал мэдүүлж, Төрийн ордон руу гүйлгэсэн нь хоёр Монгол хоорондоо хэрэлдээд сууна биз гэсэн байдлаар хандан үл тоож буй бололтой.
Угтаа бол Гүйцэтгэх захирлын албаа өгөөгүй байгаа хатагтай Дэрдрэ Лингенфэлдер хянан шалгах түр хорооноос зохион байгуулж буй сонсголд гэрчээр оролцох ёстой байсан юм.
Гэтэл Оюутолгой ХХК-ийн Гүйцэтгэх захирал болоогүй, ажлаа аваагүй байж УИХ 62 дугаар тогтоолоор байгуулагдсан Хянан Шалгах Түр хорооны гишүүдийг битгий хэл Монголын ард түмнийг хуурч өөрийгөө Гүйцэтгэх захирал хэмээн мэдүүлснээрээ Сүхбаатарын Мөнхсүх МОНГОЛ УЛСЫН ИХ ХУРЛЫН ХЯНАЛТ ШАЛГАЛТЫН ТУХАЙ хуулийг зөрчсөн.
Сүхбаатарын Мөнхсүх ирэх 2026 оны хоёрдугаар сараас Гүйцэтгэх захирлын ажлаа албан ёсоор авч, ажилдаа орно гэдгээ түр хорооны сонсгол дээр өөрөө мэдэгдсэн. Тэгэхээр тэр одоогоор Гүйцэтгэх захирлын орлогч эс бөгөөс түр орлож буй эрх мэдэлтэн биш юм. Тус компанийн албан ёсны сайтад бол Сүхбаатарын Мөнхсүх нь ТУЗ-ийн гишүүн гэдгээрээ байгаа. ТУЗ-ийн гишүүний хувиар л ажлаа мэдэхээс компанийн дотоод асуудлын талаар угтаа Гүйцэтгэх захирал хатагтай Дэрдрэ Лингенфэлдер илүү мэдэх ёстой. Хянан шалгах түр хорооны сонсголд Дэрдрэ Лингенфэлдер гэрчээр оролцох үүрэгтэй юм.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
ТУЗ-ийн гишүүн байж Оюутолгой ХХК-ийн Гүйцэтгэх захирал хэмээн худал мэдүүлсэн Сүхбаатарын Мөнхсүх УИХ-ын гишүүдийн асуусан асуултад дутуу дулимаг хариулах, мэдэхгүй байна асуултын хариултыг дараа болгооё гэх мэтээр хариулж байсан бол сүүлдээ худлаа хариулт өгч эхэлсэн юм.
УИХ-ын гишүүдийн асуултад худлаа хариулт өгч байгааг 2020 оноос 2025 оны хооронд “Оюутолгой” ХХК-ийн ТУЗ-д Монголын талаас сууж байсан Э.Баясгалан баталсан.
Э.Баясгалан
Арбитрын маргааны шийдвэр гарсны дараахан 2025 оны нэгдүгээр сарын 31-ний Төлөөлөн Удирдах Зөвлөлийн ээлжит бус хурлаар Рио Тинто ХК-ийг төлөөлдөг 6 гишүүн дийлэнх олонхоороо тухайн хоёр лицензийг Оюутолгой компаниар руу шилжүүлж авах тогтоолыг баталсан. Өнөөдөр өглөөний нээлттэй сонсголын үеэр Сүхбаатарын Мөнхсүх захирал Онтрэ ХХК-тай холбоотой асуудлаар дийлэнх олонхиороо хүч түрэн огт шийдвэр гаргаагүй гэж мэдээлэл өгч байна лээ. Энэ чинь худлаа ш дээ. 2025 нэгдүгээр сарын 31-нд та нар дийлэнх олонхиороо тухайн хоёр лицензийг Онтрэ ХХК-иас Оюутолгой ХХК-д шилжүүлэх гэрээг байгуулах зөвшөөрлийг Гүйцэтгэх захиралд (Дэрдрэ Лингенфэлдерт ҮГ.МН) өгсөн тогтоолыг баталсан.
Хэрвээ Оюутолгой ХХК-ийн ТУЗ-ийн гишүүн асан Э.Баясгалангийн хэлээд байгагааар ТУЗ-ийн гишүүн Сүхбаатарын Мөнхсүх гэрчийн хувиар УИХ-аас байгуулагдсан Хянан Шалгах Түр хорооныхонд худлаа мэдээлэл өгөөд байвал дараах хуулийн хариуцлага хүлээх болно.
МОНГОЛ УЛСЫН ИХ ХУРЛЫН ХЯНАЛТ ШАЛГАЛТЫН ТУХАЙ
57.4.Гэрч зориуд худал мэдүүлэг өгсөн бол Эрүүгийн хуульд заасан хариуцлага оногдуулна гэж заасан байдаг.
Тэрээр УИХ-аас томилогдсон Хянан шалгах түр хорооны гишүүдэд хэр хэмжээнд худал мэдүүлэг өгснийг хууль хяналтынхан цааш нь олж тогтоох биз ээ.
Түүнчлэн “Оюутолгой” ХХК-ийн Төлөөлөн Удирдах Зөвлөлийн дарга Шон Хинтон “Эрдэнэс Монгол” ХХК-руу компанийхаа Монголын талаас ТУЗ-д сууж буй гишүүнийг удаа дараа матаж, Э.Баясгаланг ТУЗ-ийн гишүүнээс нь чөлүүлсэн. Эндээс шууд дүгнэхэд “Оюутолгой” ХХК-ийн 34 хувийг эзэмшдэг “Эрдэнэс Монгол” ХХК-ийн удирлагууд “Оюутолгой” ХХК-ийн гадаад удирдлагуудын гар хөлийн үзүүрт зарагддаг юм болов уу гэсэн гаргалгаа хийж болохоор байна. 
