Кеннедигийн вакцины судалгааг буцаан татах хүсэлтийг хүлээн авахаас татгалзав

НИЙТЭЛСЭН:

2025-08-12 14:00

Гол агуулга:

Судалгаагаар вакцин дахь хөнгөн цагааны найрлага нь хүүхдийн эрүүл мэндэд аюул учруулдаггүй болохыг тогтоосон
Кеннеди олон жилийн турш вакцины аюулгүй байдал, үр нөлөөний талаар эргэлзээ төрүүлэх байр суурь баримталж ирсэн
Судалгааг Дани улсын Засгийн газар санхүүжүүлж, 7-р сард Annals of Internal Medicine сэтгүүлд нийтэлсэн

АНУ-ын нөлөө бүхий нэгэн анагаах ухааны сэтгүүл, Эрүүл мэндийн сайд Роберт Ф. Кеннеди Жр.-ийн Дани улсад хийгдсэн томоохон судалгааг буцаан татах хүсэлтийг хүлээн авахаас татгалзаж буйгаа редактор нь Ройтерст мэдэгдлээ.

Тус судалгаагаар вакцин дахь хөнгөн цагааны (алюминий) найрлага нь хүүхдийн эрүүл мэндийн эрсдэлийг нэмэгдүүлдэг гэх нотолгоо байхгүйг тогтоосон байна.

Кеннеди вакцины аюулгүй байдал, үр нөлөөний талаар олон жил эргэлзээ төрүүлж ирсэн бөгөөд Эрүүл мэндийн сайдын хувьд АНУ-ын дархлаажуулалтын зөвлөмжийн тогтолцоог эрс өөрчилж байна. Саяхан тэрээр вакцинд агуулагдах хөнгөн цагааны найрлагыг аутоиммун өвчин, харшилтай холбон үзэж, тэдгээрийг дахин хянах асуудлыг судалж буй аж.

Дани улсын Засгийн газрын санхүүжилтээр хийгдсэн энэхүү судалгаа нь сүүлийн 20 гаруй жилийн хугацаанд 1.2 сая хүүхдийн үндэсний бүртгэлийн мэдээлэлд тулгуурлаж, Annals of Internal Medicine сэтгүүлд 7-р сард нийтлэгдсэн. Судалгаагаар хөнгөн цагаанд өртөх нь аутоиммун, атопик эсвэл харшлын, мөн мэдрэлийн хөгжлийн эмгэгүүдийн эрсдэлийг нэмэгдүүлдэггүй болохыг тогтоожээ.

Их Британийн Бристоль их сургуулийн хүүхдийн вакцин судлаач, хүүхдийн эмч Адам Финн:

"Энэ бол асар том өгөгдөлтэй, чанартай судалгаа. Одоогийн байдлаар энэ асуудлаар гарсан хамгийн сайн нотолгоо" гэж хэлжээ.

Гэвч Кеннеди 8-р сарын 1-нд TrialSite News вэбсайт дээр нийтэлсэн өгүүлэлдээ уг судалгааг "Эмийн үйлдвэрлэлийн суртал ухуулгын хуурмаг ажиллагаа" хэмээн нэрлэж, судалгааны баг "хор нөлөө байхгүй гэж үзүүлэхийн тулд зориудаар зохиомол аргачлал хэрэглэсэн" хэмээн буруутгаж, судалгааг "нэн даруй буцаан татах" шаардлага гаргасан байна.

Сэтгүүлийн ерөнхий редактор, Томас Жефферсоны их сургуулийн анагаах ухааны профессор доктор Кристин Лэйн:

"Би буцаан татах ямар ч үндэслэл харахгүй байна" гэж мэдэгдэв.

Тэрээр нийтлэлд хандсан зарим шүүмжлэлд вэбсайтаараа хариу өгөх төлөвтэй байгаа ч, Кеннедигийн өгүүлэл нь Annals сэтгүүлд ирээгүй тул шууд хариу өгөхгүй гэв.

Судалгааны гол зохиогч, Дани улсын Statens Serum Institut-ийн Эпидемиологийн судалгааны хэлтсийн дарга Андерс Петер Хвиид TrialSite-д хариу өгүүлэл нийтэлж, Кеннедигийн гаргасан аливаа буруутгал үндэслэлгүй гэдгийг категорийн утгаар няцаав.

"Би вакцины аюулгүй байдалтай холбоотой маргаантай асуудлуудад дассан, ялангуяа аутизмтай холбоотой сэдвүүдэд. Гэхдээ ингэж улс төрийн өндөр түвшний хүний бай руу чиглүүлсэн дайралтад өртөж байгаагүй" гэж тэрээр Ройтерст цахим шуудангаар хэлжээ.

Кеннеди шүүмжлэлдээ:

Хяналтын бүлэг байхгүй,
Хамгийн өндөр өртөлттэй бүлгүүдийг зориудаар хассан,
Түүхий өгөгдлийг нийтлээгүй гэх мэт асуудлыг онцолжээ.

Хвиидийн тайлбарласнаар, Дани улсад ердөө 2% хүүхэд вакцин хийлгээгүй байдаг тул хяналтын бүлэг байгуулахад хангалтгүй аж. Мөн өгөгдлийг судлаачдад ашиглуулах боломжтой ч хувь хүний түвшний мэдээллийг Дани улсын хууль тогтоомжийн дагуу нийтэлдэггүй.

Вакцин эсэргүүцэгч бусад бүлгүүд, түүний дотор Кеннедигийн өмнө удирдаж байсан Children's Health Defense байгууллага ч уг судалгааг сэтгүүлийн вэбсайт дээр шүүмжилсэн байна.

TrialSite өөрөө ч судалгааны хэмжээ, өгөгдлийн ил тод байдал, санхүүжилтийг магтаж, загварын хязгаарлалтыг зөвшөөрсөн дүгнэлт гаргажээ. Зарим эрдэмтэд ч энэ байр суурийг дэмжсэн байна.

Лэйн докторын хэлснээр, Кеннедигийн дурдаж буй зарим асуудал нь судалгааны хүлээн зөвшөөрөгдөхүйц хязгаарлалтыг харуулж болох ч,

"Эдгээр нь олсон үр дүнг хүчингүй болгохгүй бөгөөд шинжлэх ухааны зөрчил гарсан гэх нотолгоо байхгүй" гэжээ.

HHS-ийн хэвлэлийн төлөөлөгч:

"Сайдын хэлснээс цааш нэмэх зүйл байхгүй" гэж мэдэгдсэн

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07