Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Товч агуулга:
Трамп, Путин нар ахиц гарсныг хэлсэн ч нарийн мэдээлэл өгөөгүй.
Орос Украйн руу довтолсноос хойших хоёр Ерөнхийлөгчийн анхны дээд хэмжээний уулзалт боллоо.
Трамп Аляск дахь АНУ-ын агаарын бааз дээр Путинийг улаан хивсээр угтав.
Зеленский уригдаагүй, Украйн “АНУ-д найдаж байна” гэж мэдэгдэв.
АНУ-ын Ерөнхийлөгч Доналд Трамп болон ОХУ-ын Ерөнхийлөгч Владимир Путин нарын өндөр хүлээлттэй байсан дээд хэмжээний уулзалт боллоо. Харамсалтай нь Украйн дахь дайныг зогсоох, эсвэл түр хугацаанд гал зогсоох талаар ямар ч тохиролцоонд хүрээгүй бололтой. Гэсэн хэдий ч хоёр удирдагч уулзалтаа үр дүнтэй болсныг хэлээд нутаг буцацгаалаа.
Баасан гарагт АНУ-ын Аляск дахь уулзалт бараг гурван цаг үргэлжилсний дараа хэвлэлийнхэнд хоёр тал тодорхойгүй асуудлуудад ахиц гарсныг хэлсэн ч дэлгэрэнгүй мэдээлэл өгөлгүй товч танилцуулга хийж, асуултад хариулсангүй өндөрлөлөө. Ерөнхийдөө олон үгтэй АНУ-ын Ерөнхийлөгч Доналд Трамп хүртэл сурвалжлагчдын асуултыг үл тоомсорлосон байна.
“Бид тодорхой ахиц гаргасан” гэж “Энхтайвныг эрэлхийлье” гэсэн самбарын өмнө зогсож байгаад Трамп хэлсэн.
Тэрээр мөн: “Гэрээ хийх хүртэл хэлэлцээр хийхгүй” гэж нэмж хэлсэн юм.
Энэ уулзалт Европын хамгийн аймшигтай зөрчлийг зогсоох буюу гал зогсоох тодорхой хэлбэл Украйны дайныг зогсоох алхам хийгдсэнгүй. Украйны дайныг зогсоох нь Трампын уулзалтын өмнөх гол зорилго байсан.
Гэсэн ч АНУ-ын Ерөнхийлөгчтэй нүүр тулан суусан нь Путинд нэгэн ялалт байсан бөгөөд тэр 2022 онд Украйн улс руу хийсэн ОХУ-ын бүрэн хэмжээний довтолгооноос хойш барууны удирдагчдад жийгдээд байсан юм.
Уулзалтын дараа Трамп Fox News-ийн Шон Ханнитэй ярилцахдаа, Путинтэй ахиц гаргасны дараа Оросын нефть худалдан авч байгаа Хятадад татвар ногдуулах төлөвлөгөөгөө түр хойшлуулж байгаагаа мэдэгдэв. Харин Оросын нефтийн томоохон худалдан авагч Энэтхэгийн тухай дурдаагүй бөгөөд тэнд нийт 50%-ийн татвар ногдуулсны 25%-ийг нь Оросоос импортолж буй бараанд тавьсан.
Доналд Трамп мөн Москвагийн эсрэг хориг тавина гэж сүрдүүлсэн ч одоогоор хэрэгжүүлээгүй байгаа. Владимир Путин өмнө нь Трампын тавьсан гал зогсоох хугацааг үл тоосон ч тэрээр дорвитой арга хэмжээ аваагүй.
Ханнитэй ярилцахдаа Трамп Путин, Украйны Ерөнхийлөгч Володимир Зеленский нарын уулзалтыг одоо зохион байгуулах боломжтой гэж хэлсэн юм. Гэхдээ уулзалтыг хэн зохион байгуулах, хэзээ болох талаар нарийн мэдээлэл өгөөгүй.
Харин Путин Зеленскийтэй уулзах тухай дурдаагүй бөгөөд, Украйн болон Европын холбоотнуудыг АНУ-Оросын хэлэлцээг бүтээлчээр хүлээн авч “Үүсэж буй ахиц дэвшлийг тасалдуулахгүй байх” гэж найдаж байгаагаа хэлэв. Тэр мөн Москвагийн олон жилийн байр суурь болох “Зөрчлийн үндсэн шалтгаануудыг арилгасны дараа л урт хугацааны энхтайван тогтоно” гэсэн байр сууриа дахин давтав. Тэрээр гал зогсооход бэлэн бус байгааг харуулж байна.
Киевээс уулзалтын талаар тэр даруйд ямар нэгэн хариу мэдэгдэл гаргаагүй бөгөөд энэ нь дайн эхэлснээс хойших ОХУ, АНУ-ын Ерөнхийлөгчдийн анхны уулзалт байлаа.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Трамп Ханнитэй ярилцахдаа, Украины газар нутгийн зарим хэсгийг солилцох болон аюулгүй байдлын баталгааны талаар Путинтай хэлэлцсэнээ мэдэгдсэн.
“Энэ бол бидний хэлэлцсэн асуудлууд, бараг тохиролцсон асуудлууд” гэж тэр хэлээд, “Бид гэрээнд ойрхон байна. Гэхдээ Украйн зөвшөөрөх ёстой. Магадгүй тэд татгалзах байх” гэжээ.
Ханнигийн асуултад Трамп: “Зүгээр л гэрээ хийх хэрэгтэй” гэж Зеленскийд зөвлөхөө илэрхийлэв.
Тэр уулзалт болж байх хооронд Украйны зүүн нутгийн ихэнх хэсэгт агаараас довтлох аюулын дохио дуугарсан байна. Оросын Ростов, Брянскийн бүсийн захирагчид нутаг дэвсгэрийнх нь зарим хэсэг Украйны дроны дайралтад өртсөн гэж мэдээлэв.
ОХУ-ын Батлан хамгаалах яамны мэдээлснээр, Оросын ПВО системүүд Украины 29 дроныг шөнөжин устгасан бөгөөд үүнээс 10 нь Ростовын бүс нутагт буудагдаж унасан байна.
Энэхүү өндөр хүлээлттэй уулзалтын төгсгөл нь эхний сүр жавхлантай угталтын эсрэг байв. Владимир Путин Аляска дахь АНУ-ын Агаарын хүчний баазад хүрэлцэн ирэхэд улаан хивс дэвсэж, Доналд Трамп түүнийг найрсгаар угтан авч буй үед АНУ-ын цэргийн онгоцууд тэдний дээгүүр нисч өнгөрсөн байна.
Путин Олон улсын эрүүгийн шүүхэд эрэн сурвалжлагдаж байгаа бөгөөд түүнийг Украйны хэдэн зуун хүүхдийг албадан шилжүүлсэн гэх дайны гэмт хэрэгт буруутгажээ. Москва энэ буруутгалыг няцааж, Кремль ICC-ийн ордерыг хүчин төгөлдөр бус гэж үзсэн. АНУ болон ОХУ хоёулаа уг шүүхийн гишүүн биш.
Украйны Ерөнхийлөгч Володимир Зеленский Аляскагийн уулзалтад уригдаагүй бөгөөд тэр болон Европын холбоотнууд нь Трамп Украйныг худалдаж орхиод, мөргөлдөөнийг царцааж, Оросын хяналтыг албан бусаар ч болов хүлээн зөвшөөрнө гэж эмээж байв.
Харин Трамп уулзалтын өмнө энэ бол Украины шийдэх асуудал гэж мэдэгдэж, газар нутгийн тухай аливаа хөнгөлөлт зөвхөн Киевийн шийдвэр байх ёстойг онцолсон юм.
Тэр сурвалжлагчдаас уулзалтыг амжилттайд тооцох шалгуур юу вэ гэж асуухад:
“Би маш хурдан гал зогсоохыг хүсэж байна… хэрвээ өнөөдөр биш бол би сэтгэл хангалуун биш байх болно. Би аллага зогсоосой гэж хүсэж байна” гэжээ.
Уулзалтад АНУ-ын Төрийн нарийн бичгийн дарга Марко Рубио, Трампын Орос дахь тусгай элч Стив Виткофф, Оросын гадаад бодлогын зөвлөх Юрий Ушаков, Гадаад хэргийн сайд Сергей Лавров нар оролцсон байна.
Трамп сонгуулийн кампанит ажлынхаа үеэр Украйны дайныг 24 цагийн дотор дуусгана гэж амласан боловч энэ нь төсөөлснөөс хэцүү болохыг хүлээн зөвшөөрчээ. Тэрээр хэрэв баасан гарагийн уулзалт амжилттай болсон бол Зеленскийтэй хамт оролцох гурван талт уулзалтыг яаралтай зохион байгуулах нь илүү чухал гэж мэдэгдэж байсан.
Тэр уулзалтыг өндөрлүүлэхдээ “Чамд маш их баярлалаа, бид маш удахгүй дахин ярина, магадгүй тун удахгүй дахин уулзана” гэж Путинд хэлсэн юм.
“Дараагийн удаа Москвад” хэмээн Путин англиар инээмсэглэн хариулав. Трамп “Энэ талаар би бага зэрэг шүүмжлэл сонсох байх” гэж хэлээд, “Гэхдээ магадгүй боломжтой байж болох юм” гэж нэмэв.
Зелэнский уулзалтын өмнө: “Энэ уулзалт шударга энхийн замыг нээж, гурван талын яриа хэлэлцээг бий болгох ёстой” гэж мэдэгдсэн ч ОХУ дайнаа үргэлжлүүлж байгааг онцолжээ.
“Дайныг дуусгах цаг болсон бөгөөд үүнийг хийх шаардлагатай алхмыг ОХУ хийх ёстой. Бид Америкт найдаж байна” гэж Зеленский Telegram хуудсандаа бичсэн байна.
