Өдгөө 64 настай Санаэ Такаичи Японы Нара мужийн Яматокориёмад 1961 оны гуравдугаар сарын 7-нд төржээ. Тэрээр 2025 оны аравдугаар сарын 4-ны өдөр буюу хэдхэн цагийн өмнө Либерал Ардчилсан Намын даргын сонгуульд ялж, даргын албан тушаалаа хүлээн аваад байна. Уг албыг хашсан анхны эмэгтэй хүн болсноос гадна Японы Ерөнхий сайд болох нь цаг хугацааны асуудал юм. Өмнө нь Санаэ Такаичи Төлөөлөгчдийн танхимын гишүүн бөгөөд Ерөнхий сайд Шинзо Абэ-ийн үед хэд хэдэн сайдын албыг хашиж байв.
Албан тушаал
Либерал Ардчилсан Намын дарга
Албан тушаал хүлээн авсан: 2025 оны 10-р сарын 4
Дэд дарга: Ёшихидэ Сүга
Ерөнхий нарийн бичгийн дарга: Хироши Морияма
Өмнөх дарга: Шигэру Ишиба
-Төлөөлөгчдийн танхимын гишүүн
-Одоогийн гишүүн
Албан тушаал хүлээн авсан: 2005 оны 9-р сарын 11
Өмнөх нь: Тэцүжи Накамура
Хувийн мэдээлэл
Төрсөн: 1961 оны 3-р сарын 7 (одоогоор 64 настай)
Төрсөн газар: , Нара муж, Япон
Улс төрийн нам: Либерал Ардчилсан Нам (1996–одоог хүртэл)
Бие даагч (1993–1994)
Либерал нам (1994)
Шинэ Хил Хязгаарын Нам (1994–1996)
Гэрлэлт:
Такү Ямамото (2004 онд гэрлэсэн; 2017 онд салсан)
2021 онд хуучин нөхөртэйгөө хоёр дахь удаагаа гэрлэсэн
Сургууль: Кобе их сургууль
Албан ёсны вэбсайт: sanae.gr.jp
Кобе их сургуулийг төгссөний дараа Такаичи зохиолч, хууль тогтоогчийн туслах, нэвтрүүлэгчээр ажиллаж байгаад улс төрд орсон гэгддэг. Лебирал Ардчилсан Намд элссэний дараа тэрээр 1993 оны сонгуульд ялж, Төлөөлөгчдийн танхимд сонгогдсон. Ерөнхий сайд Абэгийн ойрын хүн байсан бөгөөд 2019–2020 онд Дотоод хэрэг, харилцаа холбооны сайдаар ажиллаж байсан туршлагатай.
2021 онд Лебирал Ардчилсан Намын даргын сонгуульд нэр дэвшсэн боловч гуравдугаар байранд орж, хоёр дахь шатанд үлдээгүй. Фумио Кишида-гийн үед (2022–2024) Эдийн засгийн аюулгүй байдлын сайдаар ажилласан.
2024 оны намын даргын сонгуульд эхний шатанд түрүүлсэн боловч эцсийн шатанд [Шигэру Ишиба]-д ялагдсан. Харин 2025 онд дахин нэр дэвшиж, бүх шатанд тэргүүлснээр намын дарга болж, Шинжиро Коизүми-г ялсан. Ерөнхий сайдаар сонгогдвол Японы анхны эмэгтэй ерөнхий сайд, мөн Нара мужаас тодорсон анхны Ерөнхий сайд болох юм.
Улс төрийн байр суурь
Түүнийг хатуу консерватив үзэлтэй, Абэгийн дотны хүн бөгөөд баруун жигүүрийн үндсэрхэг Ниппон Кайги-тай холбоотой гэж үздэг. Тэрээр ижил хүйстний гэрлэлтийг эсэргүүцэж, түүхийн талаарх шинэчлэлт, өөрийн үзлээрээ баруун жигүүрийн улс төрчдийн тоонд ордог.
Өмнөх амьдрал
Тэрээр Нара хотод төрж өссөн. Аав нь Тойота-гийн холбоотой автомашины компанид ажилладаг байсан бол ээж нь Нара мужийн цагдаагийн газарт ажилладаг байжээ. Такаичи Үнэби ахлах сургууль, Кобе их сургууль, мөн Матсушита Засаглал, Удирдлагын Хүрээлэн-г төгссөн.
1987 онд Матсушита хүрээлэнгийн дэмжлэгээр АНУ-д очиж, Ардчилсан Намын Төлөөлөгч Пэт Шрёдер-ын Конгрессын тэтгэлэгт ажилтанаар ажилласан. 1989 онд Японд буцаж ирээд Америкийн улс төрийн туршлага бүхий шинжээчээр олны анхааралд өртөж, тэр сэдвээрээ ном бичиж байв.
1989 оны 3-р сард TV Asahi-ийн нэвтрүүлэгч болж, Рэнхо-той хамт “Kodawari TV Pre★Stage” хэмээх нэвтрүүлгийг хөтөлж байжээ.
Хувийн амьдрал
Такаичи 2004 онд Төлөөлөгчдийн танхимын гишүүн байсан Такү Ямамото-той гэрлэсэн. Хос хоёр өөрсдийн хүүхэдтэй болоогүй боловч Такаичи нөхрийнхөө өмнөх гэрлэлтээс төрсөн гурван хүүхдийг нь өргөж авчээ. Тэд 2017 оны долдугаар сард улс төрийн үзэл бодол, зорилго нь зөрчилдөж байгаа гэсэн шалтгаанаар гэрлэлтээ цуцлуулахаар тохиролцсон байна. Гэвч тэд 2021 оны арванхоёрдугаар сард дахин гэрлэлтээ сэргээлээ. Тэрээр өргөмөл хүүхдүүдийнхээ ачаар дөрвөн зээтэй болжээ. Мөн тэрээр Японы Морин уралдааны холбоо (JRA)-ны морин уралдааны шүтэн бишрэгч юм.
Санаэ анх удаа гэрлэсний дараа хууль ёсоор нөхрийнхөө овгийг хэрэглэж байсан. Учир нь Японы хуулиар гэрлэсэн хосууд ижил овогтой байх шаардлагатай байдаг. Харин тэд дахин гэрлэхэв Такү эхнэрийнхээ овгийг авахыг сонгожээ.
Тэрээр Японы засгийн газрыг шүүмжилдэг хэвлэл мэдээллийн байгууллагуудыг шийтгэхийг, мөн Японы төрийн далбааг гэмтээсэн этгээдийг хорих ял оноохыг дэмждэг. 2014 онд тэрээр барууны радикал үзэлтнүүдийг өөрийн оффис дээрээ хүлээн авч уулзсан. Мөн 2014 онд Такаичигийн зураг гарсан сурталчилгаа Токиогийн нэгэн сэтгүүлд нийтлэгджээ. Тэнд тэрээр 1994 оны “Гитлерийн сонгуулийн стратеги” нэртэй номыг дэмжсэн агуулгатай зурагт хуудас хийлгэсэн байжээ
Эдийн засгийн хувьд тэрээр Абэномиксийг үргэлжлүүлэхээ мэдэгдсэн.
Гадаад бодлогын хувьд, Такаичи Японыг зэвсэгт мөргөлдөөнд оролцохыг хориглодог Үндсэн хуулийн 9-р зүйлийг өөрчлөхийг дэмждэг. Тэрээр БНХАУ-ын эсрэг хатуу байр суурьтай бөгөөд оюуны өмчийн хулгай зэрэг БНХАУ-ын эдийн засгийн үйл ажиллагааг шүүмжилж, Хятадаас хамаарсан эдийн засгийн хамаарлыг бууруулахыг дэмждэг байна.
Такаичи Японы Дэлхийн хоёрдугаар дайны үед үйлдсэн дайны гэмт хэрэг хэрээс хэтэрснийг хүлээн зөвшөөрсөн байдаг. Тэрээр Коногийн мэдэгдэл болон Мураямагийн мэдэгдлийг сөргөөр үнэлдэг байна. Эдгээр мэдэгдэл нь Японы дайн гэмт хэргийг, тэр дундаа "тайтгаруулагч эмэгтэйчүүдийн" асуудлыг хүлээн зөвшөөрдөг юм. 2002 оны 8-р сарын 18-нд телевизийн нэвтрүүлэгт оролцоход нь түүнээс “Япон Манжуурын үйл явдлын дараа хийсэн дайныг өөрийгөө хамгаалах дайн мөн гэж үздэг үү?” хэмээн асуухад, тэрээр: “Би энэ нь аюулгүй байдлын төлөөх дайн байсан гэж боддог” гэж хариулж байжээ.
2024 оны 4 болон 8-р сард тэрээр Ясакүни сүмд төрийн сайдын хувиар гарын үсэг зурж мөргөсөн. Мөн тэрээр тус сүмд тогтмол зочилдог бөгөөд уг сүмд Дэлхийн хоёрдугаар дайны А зэрэглэлийн дайны гэмт хэрэгтнүүд ч хүндэтгэлтэйгээр оршиж байдаг.
Такаичи нь Шинто сүнслэг удирдлагын холбоо (Shinto Seiji Renmei)-ны парламентын хурлын дэд даргаар ажилладаг. Тус байгууллага нь Шинто шашны зан үйлийг сэргээх, ёс суртахууны боловсролыг дэмждэг байна.
Япон Улсын ЛАН-ын гишүүн, парламентын төлөөлөгч Таро Коно Такаичиг "ЛАН доторх улс төрийн спектрийн барууны туйлширмал үзэлтэй" гэж хэлсэн байдаг. Такаичиг өөрийг нь Deutsche Welle, South China Morning Post зэрэг хэвлэлүүд “Барууны туйлширсан үзэлтэн” гэж тодорхойлсон нь бий. Time сэтгүүл түүнийг “ультраконсерватив” гэж тодорхойлж байжээ.
Такаичи нь ультраүндсэрхэг үзэлтэй “Ниппон Кайги” байгууллагын гишүүн юм.
Тэрээр байнга Маргарет Тэтчерийг үлгэр дууриал болгон дурдаж, өөрийгөө ч түүнтэй адилтгадаг. Такаичиг Тэтчерийн адил “Төмөр хатагтай” хэмээн хочилдог.
