Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Л.Оюун-Эрдэнэ Ерөнхий сайдын албан тушаалын суудал нь дэнжигнэж эхлэнгүүт, Засгийн газраа ээлжит бусаар хуралдуулж, өөрөө Өвлийн өвөөгийн дүрд орон гэнэт л нэг өдөрт багтаан "Эрдэнэс Тавантолгой" ХК-ийн 1072 хувьцаа эзэмшигч иргэддээ ногдол ашиг тараав. Гэхдээ бас улс төрийн попролоо орхисонгүй.
"Эрдэнэс Тавантолгой" ХК-ийн энэ жилийн цэвэр ашгаас иргэн бүрд олгох ногдол ашгийг олгохдоо хүйтний улирал, инфляц зэргийг харгалзан гурав хуваахаар төлөвлөж. Эхний ээлжийн ногдол ашиг болох ₮135 мянгыг шийдвэр гаргасан өдрөө олгоно гэж попорсон. Баасан гараг байж таарсныг ч хэлэх үү, энэ мөнгө иргэн бүрт яг зөв дэмжлэг болсон эсэх эргэлзээтэй. Эцэст нь иргэдийн нуруу дээрх ачаа хүндрэв. Мөнгө тараах сургаар өдөр тутмын худалдааны үнэ өсөв. Утаандаа угаартаж, ханиадтайгаа тэмцэх иргэн бүр эмчийн бичиж өгсөн эмийг авч чадах эсэх нь хэцүү нөхцөлд байна. Үнэндээ хоёр төрлийн антибиотик эмийг 7-10 хоногоор уухыг авахад 110 мянган төгрөг болох. Энэ бол эмний дундаж үнэ. Иргэдийнх нь бодит амьдрал ийм л байхад "₮135 мянгаар утааг мартаа" гэвэл ёстой үлгэр байх шүү Л.Оюун-Эрдэнээ.
Уг нь бол 2010 оны УИХ-ын тогтоолоор "Эрдэнэс Тавантолгой" ХК-ийн 20%-ийг дотоод болон гадаадын хөрөнгийн биржээр арилжаалахаар шийдвэрлэсэн. Гэтэл одоог хүртэл уг шийдвэр хэрэгжээгүй. Энэ нь иргэн та 1072 ширхэг хувьцаатай ч үүнийг зарж борлуулах, арилжих боломжгүй. Зөвхөн сонгуулиар л ногдол ашиг тараах, Засгийн газар буцаан худалдан авахаас бусдаар "амьгүй".
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Гэхдээ хамтарсан Засгийн газар 100 хоног дээрээ хийсэн Ерөнхий сайдын мэдэгдэл хийгээд бэлэн мөнгө тараах шийдвэр нь хуулийн зөрчилтэй, Компанийн тухай хууль зөрчиж буй тухай хувьцаа эзэмшигч иргэд мэдэгдэж эхэллээ. Ингэхдээ, Эрдэнэс Тавантолгой компанийн санхүүгийн жил дуусаагүй, баланс эцэслэн гараагүй, ТУЗ нь албан ёсоор хуралдаагүй байхад Ерөнхий сайд албан тушаалын эрх мэдлээ ашиглан ногдол ашиг тараасан нь Компанийн тухай хуулийн 46-р зүйлийг бүхэлд нь зөрчиж буй үйлдэл гэж үзжээ.
Эндээс өнгөрсөн баасан гарагт ногдол ашгийн гэгдэх иргэдийн дансанд орсон мөнгө "Эрдэнэс Тавантолгой" ХК-аас гарсан уу, эсвэл Хуримтлалын санд бүрдсэн эх үүсвэрээс урьдчилж шилжүүлсэн эсэх асуудал хөндөгдөж байна.
Ногдол ашиг тараахын цаана утаандаа угаартсан Улаанбаатарчуудын бухимдлыг зөөллөх "хорчин" аргыг Л.Оюун-Эрдэнэ олсон. Түүний албан тушаал нь ганхаад ирэхийн цагт агаарын бохирдол, татварын дарамт, үнийн өсөлт, чадамжгүй төрдөө бухимдсан иргэддээ найр тавьж аашийг нь засах нэрээр утаатайгаа тэмцэхийг, бууруулахыг шаардсан иргэдээ "олноороо цуглахгүй" байх аргыг Ерөнхий сайд сэдэв. Ингэхдээ төрийн болон нутгийн захиргааны байгууллагыг өндөржүүлсэн бэлэн байдлын зэрэгт шилжүүлсэн.
Өндөржүүлсэн бэлэн байдлын зэрэгт шилжсэн үед олон нийтийн арга хэмжээ зохион байгуулахыг хязгаарлах, цуцлах, хориглохоор заасан байдаг. Ингэснээр бид ирэх гуравдугаар сарын 1 хүртэл утааг эсэргүүцэж жагсах ч эрхгүй боллоо.
Хэрсүү иргэд ₮135 мянгад үзэл бодол, байр сууриа худалдахгүй. Тэдэнд хуулийн ямар боломж байна тэр хүрээндээ агаарын бохирдол, утааг бууруулахад Засгийн газар, нийслэл ажиллаж чадаагүйг, чадахгүйг шүүмжилж, тэднээс хариуцлагаа нэхсээр байх болно.
Иргэдээсээ дор ухаангүй төр гэж баймгүй. Зүгээр л өөрсдийн эрх мэдэл, эрх ашгаа нэгдүгээрт тавьдаг сэтгэлгүй Засгийн газрыг "шоглож" хувьцааны ашгаа хүртсэн иргэд тэд чадахгүй бол өгсөн мөнгийг нийлүүлээд цахилгаан станц барих тухай "мааз" яриаг ч сошиал орчинд өрнүүлж байна. 
